ព័ត៌មានជាតិ
អាជ្ញាធរឲ្យបើកផ្សារឡើងវិញ តែមិនទាន់មានផ្សារណាមួយដាក់ពាក្យស្នើសុំបើកឡើងវិញ
ភ្នំពេញ៖ លោក ឃាង ភារម្យ អ្នកនាំពាក្យសាលាខេត្តព្រះសីហនុបានមានប្រសាសន៍នៅព្រឹកថ្ងៃទី២៧កក្កដានេះថា រហូតមកដល់ពេលនេះនៅមិនទាន់មានផ្សារណាមួយនៅក្នុងក្រុងព្រះសីហនុដាក់ពាក្យស្នើសុំបើកដំណើរការផ្សារនៅឡើងវិញនៅឡើយទេ។
លោកបន្តថា រដ្ឋបាលខេត្តព្រះសីហនុបានអនុញ្ញាតឱ្យផ្សារធំតូចនៅក្រុងព្រះសីហនុបើកដំណើរការឡើងវិញនៅថ្ងៃទី២៥ខែកក្កដាឆ្នាំ២០២១។ប៉ុន្តែអាជីវករនិងប្រជាពលរដ្ឋត្រូវគោរពទៅតាមស្តង់ដាអនាម័យសុវត្តិភាពដើម្បីទប់ស្កាត់ការឆ្លងរាលដាលជំងឺកូវីដ១៩។
លោក ឃាង ភារម្យ បានបន្តថា ការសម្រេចចិត្តបើកដំណើរការផ្សារឡើងវិញនេះគឺដើម្បីចូលរួមលើកស្ទួយជីវភាពរស់នៅរបស់បងប្អូនប្រជាពលរដ្ឋពិសេសបងប្អូនអាជីវករតាមទីផ្សារ។
លោកបានបន្តទៀតថា ជាមួយគ្នានេះដែរ ផ្សារណាដែលមានបំណងចង់បើកត្រូវដាក់ពាក់ស្នើសុំទៅរដ្ឋបាលខេត្តដើម្បីឱ្យមន្ត្រីជំនាញខេត្តចុះត្រួតពិនិត្យ និងវាយតម្លៃថាតើផ្សារនោះ អាចបើកដំណើរបានទៅតាមសចក្តីណែនាំរបស់រដ្ឋបាលខេត្ត ដែលបានដាក់ចេញកាលពីថ្ងៃទី២៣កក្កដាឆ្នាំ២០២១កន្លងទៅ។
លោក បានបន្ថែមថា«ប្រសិនបើផ្សារនោះអនុវត្តតាមការណែនាំរបស់រដ្ឋបាលខេត្តដោយបំពេញបានតាមល្ខខណ្ឌនោះទើបយើងអាចអនុញ្ញាតឱ្យបើកឡើងវិញបាន។ប៉ុន្តែរហូតមកដល់ពេលនេះនៅមិនទាន់មានផ្សារណាមួយបានដាក់ពាក្យស្នើសុំមករដ្ឋបាលខេត្តនៅឡើយទេ»។
បើតាមរដ្ឋបាលខេត្តព្រះសីហនុ ដាក់ចេញវិធានការសុវត្ថិភាពផ្នែកសុខាភិបាល ទប់ស្កាត់ការឆ្លងរាលដាលនៃជំងឺកូវីដ-១៩ នៅតាមផ្សារដែលមានលក្ខណៈប្រមូលផ្ដុំ ក្នុងភូមិសាស្ត្រខេត្តព្រះសីហនុក្នុងនោះ តូបលក់ដូរត្រូវរៀបចំតូបឲ្យមានលក្ខណៈស្រឡះទូលាយ ដែលអាចមានខ្យល់ចេញចូលបានគ្រប់គ្រាន់ ត្រូវរៀបចំចងខ្សែសុវត្ថិភាពនៅពីមុខតូបលក់ដូរ និងហាមអ្នកដទៃកុំឲ្យចេញចូលក្នុងតូបបាន។
ចំពោះអាជីវករមិនត្រូវចេញពីតូបរបស់ខ្លួនរហេតរហូតទៅទំនាក់ទំនង ជាមួយតូបអ្នកដទៃឡើយ ត្រូវរៀបចំទុកដាក់សម្ភារៈឬគ្រឿងឧបភោគបរិភោគ សម្រាប់ដាក់តាំងលក់ឱ្យមានរបៀបរៀបរយ និងមិនហៀរចេញមកលើផ្លូវដើរឡើយ។
ត្រូវមានអាកុលឬជែលសម្លាប់មេរោគនៅតាមតូបនីមួយៗ សម្រាប់អតិថិជនលាងសំអាតដៃ ត្រូវមានបិទស្លាកតម្លៃទំនិញនីមួយៗ ចៀសវាងអ្នកទិញលើកទំនិញមកពិនិត្យឬប៉ះពាល់ទំនិញច្រើនមុខបន្តគ្នា។
ចំណែក អាជីវករមិនត្រូវហូបអាហារនៅក្នុងតូបជួបជុំគ្នាច្រើនលើកលែងតែជាមួយបុគ្គលដែលនៅធ្វើការនៅក្នុងតូបលក់ដូរតែមួយជាមួយគ្នា មិនត្រូវអនុញ្ញាតឲ្យមានកុមារឬទារកនៅតាមតូបលក់ដូរ។
ក្នុងនោះតម្រូវឱ្យអ្នកគ្រប់គ្រងផ្សារ ឬម្ចាស់ផ្សារត្រូវធ្វើសំណើមករដ្ឋបាលខេត្តព្រះសីហនុដើម្បីទទួលបានសេចក្តីសម្រេច មុននឹងអនុញ្ញាតឱ្យបើកដំណើរការអាជីវកម្មឡើងវិញ៕
អត្ថបទ៖ សំអឿន
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង