សុខភាព

អាហារ ៥ មុខ ជនជាតិជប៉ុនជឿថា ធ្វើឲ្យការចងចាំកាន់តែប្រសើរឡើង

បានផុស

២ years មុន

នៅ

ថ្ងៃអង្គារ ៤ តុលា ២០២២

ដោយ

នៅពេលដែលមនុស្សកាន់តែចាស់ នោះអាចប្រឈមមុខបញ្ហាធំមួយ គឺងាយនឹងភ្លេចភ្លាំង។ ការរៀននិងការចងចាំយឺត ក៏ដូចជាកង្វះការផ្តោតអារម្មណ៍នៅកន្លែងធ្វើការ គឺជាអ្វីដែលយើងគួរតែសិក្សាស្វែងយល់ឲ្យបានច្រើនបំផុត។

មកស្គាល់អាហារ ៥ប្រភេទ ដែលប្រជាជនជប៉ុនណែនាំថា បើញ៉ាំជាប្រចាំ នឹងជួយរក្សាការចងចាំបានល្អ ការផ្តោតអារម្មណ៍លើការសិក្សា និងការងារកាន់តែប្រសើរជាងមុន។

១ ត្រីខៀវ

ត្រីខៀវ រួមមាន ត្រី mackerel , sanma, ត្រីធូណា, ត្រី ចំហ៊ុយ, និងត្រី sardines ក្នុងចំណោមត្រីដទៃទៀត សម្បូរទៅដោយអាស៊ីតខ្លាញ់ដូចជា DHA (Docosahexaenoic acid) និង EPA (Eicosapentaenoic acid) ដែលជាអាស៊ីតខ្លាញ់ពីរដែលបង្កើតបានជា ខួរក្បាលបីផ្នែក ការសិក្សាលើសត្វកណ្តុរបានបង្ហាញថាសត្វកណ្តុរដែលផ្តល់អាហារដែលមានផ្ទុក DHA មានភាពស្ទាត់ជំនាញក្នុងការសិក្សាជាងសត្វកណ្តុរ ដែលផ្តល់អាហារដែលមានផ្ទុក DHA បន្ថែមពីលើត្រីខៀវ ប្រេង flaxseed និងប្រេងគ្រាប់ល្ង។ វាគឺជាជម្រើសមួយផ្សេងទៀត សម្រាប់ការទទួលបាន DHA និង EPA ចូលទៅក្នុងខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២ សូកូឡា

ការសិក្សារួមគ្នារវាងអ្នកផលិតសូកូឡា Meji និងសាកលវិទ្យាល័យ Aichi Gakuin បានបង្ហាញថា ការទទួលទានសូកូឡាជាប្រចាំជាមួយនឹងមាតិកាកាកាវខ្ពស់ បង្កើន BDNF (កត្តា neurotrophic មកពីខួរក្បាល) ដែលជាប្រូតេអ៊ីនដែលចាំបាច់សម្រាប់ការលូតលាស់ខួរក្បាល។ រំញោចកោសិកាសរសៃប្រសាទក្នុងខួរក្បាល ទៅជាសាខា និងបង្កើតទំនាក់ទំនងរវាងណឺរ៉ូនជាច្រើន។ នេះមានសារៈសំខាន់ សម្រាប់ដំណើរការសិក្សា និងការចងចាំរបស់យើង។

៣ សារាយសមុទ្រ

សារាយសមុទ្រដូចជា nori, wakame និង hijiki សម្បូរទៅដោយជាតិសរសៃរលាយ។ ជាតិសរសៃនេះជាអាហារសម្រាប់បាក់តេរីល្អក្នុងពោះវៀន និងជួយពង្រឹងបរិយាកាសពោះវៀន។ ដោយសារតែខួរក្បាល និងពោះវៀនមានទំនាក់ទំនងគ្នា។ ប្រសិនបើបរិស្ថានពោះវៀនល្អ វាក៏នឹងជួយបង្កើនការចងចាំបានល្អផងដែរ។ ក្រៅពីសារាយសមុទ្រ បន្លែជាដំឡូង ការ៉ុត ដំឡូងជ្វា គីវី ផ្លែបឺរក៏សម្បូរទៅដោយជាតិសរសៃរលាយផងដែរ។

៤ ចេក

គ្លុយកូសគឺជាជាតិស្ករដែលខួរក្បាលត្រូវការ ដើម្បីប្រែក្លាយទៅជាថាមពលសម្រាប់ខួរក្បាល។ ប្រសិនបើរាងកាយខ្វះជាតិគ្លុយកូស hippocampus នៃខួរក្បាល (Hippocampus) ចុះខ្សោយ ហើយបណ្តាលឲ្យមានការបំផ្លាញប្រព័ន្ធចងចាំ។ ចេកសម្បូរទៅដោយជាតិស្ករបីប្រភេទ គ្លុយកូស ហ្វ្រូតូស និង sucrose ដែលត្រូវបានបំប្លែងទៅជាថាមពលនៅពេលផ្សេងៗគ្នាអាស្រ័យលើប្រភេទស្ករ។ ចេកក៏ជាផ្លែឈើដែលមានកាឡូរីទាបដែរ បើធៀបនឹងបង្អែមម្សៅផ្សេងទៀត។ ដូច្នេះ ចេកជាអាហារសម្រន់ដែលផ្តល់សុខភាពល្អ និងជាជម្រើសសម្រាប់ខួរក្បាលផងដែរ។

៥ ទឹក

រាងកាយត្រូវបានបង្កើតឡើងដោយទឹក ៦០-៧០ភាគរយ ការសិក្សាបានបង្ហាញថា ប្រសិនបើរាងកាយស្រកតិចជាង ១ភាគរយនៃទំងន់ វាអាចប៉ះពាល់ដល់ការចងចាំនិងការសិក្សា។ ដូច្នេះប្រសិនបើខួរក្បាលអ្នកមានអារម្មណ៍នឿយហត់ យកល្អគួរតែធ្វើឲ្យខ្លួនឯងស្រស់ស្រាយ ដោយផឹកទឹក១ទៅ២កែវ។ ការផឹកទឹកពេលកំពុងសិក្សាឬអាន ក៏ត្រូវបានគេរាយការណ៍ថា អាចកាត់បន្ថយភាពតានតឹង និងជួយឲ្យអ្នកចងចាំនូវអ្វីដែលអ្នករៀនបានកាន់តែប្រសើរ។

បន្ថែមពីលើអាហារ ដើម្បីរក្សាការចងចាំរបស់យើងឲ្យបានយូរ គឺជារបៀបរស់នៅដែលមានតុល្យភាព សំណើច សុទិដ្ឋិនិយម និងការធ្វើលំហាត់ប្រាណជាប្រចាំ។ ខួរក្បាលរបស់យើងធ្វើការយឺតជាងក្រោយអាយុ៤០ឆ្នាំ ដូច្នេះដើម្បីឲ្យមានការចងចាំល្អឲ្យបានយូរ ។ សូមថែរក្សាខ្លួនយើង និងមនុស្សជាទីស្រលាញ់របស់យើង ចាប់ពីថ្ងៃនេះតទៅ៕

ប្រែសម្រួល៖ សាង ស្រីល័ក្ខ

ចុចអាន៖ញ៉ាំស្វាយទុំ ១ ផ្លែ ផ្ដល់អត្ថប្រយោជន៍ ៥ យ៉ាង ក្នុងពេលតែមួយ

ចុចអាន៖ចុក ឆ្អល់ ក្រោយញ៉ាំអាហារ អាចជាបញ្ហាសុខភាព ឬក៏យ៉ាងណា?