KPT+

តើមានអ្វីកើតឡើង បើសិនយើងច្រឡំទទួលទានអាហារដុះផ្សិត?

បានផុស

៥ years មុន

នៅ

ថ្ងៃចន្ទ ១១ មករា ២០២១

ដោយ

ធ្លាប់ច្រឡំទទួលទានអាហារដុះផ្សិតអត់ដឹងខ្លួនអត់។ រឿងទាំងនេះអាចកើតឡើងចំពោះយើងម្ដងឬពីរដង ហើយយើងកំពុងតែព្រួយបារម្ភពីផលវិបាក ដែលអាចកើតមាន។ ប៉ុន្តែក្នុងអាហារដុះផ្សិតទាំងនោះ ក៏មានអាហារខ្លះយើងអាចទទួលទានបានដែរ។

ស្វែងយល់ទាំងអស់គ្នា ពីផលប៉ះពាល់អវិជ្ជមានលើផ្សិតដែលអាចមានលើរាងកាយ និងអាហារខ្លះដែលអាចទទួលទានបាន៖

១. ផ្សិតខ្លះអាចបំផ្លាញថ្លើមរបស់យើង

សារធាតុគីមីពុលដែលត្រូវបានរកឃើញនៅលើផ្សិត ហើយអាចបង្កបញ្ហាសុខភាពធ្ងន់ធ្ងរដូចជាខូចថ្លើម ក្អួតចង្អោរ និងរាគ។ ទោះយ៉ាងណា វាអាស្រ័យលើកត្តាមួយចំនួនដូចជាប្រព័ន្ធភាពស៊ាំ ឬអាយុរបស់យើងដែរ។

មួយក្នុងចំណោមសារធាតុដែលមានជាតិពុល និងទូទៅ ត្រូវបានគេស្គាល់ថា aflatoxin ដែលអាចបង្កឲ្យមានជំងឺមហារីកផងដែរ។

២. រោគសញ្ញានៃប្រតិកម្មអាលែកហ្សីទៅនឹងផ្សិត

មនុស្សមួយចំនួនមានប្រតិកម្មអាលែកហ្សីទៅនឹងផ្សិត ដែលរកឃើញនៅលើអាហារ។ រោគសញ្ញាដែលអាចជាសញ្ញានៃប្រតិកម្មអាលែកហ្សី គឺភ្នែករមាស់ ហៀរទឹកភ្នែក កន្ទួលក្រហម ហៀរសំបោរ ឬតឹងច្រមុះជាដើម។

ហើយបើសិនក្នុងករណីដែលយើងច្រឡំទទួលទាន សូមប្រញាប់ទៅមន្ទីរពេទ្យភ្លាមៗ។

៣. មានអាហារដែលមានរូបរាងដុសផ្សិតតែនៅតែទទួលទានបាន

various types of cheese on rustic wooden table

ផ្សិតដែលត្រូវបានប្រើក្នុងប្រភេទឈីសផ្សេងៗគ្នា មានសុវត្ថិភាពអាចទទួលទានបាន។ ឈីសទាំងនោះមានដូចជាឈីស Gorgonzola ឈីស Roquefort និងឈីសពណ៌ខៀវ ត្រូវបានបង្កើតឡើងដោយមានរូបរាងដូចឈីសដុសផ្សិត ប៉ុន្តែតាមពិតទៅគឺយើងអាចទទួលទានបាន។

មិនថាអាហារដែលយើងទទួលទានរូបរាងរបៀបម៉េច សំខាន់យើងត្រូវប្រុងប្រយ័ត្នជានិច្ច អាហារខ្លះអាចបង្កើតជាតិពុលចូលរាងកាយ ធ្វើឲ្យមានជំងឺដំកាត់ ឬអាចឈានទៅធ្ងន់ធ្ងរថែមទៀត៕

ប្រែសម្រួល៖ សាង ស្រីល័ក្ខ

ចុចអាន៖តើគូស្វាមីភរិយាជាទូទៅ ត្រូវរង់ចាំរយៈពេលប៉ុន្មានក្នុងការប្រាថ្នាមានផ្ទៃពោះ ក្រោយរៀបការ

ចុចអាន៖ភាពចុះខ្សោយនៃទារកក្នុងផ្ទៃ!