សុខភាព

ភាពចុះខ្សោយនៃទារកក្នុងផ្ទៃ!

បានផុស

៥ years មុន

នៅ

ថ្ងៃចន្ទ ១១ មករា ២០២១

ដោយ

ជាស្ថានភាព ដែលការលូតលាស់នៃទារកជួបឧបសគ្គ។ ជាទូទៅមានសភាពធ្ងន់ធ្ងរ ដែលពេលខ្លះស្រួចស្រាវ ឬ រ៉ាំរ៉ៃ ដែលត្រូវការការព្យាបាលជាបន្ទាន់។ ភាពចុះខ្សោយនៃទារកក្នុងផ្ទៃ មាន ២ សំខាន់៖

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

– ភាពចុះខ្សោយរ៉ាំរ៉ៃ

• កើតឡើងពេលមានផ្ទៃពោះ

• រកឃើញដោយអេកូសាស្ត្រ

– ភាពចុះខ្សោយស្រួចស្រាវ

• កើតមានក្នុងពេលសម្រាល

• កើតមានពេលដែលទារកខ្វះអុកស៊ីហ្សែនធ្ងន់ធ្ងរ

ក) ការសង្ស័យ ពេលទារកចុះខ្សោយ

– ករណីភាពចុះខ្សោយរ៉ាំរ៉ៃ

• សញ្ញាអាយុជីវិតរបស់ទារកមិនល្អគ្រប់គ្រាន់

• ការលូតលាស់មិនគ្រប់គ្រាន់ឬមានវត្តមាននៃកង្វះទឹកភ្លោះ តាមរយៈអេកូសាស្ត្រ

• មានភាពមិនប្រក្រតីនៃសរសៃឈាម និងទារកក្នុងផ្ទៃ តាមរយៈ Doppler។

– ភាពចុះខ្សោយស្រួចស្រាវ នៅពេលឈឺពោះសម្រាល

• មានការប្រែប្រួលចង្វាក់បេះដូងទារក

• មានការចេញលាមកព្រៃក្នុងទឹកភ្លោះ

• កម្រិតអុកស៊ីហ្សែនក្នុងឈាមរបស់ទារកចុះទាប (Acidose métabolique)

– ភាពចុះខ្សោយស្រួចស្រាវ បន្ទាប់ពីពេលកើត:

• ភាពចុះខ្សោយនៃពហុសរីរៈ (ថ្លើម តម្រង់នោម)

• ភាពចុះខ្សោយនៃខួរក្បាល

ខ) មូលហេតុនៃភាពចុះខ្សោយ

– ជំងឺរបស់ម្តាយ (ឧ. លើសឈាម…)

– ភាពមិនធម្មតានៃការកន្ត្រាក់ស្បូន (ឧ. ឈាមកកក្រោយសុក…)

– បណ្តាលមកពីសុក ឬទងសុក (ឧ. សុកពាំងបាំងមុខស្បូន, ទងសុករុំកូន…)

– បណ្តាលមកពីទារក (ឧ. ទារកប្រឈមនឹងការឆ្លងមេរោគ…)

គ) ការធ្វើរោគវិនិច្ឆ័យនៃភាពចុះខ្សោយ

– ការមានលាមកព្រៃរបស់ទារកនៅក្នុងទឹកភ្លោះ

– ការថយចុះនៃសំឡេងចង្វាក់បេះដូង

– កម្រិត pH < 7,5 (ឈាមដែលបូមចេញពីសរសៃឈាមនៃទងសុកទារក)

ឃ) ការវិវត្តន៍នៃភាពចុះខ្សោយ

– ការវិបត្តិធំសំខាន់ជាងគេ គឺប៉ះពាល់ទៅលើប្រព័ន្ធប្រសាទរបស់ទារក

– ការវិវត្តន៍មាន ៣ដំណាក់កាល

• ដំណាក់កាលទី១ ដែលវិវត្តន៍នៃភាពខ្សោយរបស់ទារកនឹងបាត់ក្នុងរយៈពេល ២៤ម៉ោង ទៅ ៤៨ម៉ោង។ ដំណាក់កាលនេះមិនប៉ះពាល់ដល់ខួរក្បាលទារកទេ។

• ដំណាក់កាលទី២ វិបត្តិនៃបញ្ហាភាពខ្សោយរបស់ទារកនឹងបាត់ក្នុងរយៈពេល ១សប្តាហ៍។ ទារកអាចប៉ះពាល់ដល់ខួរក្បាលក្នុងកម្រិតតិច។

• ដំណាក់កាលទី៣ ដែលវាមានលក្ខណៈធ្ងន់ធ្ងរជាមួយអត្រាស្លាប់ខ្ពស់។

ដូច្នេះយើងត្រូវតាមដានពេលមានផ្ទៃពោះនិងពេលសម្រាល ដើម្បីធ្វើអន្តរាគមន៍ជាបន្ទាន់ពេលមានរោគសញ្ញាទាំងនេះ។

ង) ការព្យាបាល

ការព្យាបាលនៃភាពចុះខ្សោយ ត្រូវធ្វើទៅតាមមូលហេតុនិងរោគសញ្ញារបស់ទារក។

“ប្រសិនបើលោក-លោកស្រីមានចម្ងល់ ឫមានសង្ស័យលើរោគសញ្ញាដែលបង្ហាញពីភាពចុះខ្សោយរបស់ទារកដូចបានរៀបរាប់ខាងលើ សូមមេត្តាប្រញាប់មកជួបពិគ្រោះ បន្ទាន់ជាមួយក្រុមវេជ្ជបណ្ឌិតជំនាញនៅមន្ទីរពេទ្យកាល់ម៉ែត ដើម្បីការពារអាយុជីវិតទារកលោក លោកស្រីបានទាន់ពេលវេលា។ ការតាមដាននិងពិនិត្យផ្ទៃពោះ ការកម្រើករបស់ទារកឲ្យបានទៀងទាត់តាមដំបូន្មានរបស់គ្រូពេទ្យ គឺជាការតាមដានសុខភាពរបស់ទារក ជាពិសេសអំឡុងពេលជិតសម្រាល”៕