ព័ត៌មានជាតិ

ថ្ងៃនេះបាត់ដំបង មានអ្នកស្លាប់បន្ថែម២នាក់ និងរកឃើញអ្នកផ្ទុកកូវីដថ្មី ចំនួន៥០នាក់

បានផុស

៥ years មុន

នៅ

ថ្ងៃអង្គារ ៦ កក្កដា ២០២១

ដោយ

បាត់ដំបងមានអ្នកស្លាប់កើនដល់៩នាក់ហើយ នេះបើតាមតួលេខ ដែលរដ្ឋបាលខេត្តបានប្រកាសនៅល្ងាចថ្ងៃទី៥ ខែកក្កដា ឆ្នាំ២០២១នេះ ព្រមទាំងបានប្រកាសអត្តសញ្ញាណ និង បានរកឃើញអ្នកឆ្លងជំងឺកូវីដ-១៩ ថ្មី បន្ថែមទៀត ដែលមានកំណើនកាន់តែខ្ពស់ រហូតដល់ ៥០ នាក់ ហើយបើគិតសរុបអ្នកផ្ទុកកូវីដនៅក្នុងខេត្ត រហូតមកទល់នឹងពេលនេះ គឺមានចំនួនរហូតដល់ ១.២២៦ នាក់ហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍ដែលកម្ពុជាថ្មីទទួលបាន បញ្ជាក់ពីការរកឃើញអ្នកផ្ទុកជំងឺកូវីដថ្មី បន្ថែមទៀត គឺ មានចំនួន ៥០ នាក់ ដែលក្នុងនោះ គឺពលករមកពីប្រទេសថៃមានចំនួន ៦ នាក់ ពាក់ព័ន្ធនឹងសហគមន៍២០កុម្ភៈ មានចំនួន៤៤នាក់ ព្រមទាំងមានអ្នកជាសះស្បើយចំនួន ១៨ នាក់ និងស្លាប់បន្ថែមចំនួនផងដែរ។

បើគិតរហូតមកទល់និងយប់ថ្ងៃទី ៥ ខែកក្កដា ឆ្នាំ២០២១នេះ អ្នកឆ្លងជំងឺកូវីដ-១៩ នៅក្នុងខេត្តបាត់ដំបង មានចំនួនសរុប ១.២២៦ នាក់ ជាសះស្បើយមានចំនួន ៦៣០ នាក់ ស្លាប់បានកើនឡើងដល់ ៩ នាក់ និងអ្នកដែលកំពុងសម្រាកព្យាបាលនៅក្នុងមន្ទីរពេទ្យខេត្ត មានចំនួន ៥៨៧ នាក់៕