Connect with us

សុខភាព

៦ វិធី ថែរក្សាសុខភាពប្រដាប់ភេទបុរស ទប់ស្កាត់ភាពចាស់មុនអាយុ

បានផុស

នៅ

បញ្ហាផ្លូវភេទប្រៀបដូចជាសុបិនអាក្រក់សម្រាប់យុវវ័យ មិនថាស្ថិតក្នុងអាយុប៉ុន្មានតែងតែចង់មានសុខភាពផ្លូវភេទល្អជានិច្ច។ ដូច្នេះហើយ អ្នក​ត្រូវតែ​ថែរក្សា​សុខភាព​រាងកាយ​និងផ្លូវចិត្តឲ្យបានល្អប្រសើរ។

កម្ពុជាថ្មីនឹងផ្ដល់គន្លឹះ៦យ៉ាង ជួយថែរក្សា​សុខភាព​ប្រដាប់​ភេទ​បុរស​ កាន់តែមានសុខភាព​ល្អជាង​មុន។

១ ត្រូវ​ពិនិត្យ​អ័រម៉ូន​ជា​ប្រចាំ

អ័រម៉ូនតេស្តូស្តេរ៉ូនគឺជាអរម៉ូនដែលមានសារៈសំខាន់សម្រាប់ចំណង់ផ្លូវភេទ ទាំងមេជីវិតឈ្មោល និងសាច់ដុំនៅក្នុង​រាងកាយ។ ប្រសិនបើអ័រម៉ូនតេស្តូស្តេរ៉ូនត្រូវបានកាត់បន្ថយ ជាការពិតណាស់ វាក៏នឹងប៉ះពាល់ដល់ដំណើរការនៃប្រព័ន្ធផ្សេងៗផងដែរ ដូច្នេះវាមានប្រយោជន៍ខ្លាំងណាស់​ក្នុងការថែរក្សាប្រដាប់បន្តពូជឲ្យ​មានសុខភាពល្អ។ បុសរៗ​គួរ​យក​ចិត្ត​ទុក​ដាក់​លើ​សុខភាព​រាង​កាយនិងសុខភាពផ្លូវភេទជាប្រចាំ ដោយពិនិត្យ​តេស្តូស្តេរ៉ូន​​​មើល​ភាព​មិន​ប្រក្រតី​ជា​ប្រចាំ ហើយ​ការ​ព្យាបាល​តាម​រោគ​សញ្ញា​ នឹង​ជួយ​រក្សា​សុខភាព​រាង​កាយ​​ ​និង​សុខភាពប្រដាប់ភេទឲ្យនៅតែ​រឹងមាំ។

២ ធ្វើលំហាត់ប្រាណឲ្យ​បាន​ទៀងទាត់

លំហាត់ប្រាណគឺជាវិធីព្យាបាល និងការពារការលូតលាស់ និង​រក្សា​លក្ខខណ្ឌ​ឲ្យបាន​ល្អ​នៃ​សមត្ថភាព​ផ្លូវភេទ។ ការហាត់ប្រាណឲ្យបាន​ទៀងទាត់ នឹងធ្វើឲ្យយរាងកាយរឹងមាំ ពង្រឹងសរសៃឈាម​ ការពារជំងឺទឹកនោមផ្អែម លើសឈាម និងមហារីក ព្រមទាំងសុខភាពផ្លូវភេទល្អដូចគ្នា។

៣ ញ៉ាំអាហារដែលមានប្រយោជន៍

អាហារូបត្ថម្ភត្រឹមត្រូវ នឹងជួយលើកកម្ពស់រាងកាយដែលមានសុខភាពល្អ ហើយអ័រម៉ូនអាចដំណើរការកាន់តែមានប្រសិទ្ធភាព។ លើសពីនេះ វាក៏ជួយអារម្មណ៍​បុរស​ឲ្យមាន​សុខភាព​ផ្លូវភេទ​ល្អ​ឡើងវិញ​ជាមួយដៃគូ។

