KPT+
មកស្គាល់ពីប្រភេទសត្វស្លាបកម្រ ៧ប្រភេទនៅកម្ពុជា
សត្វស្លាបល្អិត និងស្លាបធម្មតា ខ្លះជាសត្វស្លាបព្រៃ ៧ប្រភេទដែលកម្រមាននៅកម្ពុជា មានតែនៅតាមតំបន់មួយចំនួនប៉ុណ្ណោះ។ សត្វស្លាបទាំងនោះ សុទ្ធសឹងតែជាសត្វដែលកម្រ មានរូបរាងស្រស់ស្អាត ត្រូវបានអភិរក្សយ៉ាងយកចិត្តទុកពីរាជរដ្ឋាភិបាល ដើម្បីអាចមានវត្តមានបន្តទៀតនៅកម្ពុជា។
ខាងក្រោមនេះ គឺជាសត្វស្លាប ៧ប្រភេទ ដែល “កម្ពុជាថ្មី” បានធ្វើការស្រាវជ្រាវបានមកក្នុងចំណោមសត្វស្លាបអភិរក្សផ្សេងទៀត។
១.សត្វចាបស៊ីរុយហៃណាន (Hainan Blue Flycatcher)
សត្វចាបស៊ីរុហៃណាន ដែលមានរូបរាងស្រដៀងទៅនឹងចាបស្រុកដែល មានព័ណ៌ខៀវលាយជាមួយប្រផេះ គឺជាសត្វបក្សីក្នុងអំបូរ Muscicapidae ហើយត្រូវបានពិពណ៌នាជាលើកដំបូងដោយលោក William Robert Ogilvie-Grant នៅឆ្នាំ ១៩០០។ បក្សីនេះ ត្រូវបានឃើញវត្តមាននៅលើទឹកដីប្រទេសកម្ពុជា ចិន ទីក្រុងហុងកុង ឡាវ មីយ៉ានម៉ា ថៃ និងវៀតណាម។ ចំពោះក្នុងប្រទេសកម្ពុជា បក្សីប្រភេទនេះ ត្រូវបានឃើញមានវត្តមាននៅខេត្តស្ទឹងត្រែង និងខេត្តក្រចេះ។ បក្សីចាបស៊ីរុយហៃណាន តែងនៅជម្រកក្នុងព្រៃត្រូពិច ឬ តំបន់ត្រូពិចដែលមានសំណើម។
២.សត្វស្ទាំងលលក (Black-shouldered Kite)
សត្វស្លាបស្ទាំងលលក គឺជាសត្វស្លាបតូច ដែលមានទំហំចាប់ពី ៣៥-៣៨សង់ទីម៉ែត្រ ហើយមានពណ៌ខ្មៅ និងពណ៌ប្រផេះ។ សត្វនេះត្រូវបានគេប្រទះឃើញមានវត្តមានទាំងនៅតាមជនបទ ជួនកាលនៅឃើញហើរនៅក្នុងទីក្រុងទៀតផង (កម្រនៅក្នុងក្រុង)។ សត្វនេះ តែលបឆ្មក់សត្វកណ្តុរ កណ្តូប និងសត្វល្មូនល្អិតៗជាច្រើនទៀតធ្វើជាចំណីរបស់វា។
៣.សត្វត្រដេវតូច (Little Green Bee-eater)
បក្សីត្រដេវតូច ជាបក្សីមួយប្រភេទស្ថិតនៅក្នុងអំបូរ Meropidae ដែលត្រូវបានចែកជា ៣ពួកផ្សេងទៀត។ សត្វត្រដេវតូច មានរាងតូច ចំពុះស្រួច មានពណ៌ខ្មៅ ចំណែកឯរោមវិញ មានពណ៌បៃតងលាយជាមួយពណ៌លឿង។ សត្វនេះ ស្វែងរកចំណីដោយហើរត្រឹមកម្ពស់ ១,៥ម៉ែត្រពីដី ហើរឆ្វែលរកចាប់សត្វល្អិតជាចំណី រួចហើរមករកកន្លែងទុំលើមែកឈើ ឬ សម្បុករបស់វាវិញ។ សត្វត្រដេវតូច ភាគច្រើនមាននៅតំបន់អាស៊ី និងអាហ្រ្វិក ចំណែកកម្ពុជាក៏មានវត្តមានរបស់បក្សី ត្រដេវតូច នេះផងដែរ។
