សុខភាព

ឱសថ ៥ មុខ មានអត្ថប្រយោជន៍ចំពោះសុខភាពផ្លូវភេទបុរស

បានផុស

១ year មុន

នៅ

ថ្ងៃពុធ ១០ ឧសភា ២០២៣

ដោយ

សុខភាពផ្លូវភេទបុរសគឺជារឿងមួយដែលសំខាន់បំផុតក្នុងជីវិតប្រចាំថ្ងៃ ខណៈប្រុសៗភាគច្រើនតែងជ្រើសជ្រើសការទទួលទានអាហារដើម្បីជំនួយ។ យ៉ាងណាមិញ ឱសថទាំង ៥ ប្រភេទ ខាងក្រោមនេះពិតជាស័ក្តិសមសម្រាប់ចិញ្ចឹមរាងកាយបុរស និងត្រូវបានគេចាត់ទុកថាជាអាថ៌កំបាំងនៃសុខភាពល្អសម្រាប់បុរសជុំវិញពិភពលោកផងដែរ។

១ ផ្កា Marigold

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វាគឺជាប្រភេទផ្កាដែលសម្បូរទៅដោយសារធាតុប្រឆាំងអុកស៊ីតកម្មខ្ពស់ ជួយពន្យឺតការចុះខ្សោយនៃកោសិកាពីភាពចាស់ ឬត្រូវបានបំផ្លាញដោយការបំពុល រួមទាំងធូលី ផ្សែង ពន្លឺព្រះអាទិត្យ។ លើសពីនេះ ផ្កា Marigold ក៏មានលក្ខណៈសម្បត្តិជួយកាត់បន្ថយការរលាកដែលកើតឡើងក្នុងរាងកាយ និងជួយឲ្យប្រព័ន្ធការពាររាងកាយដំណើរការបានពេញលេញ។

២ រុក្ខជាតិ Saw Palmetto

ជាមួយនឹងលក្ខណៈសម្បត្តិរបស់វា នឹងដើម្បីបង្កើនដង់ស៊ីតេ កាត់បន្ថយការបាត់បង់រោមលើប្រដាប់ភេទ ជាពិសេសកាត់បន្ថយការសំងាត់នៃអរម៉ូន dihydrotestosterone ។ Saw Palmetto ក៏កាត់បន្ថយការផលិតអង់ស៊ីមដែលជាអរម៉ូនដែលមានច្រើននៅក្នុងបុរស បណ្តាលឲ្យមានការកើនឡើងនៃក្រពេញប្រូស្តាតស្រាល។

៣ Tribulus Terrestris

វាជារុក្ខជាតិដែលមានលក្ខណៈសម្បត្តិគ្រប់គ្រាន់ដោយគេដាក់ឈ្មោះវាថាជាឱសថដ៏ពូកែ ជួយបង្កើនផ្នែកនៃអ័រម៉ូន Testosterone ដែលជាអ័រម៉ូនភេទបុរស និងជួយដល់ការសម្រើបផ្លូវភេទ។

៤ យិនស៊ិន

ឱសថដ៏ល្បីមួយរបស់ជនជាតិចិន ដែលជួយសម្រួលដល់ចរន្តឈាមក្នុងរាងកាយ។ ចំណែកខាងបុរសវិញ វានឹងជួយដល់ចរន្តឈាមដែលនឹងទៅប្រដាប់ភេទក្នុងពេលរួមភេទ។

៥ ផ្កា Echinacea

ឱសថដែលជួយបង្កើនអុកស៊ីហ្សែនដល់ផ្នែកផ្សេងៗនៃរាងកាយ ឬបង្កើនភាពរឹងមាំរបស់បុរសក្នុងពេលរួមភេទ។ បន្ថែមពីនេះ echinacea ក៏ចូលរួមចំណែកដល់ប្រព័ន្ធការពាររាងកាយផងដែរ ។

ការណែនាំសម្រាប់ការប្រើប្រាស់ឱសថសម្រាប់បុរស

ថ្វីត្បិតតែឱសថទាំង ៥ មុខដែលយើងបានលើកឡើងក្នុងវគ្គមុន សុទ្ធតែមានប្រយោជន៍សម្រាប់បុរស។ ប៉ុន្តែអ្នកត្រូវពិចារណាលើការណែនាំសម្រាប់ការទទួលទានរុក្ខជាតិយ៉ាងប្រុងប្រយ័ត្ន។ ព្រោះថា ឱសថដែលនឹងយកទៅប្រើប្រាស់ អាចមានផ្នែកណាមួយនៃថ្នាំសម្លាប់សត្វល្អិត ឬបាក់តេរីផ្សេងៗ ដែលយើងមិនដឹង។

យោងតាមអត្ថបទខាងលើ ប្រសិនបើបុរសចាប់ផ្តើមទទួលទានឱសថគួរតែពិគ្រោះជាមួយឱសថការី វេជ្ជបណ្ឌិត ឬអ្នកឯកទេសជាមុនសិន ដោយសារតែរាងកាយរបស់មនុស្សម្នាក់ៗនឹងមានប្រតិកម្មខុសៗគ្នាចំពោះប្រភេទឱសថនីមួយៗ៕

ប្រែសម្រួល៖ សាង ស្រីល័ក្ខ

ចុចអាន៖៥ យ៉ាងចង្អុលបង្ហាញភាពមិនប្រក្រតីទូទៅចំពោះបុរសអាយុលើសពី ៥០ ឆ្នាំ