៤ គេងឲ្យបានគ្រប់គ្រាន់

ពេលវេលាដ៏ល្អបំផុតដើម្បីចូលគេងគឺម៉ោង ២១:០០ យប់ដល់ពាក់កណ្តាលអធ្រាត្រ។ ក្នុងអំឡុងពេលនេះ អ័រម៉ូនលូតលាស់ត្រូវបានបញ្ចេញ។ អរម៉ូនស្ត្រេសពីក្រពេញ Adrenal ត្រូវបានសម្រាក ហើយជាពេលដែលថង់ទឹកប្រមាត់បញ្ចេញជាតិពុល ក្នុងអំឡុងពេលនេះ ប្រសិនបើអ្នកគេងមិនលក់ ជាតិពុលនឹងត្រឡប់មកថ្លើមរបស់អ្នកវិញ ប៉ះពាល់អវិជ្ជមានដល់សុខភាព និងឆាប់ចាស់។

៥ ចៀសវាងការជក់បារី និងគ្រឿងស្រវឹង

ប្រសិនបើអ្នកចង់មានរាងកាយដែលមានសុខភាពល្អ គួរ​ចៀសវាង​ការ​ជក់បារី និង​ភេសជ្ជៈ​មាន​ជាតិ​អាល់កុល​។ ព្រោះ​វា​នឹង​ប៉ះពាល់​ដល់​សុខភាព​ក្នុង​រយៈពេល​វែងដែលយើងនឹកស្មានមិនដល់។

៦ ម៉ាស្សាប្រដាប់បន្តពូជជាទៀងទាត់

ការម៉ាស្សាប្រដាប់បន្តពូជជាទៀងទាត់ នឹងជួយឲ្យយប្រព័ន្ធឈាមរត់បានល្អ​ ជួយដល់ប្រព័ន្ធសរសៃឈាម ខ្លាញ់នៅក្នុងសរសៃឈាមត្រូវបានបំបែ ធ្វើឲ្យលំហូរឈាមកាន់តែប្រសើរឡើងថែមទៀត។

សរុបជារួមការយល់ដឹងពីវិធីថែទាំ គឺជាគន្លឹះនាំឲ្យសុខភាពបន្តពូជរបស់បុរសៗកាន់តែប្រសើរឡើងជាងមុន មិនថាអ្នកស្ថិតក្នុងវ័យណាមួយឡើយ សុទ្ធតែត្រូវការការយកចិត្តទុកដាក់ជាចម្បងទើបធ្វើឲ្យអ្នកមិនមានបញ្ហាទៅថ្ងៃមុខ៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថបទ៖ សុខ ភិម៉ា

ចុចអាន​៖ប្រុសៗញ៉ាំអាហារទាំងនេះច្រើន អាចប៉ះពាល់ អរម៉ូនភេទ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៥ នាទី មុន

លោក​ហេង សួរ និង​នាយិកា​ADB​ប្រចាំ​នៅ​កម្ពុជា​ពិភាក្សា​លើ​វឌ្ឍនភាព​ស្តីពី​ការអភិវឌ្ឍ​ជំនាញ​នៅ​កម្ពុជា

ព័ត៌មានជាតិ៣៤ នាទី មុន

ស្ដេចប្រដាល់ហ្វីលីពីន សន្យានៅចំពោះមុខសម្ដេចធិបតី ថា នឹងជួយលើកស្ទួយគុនខ្មែរ

សេចក្ដីជូនដំណឹង១ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានជាតិ៤ ម៉ោង មុន

UPDATE៖ ករណីឡានទំនើបបុកម៉ូតូ បណ្តាលឱ្យបុរសម្នាក់ស្លាប់ គ្រួសាររងគ្រោះប្ដឹងឱ្យសមត្ថកិច្ចជួយរកយុត្តិធម៌

ព័ត៌មានជាតិ៤ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

Sokha Hotels

ព័ត៌មានពេញនិយម