៣៧ខេត្តនៅថៃ ជួបព្យុះមូសុង ក្នុងនោះ បាងកក ក៏រងឥទ្ធិពល 

នាយកដ្ឋានឧតុនិយមថៃ បានចេញការព្រមានឲ្យខេត្តចំនួន៣៧ ត្រូវប្រយ័ត្នចំពោះព្យុះមូសុង នៅពាក់កណ្តាលសប្តាហ៍នេះ ក្នុងនោះរាជធានីបាងកក ក៏រងឥទ្ធិពល៦០%ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការចុះផ្សាយរបស់ Khaosod នៅថ្ងៃអង្គារទី៣ខែមិថុនាឆ្នាំ២០២៥, ដោយសារខ្យល់មូសុងនិរតីកម្រិតមធ្យមដែលបក់បោកលើសមុទ្រ Andaman និងឈូងសមុទ្រថៃ គួបផ្សំនឹងប្រព័ន្ធសម្ពាធទាបដែលគ្របដណ្តប់ភាគខាងជើងប្រទេសវៀតណាម ឥទ្ធិពលរបស់វានឹងជះលើប្រទេសថៃ បង្កឲ្យមានព្យុះ បាតុភូតផ្គររន្ទះនិងភ្លៀងធ្លាក់ខ្លាំងនៅតំបន់មួយចំនួន។ 

លើសពីនេះ ចំពោះសមុទ្រវិញក៏មានរលកធំៗផងដែរ ដូច្នេះហើយនាយកដ្ឋានបានចេញការព្រមានឲ្យមានការប្រុងប្រយ័ត្នខ្ពស់ចំពោះអ្នកនេសាទក៏ដូចជាទេសចរ ដែលធ្វើដំណើរទៅកោះ។

សម្រាប់ខេត្តដែលស្ថិតក្នុងការព្រមាននោះមានដូចជា៖

• ភាគខាងកើត៖ Nakhon Nayok, Prachin Buri, Chon Buri, Rayong, Chanthaburi និង Trat។ 
• ភាគខាងត្បូង៖ Phetchaburi, Prachuap Khiri Khan, Chumphon, Surat Thani, Nakhon Si Thammarat, Yala, Narathiwat, Ranong, Phang Nga និង Phuket។
• ភាគខាងជើង៖ Mae Hong Son, Chiang Mai, Chiang Rai, Kamphaeng Phet, Sukhothai, Tak, Phitsanulok, Bueng Kan, Nakhon Phanom, Sakon Nakhon, Mukdahan, Amnat Charoen, Nakhon Ratchasima, Si Sa Ket និង Ubon Ratchathani។
• ភាគកណ្តាល៖ Uthai Thani, Saraburi, Phra Nakhon Si Ayutthaya, Kanchanaburi, និង Ratchaburi៕

អត្ថបទ៖ សុខ សុវណ្ណ

ចុចអាន៖ ឈៀងម៉ៃ ត្រូវវាយប្រហារដោយគ្រោះរញ្ជួយដីកម្រិត ៤.៥ រ៉ិចទ័រ