៤.បក្សីចចាតត្រចៀកខៀវ (Blue-eared Kingfisher)
សត្វចចាតត្រចៀកខៀវ មានសម្បុរពណ៌ខៀវគ្របដណ្តប់ពីលើ និងមានពណ៌ត្នោតនៅខាងក្រោម មានចំពុះពណ៌ក្រហមលាយខ្មៅ។ សត្វនេះ ត្រូវបានឃើញនៅកម្ពុជា ដូចជានៅខេត្តតាកែវ និងតាមបណ្តាខេត្តផ្សេងទៀត។ បក្សីប្រភេទនេះ តែងរស់នៅតាមដងអូ តាមត្រពាំង ឬនៅតាមព្រៃកោងកាងជាដើម។
៥.បក្សីខ្ទប់ដីព្រៃ (Forest Wagtail)
សត្វស្លាប ខ្ទប់ដីព្រៃ ជាប្រភេទសត្វស្លាបក្នុងរដូវរងា មានពណ៌ខ្មៅ លាយស្លែឆ្នូតៗពីលើ និងមានលាយពណ៌ប្រផេះ ដែលស្ថិតនៅក្នុងអំបូរ Motacillidae។ បក្សី ខ្ចប់ដីព្រៃ នេះចូលចិត្តស្វែងរកចំណីនៅលើដី ហើយកន្ទុយរបស់វាតែងរេទៅម្ខាង មិនឡើងចុះ ឬ រេចុះឡើងដូចសត្វឯទៀតឡើយ។
៦.សត្វស្លាប កំប្លុក ឬ ពពូលចំពុះធំ (Thick-billed Green-pigeon)
បក្សីមួយនេះ ជាបក្សីមួយប្រភេទ ដែលស្ថិតនៅក្នុងអំបូរ Columbidae ហើយទាំងញីទាំងឈ្មោល ត្រូវបានគ្របដណ្តប់ដោយពណ៌បៃតង ចំពោះភេទឈ្មោលមានពណ៌ស្វាយនៅពីលើស្លាប រីឯភេទញី គ្របសណ្តប់ដោយពណ៌បៃតងសុទ្ធសាធ។ ពួកវាតែងនាំគ្នាហើរទាំងហ្វូងៗ នៅតាមតំបន់វាលទំនាប និងតាមជើងភ្នំ។
៧.បក្សីចេកខ្ចីស្លាបខៀវ (Blue winged Leafbird)
សត្វស្លាប ចេកខ្ចីស្លាបខៀវ នេះ មានទំហំមធ្យម ជាពពួកបក្សីដែលរស់នៅក្នុងព្រៃ ចូលចិត្តហើរទាំងហ្វូងៗ។ ចំពោះបក្សីឈ្មោល មានសណ្ឋានពណ៌លឿងលាយបៃតង ដោយចុងកន្ទុយមានពណ៌ខៀវ ជាមួយគ្នានោះ ក៏មានពណ៌ខ្មៅដៅពីរង្វង់ភ្នែកជិតចំពុះបន្តិច។ ចំណែកញី មានពណ៌លឿងតិចនៅត្រង់ក្បាល លាយជាមួយពណ៌បៃតងនៅពាក់កណ្តាលខ្លួន ហើយក៏លាយពណ៌ខៀវនៅចុងកន្ទុយដូចសត្វឈោលដែរ តែញីមិនមានពណ៌ខ្មៅក្នុងរង្វង់ភ្នែគ និងចំពុះដូចសត្វឈ្មោលឡើយ៕
ដោយ៖ អុន ស្រីមាន
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សន្តិសុខសង្គម៨ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