ព័ត៌មានជាតិ

ក្រៅពីអាជីពប្រដាល់ ឡុង សុវណ្ណឌឿន ប្រកបរបរលក់គោដុតនៅជ្រៃធំខេត្តកណ្ដាល

បានផុស

៨ ខែ មុន

នៅ

ថ្ងៃអង្គារ ១៤ តុលា ២០២៥

ដោយ

កីឡាករចាស់វស្សា ឡុង សុវណ្ណឌឿន ក្រៅតែពីអាជីពប្រដាល់ អ្នកដឹកនាំកីឡាករ (ប្រម៉ូតទ័រ) ចេញក្រៅប្រទេសគឺរូបគេកំពុងប្រកបរបរលក់គោដុត ពពែដុត និងម្ហូបអាហារជាច្រើនទៀតផងដែរដើម្បីបង្កើនចំណូលបន្ថែមដោះស្រាយជីវភាពរស់នៅប្រចាំថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ ឡុង សុវណ្ណឌឿន

កីឡាករ ឡុង សុវណ្ណឌឿន បានឲ្យដឹងកាលពីកន្លងទៅថាក្រៅតែអាជីពប្រដាល់ឡើងប្រកួតយូរៗម្ដងហើយនោះខ្លួនក៏ជាអ្នកដឹកនាំកីឡាករចេញទៅប្រកួតនៅក្រៅស្រុកខ្លះៗដែរ។ បន្ថែមពីលើអាជីពប្រដាល់នេះរូបគេមានរបរមួយទៀតគឺបើកហាងម្ហូបអាហារផងដែរនៅឯជ្រៃធំ ក្រុងសំពៅពូន ខេត្តកណ្ដាល ជាប់ព្រំដែនខ្មែរ-វៀតណាម។

សុវណ្ណឌឿន សូមឲ្យប្រជាពលរដ្ឋ និងអ្នកគាំទ្រប្រដាល់ទាំងអស់ដែលធ្វើដំណើរកាត់ហាងនៅឯជ្រៃធំនេះកុំភ្លេចចូលជួយគាំទ្រផង។ ហាងរបស់ខ្លួននេះមានជាអាហារពេលព្រឹក ពេលថ្ងៃត្រង់ ពេលល្ងាច ពិសេសមានគោដុត ពពែដុតជាដើមសម្រាប់ទទួលភ្ញៀវដែលចង់មកសាករសជាតិ។

កីឡាករ ឡុង សុវណ្ណឌឿន

បញ្ជាក់ដែរថា ឡុង សុវណ្ណឌឿន ជាកីឡាករចាស់វស្សាមួយរូបក្នុងវិស័យប្រដាល់គុនខ្មែរ។ សុវណ្ឌឌឿន ជាចំណោមកីឡាករល្បីឈ្មោះ និងធ្លាប់ប៉ះលំដាប់ៗស្រុកខ្មែរពីដូចជា កែវ រំចង់ ពីមុនមក។ បច្ចុប្បន្ននេះគេឃើញយូរៗម្ដងអ្នកប្រដាល់រូបនេះឡើងសង្វៀន និងពេលខ្លះឃើញដឹកនាំកីឡាករចេញទៅប្រកួតនៅក្រៅប្រទេស។ ហាងរបស់ សុវណ្ណឌឿន នៅឯជ្រៃធំនេះមានចម្ងាយប្រហែល ៥០០ម៉ែត្រពីព្រំដែនខ្មែរ-វៀតណាម ប៉ុណ្ណោះ៕