Connect with us

KPT+

ព័ត៌មានផ្ទាល់ខ្លួនទាំង ៥ មិនគួរបង្ហាញតាមបណ្ដាញសង្គមទាល់តែសោះ

បានផុស

នៅ

បណ្តាញសង្គមត្រូវបានបង្កើតឡើងដើម្បីកម្សាន្ត ដូចជា ការរាប់អានមិត្តភក្តិតាមប្រព័ន្ធអនឡាញ និងការជជែកលេងជាមួយបងប្អូន សាច់ញ្ញាតិដែលនៅឆ្ងាយ ព្រមទាំងទទួល​បាន​ចំណេះដឹង​ថ្មីៗ។ បើសិនជាអ្នកចេះប្រើប្រាស់​ឱ្យ​បាន​ត្រឹមត្រូវ វា​នឹង​ផ្ដល់​អត្ថប្រយោជន៍​ដល់​អ្នក​​ បាន​យ៉ាង​ងាយស្រួល។

ដោយឡែក ភាព​អវិជ្ជមាន​របស់​វា​នឹង​ជះឥទ្ធិពលដល់អ្នក ពេលដែលយើង​មិន​បាន​ប្រើប្រាស់​វា​ប្រកប​ដោយ​ទំនួល​ខុសត្រូវ។ ព័ត៌មានទាំង ៧ ចំណុច នឹង​បង្ហាញ​ប្រាប់​អ្នក​អំពី​រឿងរ៉ាវផ្ទាល់ខ្លួនមួយចំនួន ដែល​មិន​គួរ​បង្ហោះ​នៅ​លើ​បណ្ដាញ​សង្គម​ទាល់តែសោះ។

១. អាសយដ្ឋាន​បច្ចុប្បន្ន​របស់​អ្នក

ការ​បង្ហាញ​ប្រាប់​ពី​ទីតាំង​នៃ​លំនៅឋាន​បច្ចុប្បន្ន​របស់​អ្នក​ នៅ​លើ​បណ្តាញ​សង្គម គឺ​ជា​រឿង​មិន​ល្អ​មួយ។ ពីព្រោះវាបានបង្ហាញប្រាប់ទៅកាន់ពិភពលោកទាំងមូលថា អ្នកកំពុងរស់នៅទីណា។ ជាក់ស្ដែង បើសិន​ជា​មនុស្សមានបំណងមិនល្អមកលើអ្នក ចង់​តាមដាន​អ្នក ដូចជា អតីត​ប្តី ប្រពន្ធ សមាជិក​គ្រួសារ​ដែល​មិន​មាន​ការ​ទាក់ទង​គ្នា និងមនុស្សចំឡែកមុខ។ វានឹងបង្កភាព​ងាយស្រួល​ដល់​ពួក​គេ​ ក្នុង​ការ​ចាប់ផ្ដើម​សកម្មភាព​មិន​ប្រក្រតី​ណា​មួយ។

២. រូបភាព​និង​ឈ្មោះ​កូនៗ​អ្នក (កុមារ​មិន​ទាន់​គ្រប់​អាយុ)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបី​ការ​បង្ហោះ​រូបភាពក្មេងស្ថិតក្នុងភាព​ចម្រូងចម្រាស(មតិស្រប និង​មតិផ្ទុយ) ក៏អ្នកមិនគួរ​បង្ហោះ​ឈ្មោះ​របស់​ពួកគេ​ឡើយ។ បញ្ហា​ចម្បង​នោះ​គឺ​ថា អ្នកបានបង្ហាញព័ត៌មាន និងភាពឯកជន​ផ្ទាល់ខ្លួន​របស់​ពួកគេ មុនពេល​ពួកគេ​គ្រប់​អាយុ​ដឹង​ក្តី។ លើសពីនេះ វា​អាច​ធ្វើ​ឱ្យ​ជន​មិន​ស្គាល់​មុខ ឬអ្នក​ដទៃ​ផ្សេង​ទៀត ដឹង​ពី​ព័ត៌មាន​ផ្ទាល់ខ្លួន​របស់​កុមារ ដោយប្រាប់ឈ្មោះក្មេង ឈ្មោះ​ឪពុកម្ដាយ និង​សូម្បី​ទីតាំង​លំនៅឋាន​បច្ចុប្បន្ន​ទៅ​កាន់ពួកគេ។ ប្រការបែបនេះ​នឹងធ្វើឱ្យ​កុមារ​ឆាប់​ជឿ​ទុកចិត្ត​អ្នក​ដែល​មាន​បំណង​អាក្រក់​ទាំងនោះបានយ៉ាងងាយ។ ដូចចេះ យើងត្រូវការពារ​ និង​រក្សា​ភាព​ឯកជន​របស់​កុមារ​ចេញ​ពី​បណ្តាញ​សង្គម។

