KPT+

ប្រភេទក្លិនទឹកអប់ដែលបុរសគួរប្រើ ដើម្បីទាក់ទាញការចាប់អារម្មណ៍ពីមនុស្សស្រី

Published

2 months ago

November 29, 2020

ក្លិនគឺជាអថេរដែលមានអនុភាព ទាក់ទាញគ្រប់ភេទផ្ទុយ។ ក្លិនខ្លះអាចជាឧបករណ៍ចិត្តសាស្ត្រដ៏មានឥទ្ធិពល ធ្វើឲ្យស្ត្រីមានអារម្មណ៍ចង់នៅក្បែរ។ បុរសៗប្រហែលជាឆ្ងល់ហើយថា តើក្លិនក្រអូបអ្វីដែលអាចទាក់ទាញស្ត្រីបាន?

វាខុសគ្នាពីមនុស្សម្នាក់ទៅមនុស្សម្នាក់ទៀត ចំពោះអ្វីដែលស្ត្រីចូលចិត្ត។ មនុស្សស្រីខ្លះចូលចិត្តក្លិនក្រអូបធម្មជាតិរបស់ដៃគូ ចំណែកឯអ្នកផ្សេងទៀត ចូលចិត្តក្លិនក្រអូបពីទឹកអប់។

ប៉ុន្តែមិនថាជាក្លិនអ្វី ខាងក្រោមនេះនឹងបកស្រាយពីក្លិនមួយចំនួនដែលបុរសអាចទាក់ទាញស្ត្រី
បាន ៖

១. ផ្លែឈើ

បុរសដែលញ៉ាំផ្លែឈើនិងបន្លែច្រើន បង្កើតញើសដែលមានក្លិនល្អសម្រាប់ស្ត្រី។ នៅក្នុងការសិក្សាឆ្នាំ ២០១៦ បានរកឃើញថា អ្នកដែលទទួលទានជាតិខាតាណូទីនច្រើន (ដែលមាននៅក្នុងផ្លែឈើនិងបន្លែដែលមានពណ៌ទឹកក្រូចលឿងឬក្រហម) មានក្លិនខ្លួនគួរឲ្យទាក់ទាញជាងមុន។ អាហារដែលមានផ្ទុកការ៉ូណូទីន រួមមានក្រូចថ្លុង ផ្លែស្វាយ ការ៉ុត ផ្លែក្រូច ម្ទេសនិងមើមជាដើម។

២. ក្លិន Musk

Musk គឺជាក្លិនក្រអូបដែលធ្វើឲ្យមនុស្សប្រុសមើលទៅកាន់តែទាក់ទាញ។ គ្រប់គ្នាប្រហែលជាបានឃើញវានៅក្នុងទឹកអប់ឬសាប៊ូដុំផ្សេងៗ។ ក្លិននេះកើតចេញពីក្រពេញសត្វ ហើយវាក៏រំលឹកមនុស្សពីការរួមរស់ជាមួយគ្នា ឬផ្លូវភេទជាដើម។

យោងតាមមជ្ឈមណ្ឌលស្រាវជ្រាវបញ្ហាសង្គម SIRC នៅចក្រភពអង់គ្លេស ស្ត្រីមានទំនោរទៅរកភាពទន់ភ្លន់ជាងបុរស។

៣. វ៉ានីឡា

វ៉ានីឡាគឺជាក្លិនក្រអូបដែលមនុស្សយល់ថា ជាការរីករាយនិងបន្ថយកម្រិតស្ត្រេសក៏ដូចជាការថប់បារម្ភ។ ដោយយល់ពីថាសមហេតុផល ធាតុនៃវ៉ានីឡាបានមានវត្តមាននៅក្នុងទឹកអប់និងកូឡាជែនជាច្រើន ដែលមនុស្សអាចប្រើប្រាស់ដើម្បីទាក់ទាញដៃគូស្នេហា។

៤. ជីអង្កាម

ជីអង្កាមមានក្លិនឈ្ងុយដែលអាចទាក់ទាញដល់មនុស្សគ្រប់រូប។ ក្លិនជីអង្កាមស្រស់អាចជួយក្នុងការប្រាស្រ័យទាក់ទងគ្នា របស់មនុស្សកាន់តែស្អិតរមួត។

ដូច្នេះបុរសត្រូវថែរក្សាខ្លួនឯងនិងត្រូវដុសធ្មេញ មុនពេលចេញក្រៅណាត់ជួបជាមួយនារីណាម្នាក់។

៥. ក្លិនស្បែក

ស្រដៀងនឹង musk ក្លិនក្រអូបនៃស្បែកមានលក្ខណៈម៉្យាង ដែលបុរសអាចបង្កភាពទាក់ទាញដល់ស្ត្រី។ នៅពេលស្វែងរកទឹកអប់ត្រូវរកមើលក្លិនក្រអូបដែលមានការណែនាំពីស្បែកនៅក្នុងគ្រឿងផ្សំទាំងនោះ។
ចាំថាក្លិនក្រអូបខាងក្រៅ ផ្ដល់នូវភាពសិចស៊ីនិងភាពទាក់ទាញរាងកាយដល់ភេទផ្ទុយ៕

ប្រែសម្រួល៖ សាង ស្រីល័ក្ខ

ប្រភព៖regain

ចុចអាន៖៩សញ្ញាបង្ហាញថាគេលួចស្រលាញ់អ្នក តែខំលាក់មិនឲ្យដឹង

ចុចអាន៖បែងចែកច្បាស់ឬនៅ រវាងទំនាក់ទំនងត្រឹមតែជាតណ្ហានិងស្នេហាពិត?