ព័ត៌មានជាតិ

ចាញ់អ៉ីរាក់ ៤ គ្រាប់ តែអ្នកគាំទ្រពេញចិត្ត ស្ងប់ចិត្តលទ្ធផលយប់មិញ

បានផុស

៤ years មុន

នៅ

ថ្ងៃអង្គារ ៨ មិថុនា ២០២១

ដោយ

ចាញ់ដោយគ្រាប់បាល់ ៤ គ្រាប់ និងអាចស៊ីអ៉ីរ៉ាក់វិញបានមួយគ្រាប់ គ្រប់គ្រាន់ឲ្យអ្នកគាំទ្ររាប់ម៉ឺននាក់ស្ងប់ចិត្តហើយ។

ជំនួបរវាងក្រុមកម្ពុជា ជាមួយអ៉ីរ៉ាក់វគ្គជម្រុះ World Cup នៅយប់មិញនេះនៅទឹកដីប៉ារែន អ្នកគាំទ្រដឹងលទ្ធផលទុកមុនថាមិនអាចទៅរួចជាមួយអ៉ីរ៉ាក់ តែយ៉ាងហោចក៏សុំការចាញ់ដោយអស់ចិត្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយចប់ការប្រកួតអ្នកគាំទ្រម្នាក់ឈ្មោះ លីដា ប្រាប់ថា កម្ពុជាយប់មិញធ្វើបានល្អ វាពិតជាភ្ញាក់ផ្អើលចំពោះទម្រង់លេង និងលទ្ធផលដែលអាចធ្វើបាននេះ។

អ្នកគាំទ្រម្នាក់ទៀត Tola Chhet ទោះកម្ពុជាមិនឈ្នះតែបាល់មួយគ្រាប់នេះ ធ្វើឲ្យអ្នកគាំទ្ររំភើបចិត្តចង់ហោះហើយ។

ចំណែកយុវជនម្នាក់ទៀត ដែលអង្គុយតាមដានការប្រកួតដោយចិត្តពុះកញ្រ្ចោលបានស្រែកយ៉ាងភ្លេចខ្លួន នៅពេលកម្ពុជាសងវិញបានមួយគ្រាប់។ យុវជនរូបនេះប្រាប់ថា ត្រេកអរពេកស្រែកឡើងភ្លេចខ្លួនថា អ្នកផ្ទះកំពុងតែសម្រាក។

មុនជួបអ៉ីរាក់យប់មិញ ក្រុមកម្ពុជាបានចាញ់ដល់ទៅ ៨ គ្រាប់ ពេលជួបម្ចាស់ផ្ទះបារ៉ែន។ យ៉ាងណាការប្រកួតលើកទីពីរនេះ កម្ពុជាធ្វើបានយ៉ាងពេញចិត្តអ្នកគាំទ្រ ដោយបង្ហាញទម្រង់លេងយ៉ាងភ្ញាក់ផ្អើលមានការសហការគ្នាយ៉ាងល្អទាំងខ្សែការពារ ខ្សែបម្រើ និងខ្សែប្រយុទ្ធ មានឱកាសវាយបកក្រុមអ៉ីរាក់ជាញឹកញយ និងអាចរកគ្រាប់បាល់វិញបានមួយគ្រាប់។

ក្រោយចប់ការប្រកួតជាមួយអ៉ីរ៉ាក់ ក្រុមគោព្រៃកម្ពុជានឹងបន្តជួបក្រុមជើងខ្លាំងនៅតំបន់អាស៊ីគឺអ៉ីរង់នៅថ្ងៃ ១១ មិថុនានេះ៕

អត្ថបទ៖ ប៊ុណ្ណារ៉ា

Related Topics:ក្រុមបាល់ទាត់ជម្រើសជាតិកម្ពុជា