. និយាយ​ដើម​ពី​កន្លែង​ការងារ

ជាធម្មតា អ្នកតែងជួបប្រទះ​ចៅហ្វាយ​មិន​ល្អ គ្មានការយល់យោគ និងការងារដែលធុញថប់ជាដើម។ ប៉ុន្តែ ការយករឿងបែបនេះ​ទៅ​ចែក​រំលែក​នៅ​លើ​បណ្តាញ​សង្គម​ មិនមែន​ជា​រឿង​ដែល​ល្អ​ឡើយ។ ទង្វើ​បែបនេះ មិនត្រឹមតែបង្ហាញថាអ្នកជាមនុស្សខ្វះការ​ទំនាក់ទំនងនោះទេ ប៉ុន្តែថែមទាំង​បង្ហាញ​ពីការ​មិន​គោរព​ទៅ​កាន់ថ្នាក់លើ នៅ​កន្លែង​ការងារ​របស់​អ្នក។ បើសិនជា​អ្នក​មាន​បញ្ហា​នៅ​កន្លែង​ការងារ​ ដោយ​ប្រការ​ណាមួយ ដំណោះស្រាយ​ដ៏​ល្អ​ ត្រូវ​ស្នើសុំ​ជម្រើស​ដែល​ប្រសើរ​ទៅ​កាន់ចៅហ្វាយនាយ។ ដោយឡែក​នៅ​ក្រុមហ៊ុន ឬ​អង្គភាព​មួយចំនួន មាន​ច្បាប់​ហាមឃាត់​មិន​ឱ្យ​បង្ហោះ​ពាក់ព័ន្ធ​កន្លែង​ការងារ ដើម្បី​រក្សា​សុវត្ថិភាព​ក្នុង​ស្ថាប័ន​នីមួយៗ។ ជាក់ស្ដែង ច្បាប់​ទាំង​នេះ​មាន​នៅ​គ្រឹះស្ថាន​អប់រំ ឬ​ធនាគារ។ ហេតុផល​គឺ​ថា អាច​មាន​ជន​ខិលខូច​មួយ​ចំនួន ឆ្លៀត​ឱកាស​ក្នុង​បំណង​មិន​ល្អ​ផ្សេងៗ។

៤. រយៈ​ពេល​និង​ទីតាំង​នៃ​ដំណើរ​កម្សាន្ត

នរណាៗ​​ក៏រីករាយនឹងការ​ដើរកម្សាន្ត​ដែរ ប៉ុន្តែការបង្ហោះទីតាំង និង​ពេលវេលា​ជាក់លាក់​អំពី​គម្រោង​វិស្សមកាល​របស់អ្នក គួរជា​រឿងព្រួយ​បារម្ភមួយ។ ការធ្វើបែបនេះ វាអាច​បង្ក​ហានិភ័យ​ដល់​ទ្រព្យសម្បត្តិ និង​ផ្ទះ​របស់អ្នក ដោយសារ​មនុស្ស​គ្រប់គ្នា​ដឹងច្បាស់ពីទីតាំង និង​ពេលវេលា​ចំពោះ​ការ​ចាកចេញ និងពេលត្រឡប់មកវិញនៃដំណើរ​កម្សាន្ត​របស់​អ្នក។ ជាក់ស្ដែង មាន​ករណី​ត្រូវ​ចោរ​គាស់​ផ្ទះ​ជា​ច្រើន​ ដែល​បាន​កើតឡើង​នៅ​ពេលម្ចាស់ផ្ទះមិននៅ ហើយ​បង្ហោះ​ព័ត៌មាន​លម្អិត​អំពី​ការ​ចេញ​ទៅ​ទេសចរណ៍។

