KPT+

ទទួលយកខ្លួនឯងសិន មុនពេលចង់ឲ្យអ្នកដទៃ ឃើញតម្លៃយើង

បានផុស

៣ years មុន

នៅ

ថ្ងៃសុក្រ ២៧ សីហា ២០២១

ដោយ

Blue Sky

ត្បិតតែថាសម័យកាលនេះ គេគិតពីយើងយ៉ាងណាលែងសូវសំខាន់ក៏ពិតមែន តែយើងក៏រមែងតែងចង់មានតម្លៃមួយក្នុងសង្គម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការទទួលយកខ្លួនឯង គឺគ្មានលក្ខខណ្ឌទេ! នេះមានន័យថា យើងចាប់ផ្តើមរៀនទទួលយក មិនថាចំណុចខ្លាំង ឬចំណុចគុណវិបត្តិទាំងអស់របស់ខ្លួន ហើយសិក្សាពីវា កុំគេច កុំបំភាន់។ ធ្វើបានបែបនេះ ប្រហែលជាអំណោយដ៏ល្អបំផុតដែលគ្រប់គ្នាគួរអាចផ្ដល់ឲ្យខ្លួនឯង។

ការនេះក៏នឹងអនុញ្ញាតឲ្យយើងបានដកពិសោធន៍ និងបង្ហាញអារម្មណ៍ពេញលេញមួយឆ្ពោះទៅការកសាងខ្លួនឡើងជានិច្ច។

ការទទួលយកដោយខ្លួនឯង ដោយគ្មានលក្ខខ័ណ្ឌគឺជាគុណភាពដ៏មានតម្លៃ ព្រោះវាត្រូវបានផ្សារភ្ជាប់ទៅនឹងលទ្ធផលវិជ្ជមានជាច្រើន ដូចជាការពង្រឹងសុខុមាលភាពផ្លូវចិត្ត និងភាពសុខដុមរមនាក្នុងជីវិត ជំនាញទន់ ការយោគយល់ បណ្តុះស្មារតីស្រលាញ់គាំទ្រ និងលែងនិយមនៅក្នុងវប្បធម៌ស្តីបន្ទោស។

គោលបំណងនៃអត្ថបទនេះ គឺដើម្បីផ្តល់នូវកម្លាំងចិត្តដល់គ្រប់គ្នា ឲ្យហ៊ានក្នុងការទទួលយកកំហុសដោយខ្លួនឯង នឹងកែប្រែវា។

អ្នកនិពន្ធ ម៉ីសន សុធារី នឹងចេញផ្សាយសៀវភៅ premium editions មានលក្ខណៈបំផុសគំនិតដ៏ពិសិដ្ឋមួយ បង្វឹកការយកចិត្តទុកដាក់ចំពោះអារម្មណ៍ខ្លួនឯងយើង រួមមានការទទួលយកខ្លួនឯង ការស្រឡាញ់ខ្លួនឯង និងគោរពខ្លួនឯង ឈានទៅរកការលូតលាស់ផ្នែកផ្នត់គំនិតជាវិជ្ជមានបាន។

ដូច្នេះ យើងគួរចាប់ផ្ដើមនិយាយអំពីការជំរុញនិងការទទួលយកខ្លួនឯង ការស្រឡាញ់ខ្លួនឯង មិនមែនការអាណិតអាសូរខ្លួនឯង ការពារកំហុសខ្លួនចង្អុលវាទៅឲ្យអ្នកដទៃទៀតនោះទេ។ វាមិនជួយអ្វីឲ្យប្រសើរឡើងឡើយ។

មិនមានពេលវេលាណា សម្រាប់យកមក វិនិយោគលើ«ការផ្លាស់ប្ដូរ» បានល្អជាង ចាប់ផ្ដើមឥឡូវទេ ! តែធ្វើសន្សឹមៗជាមួយគ្នាណា៎!

អាចផ្តើមដោយ សាកល្បងលំហាត់សមាធិ ដែលផ្អែកលើវិទ្យាសាស្ត្រ រំងាប់ចិត្ត ចំហចិត្ត នឹងជួយអ្នកបង្កើនផ្នត់គំនិតបើកទូលាយ សន្តានចិត្តសប្បុរសដែលផ្ដល់ឲ្យជីវិតយើងម្នាក់ៗ នូវឧបករណ៍ដើម្បីជួយក្នុងការទទួលយកកំហុស និងចំណុចខ្សោយនានា ដោយខ្លួនឯងទើបឈានទៅបំបាត់វាបាន៕

អត្ថបទ៖ហុង

ចុចអាន៖រៀនសួរ កុំខ្លាចគេថាល្ងង់ តែក៏កុំសួរឲ្យតែបានសួរ!

ចុចអាន៖យុវវ័យឥឡូវ ងាយប្រឈមបញ្ហាផ្លូវចិត្តដោយសារកត្តាអីខ្លះ? អាចដឹងដោយរបៀបណា?

ចុចអាន៖វិធីដោះស្រាយដោយសន្តិ នៅពេលមានមនុស្សប៉ងចង់ធ្វើបាបយើងដោយចេតនា (Bullying)