៥.ព័ត៌មាន​អំពី​ឥណទាន​ផ្ទាល់ខ្លួន

ពេលខ្លះ អ្នកបាន​បង្ហោះ​ចំនួន​ប្រាក់ខែ​ដំបូង ឬ​ព័ត៌មាន​លុយកាក់ នៅលើ​បណ្តាញ​សង្គម​អនឡាញ ដើម្បី​បង្ហាញ​ពី​អារម្មណ៍​រំភើប និង​សប្បាយចិត្ត ជាដើម។ ប៉ុន្តែ​អ្នក​មិន​គួរ​បង្ហោះ​ព័ត៌មាន​លម្អិត​នៃ​ឥណទាន​ផ្ទាល់ខ្លួនឡើយ ពីព្រោះ មានជនខិលខូច ឬ​អ្នក​រកស៊ី​បោកប្រាស់​នៅ​លើ​អ៊ីនធឺណិត ​ចាំ​លួច​ព័ត៌មាន និង​ក្លែង​បន្លំ​អត្តសញ្ញាណ​អ្នក។

ជារួមនៅមានចំណុចជាច្រើនទៀត ​ដែលអ្នក​មិន​គួរ​បង្ហាញ​ជា​ទីសាធារណៈ​នៅលើ​បណ្តាញ​សង្គម។ ប៉ុន្តែកម្ពុជាថ្មីបានដកស្រង់យកចំណុចសាមញ្ញៗ និងមានសារៈសំខាន់ ​ដែលជួយ​អ្នក​ឱ្យចេះ​ប្រុងប្រយ័ត្ន​ មុន​នឹង​បង្ហោះព័ត៌មានអ្វីមួយនៅលើ​បណ្ដាញ​សង្គម ដើម្បី​ចៀសវាង​ពី​ការ​ខាតបង់ និង​បញ្ហា​ផ្សេងៗ​នៅលើ​ប្រព័ន្ធ​អនឡាញ៕

ប្រែសម្រួល៖ លីលី

ចុចអាន៖បណ្ដាញសង្គម ធ្វើឲ្យរឹតត្បិតសេរីភាពផ្លូវចិត្ត សាកល្បងបន្សាបជាតិពុលតាមវិធីនេះ

ចុចអាន៖ឥរិយាបថប្រើប្រាស់ប្រព័ន្ធផ្សព្វផ្សាយសង្គម ៤ យ៉ាង កំពុងបំផ្លាញអនាគតការងារបច្ចុប្បន្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

បច្ចេកវិទ្យា២ ម៉ោង មុន

សែលកាត មានវត្តមានក្នុងការបង្ហាញពីសមត្ថភាពលើផ្នែកឌីជីថលរបស់ខ្លួន ក្នុងទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ (STI) លើកទី២

ព័ត៌មានជាតិ២ ម៉ោង មុន

សម្តេច ម៉ែន សំអន៖ កត្តាសន្តិភាពបាននាំមកនូវការរីកចម្រើនទាំងវិស័យពុទ្ធចក្រ និងអាណាចក្រ

ព័ត៌មានជាតិ៣ ម៉ោង មុន

ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេស​ឡាវ

សេដ្ឋកិច្ច៣ ម៉ោង មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

ព័ត៌មានជាតិ៤ ម៉ោង មុន

ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត

Sokha Hotels

ព័ត៌មានពេញនិយម