ព័ត៌មានជាតិ
សំណង់ស្ទាក់ទឹកតម្លៃរាប់លានដុល្លារកាត់ស្ទឹងសង្កែ បញ្ចប់ចុងឆ្នាំនេះ
បាត់ដំបង៖ គម្រោងអភិវឌ្ឍន៍សំណង់ស្ទាក់ទឹកសាលាតាអន កាត់ស្ទឹងសង្កែ ដែលគ្រោងចំណាយថវិកាអស់ប្រមាណជា ៤១ លានដុល្លារសហរដ្ឋអាមេរិកដែលជាហិរញ្ញប្បទានពីសាធារណៈរដ្ឋកូរ៉េ និងថវិកាបដិភាគរបស់រាជរដ្ឋាភិបាលមកដល់ពេលនេះ សម្រេចបានលទ្ធផលប្រមាណជា៩០ភាគរយ គ្រោងបញ្ចប់នៅចុងឆ្នាំ២០២១នេះ។
ក្រោយពេលសាងសង់រួចគម្រោងនេះផ្តល់ទឹកសម្រាប់ស្រោចស្រពលើផ្ទៃដីស្រូវវស្សាចំនួន១៥.០០០ហិកតានិងផ្ទៃដីស្រូវប្រាំងចំនួន៧.០០០ ហិកតានៅក្នុងស្រុកឯកភ្នំ ស្រុកសង្កែ និងស្រុកថ្មគោល។
លោកចាន់ យុត្ថា រដ្ឋលេខាធិការក្រសួងធនធានទឹក និង ឧតុនិយមឲ្យសារព័ត៌មានដឹងនៅថ្ងៃទី៣ខែសីហាឆ្នាំ២០២១ថា គម្រោងអភិវឌ្ឍន៍សំណង់ស្ទាក់ទឹកសាលាតាអន ស្ថិតក្នុងភូមិព្រែកតាច្រែង ឃុំព្រែកនរិន្ទ ស្រុកឯកភ្នំ ខេត្តបាត់ដំបងមកទល់ថ្ងៃទី៣ខែសីហា សម្រេចលទ្ធផលការងារបានប្រមាណ៩០ភាគរយនៃគម្រោងហើយនឹងបញ្ចប់នៅចុងឆ្នាំ ២០២១ នេះ។
គម្រោងអភិវឌ្ឍន៍សំណង់នេះ ត្រូវបានចាប់ផ្តើមអនុវត្តកាលពីខែ មិថុនា ឆ្នាំ២០១៨ ដោយប្រើប្រាស់ហិរញ្ញប្បទានបានមកពីសាធារណៈរដ្ឋកូរ៉េនិងថវិកាបដិភាគរបស់រាជរដ្ឋាភិបាលសរុបចំនួនប្រមាណជា៤១លានដុល្លារដើម្បីស្ទាក់ទឹកស្ទឹងសង្កែទុកសម្រាប់បម្រើដល់ការស្រោចស្រពស្រូវដំណាំ របស់បងប្អូនប្រជាពលរដ្ឋក្នុងស្រុកចំនួន៣ របស់ខេត្តបាត់ដំបង។
គម្រោងអភិវឌ្ឍន៍សំណង់ស្ទាក់ទឹកសាលាតាអននេះរួមមាន សំណង់សិល្បៈកាលជាច្រើនទៀតដូចជា៖ប្រឡាយពង្វាងទឹកតាមមាត់ស្ទឹងសង្កែប្រវែង២៥០ម៉ែត្រ , សំណង់ទ្វារទឹកមេកាត់ស្ទឹងសង្កែប្រវែង៧៤ម៉ែត្រ មួយកន្លែង ,ប្រឡាយបេតុងចំនួន ៤ខ្សែប្រវែង ១៣.៧៨០ម៉ែត្រ, សំណង់ទ្វារទឹកចំនួន ១២កន្លែង, សំណង់ស្ទាក់ទឹកប្រឡាយរងចំនួន២កន្លែង , សំណង់លូចែកចាយទឹកប្រឡាយមេចំនួន៨កន្លែង, ស្ពានឆ្លងកាត់ និង ស្ពានថ្មើរជើងកាត់ប្រឡាយមេសរុបចំនួន១៨កន្លែង និង ជណ្តើរចុះប្រឡាយមេ សម្រាប់អ្នកភូមិ ប្រើប្រាស់ជាច្រើនកន្លែងទៀត ។
ក្រោយពេលសាងសង់រួចគម្រោងនេះផ្តល់ទឹកសម្រាប់ស្រោចស្រពលើផ្ទៃដីស្រូវវស្សាចំនួន១៥.០០០ហិកតា និង ផ្ទៃដីស្រូវប្រាំងចំនួន៧.០០០ហិកតា នៅក្នុង ស្រុកឯកភ្នំ ,ស្រុកសង្កែ និងស្រុកថ្មគោល របស់ខេត្តបាត់ដំបង ។ គម្រោងនេះធ្វើឱ្យស្ទឹងសង្កែមានទឹកនៅក្នុងរដូវប្រាំងក៏ដូចជារដូវវស្សាគឺមានទឹកផ្គត់ផ្គង់ដល់ការ ផលិតទឹកស្អាត សម្រាប់ប្រើប្រាស់នៅក្នុងទីក្រុងបាត់ដំបង និងលើកកម្ពស់សោភ័ណភាពក្រុងបាត់ដំបងឱ្យកាន់តែមានភាពទាក់ទាញ។
គម្រោងអភិវឌ្ឍន៍សំណង់ស្ទាក់ទឹកសាលាតាអននេះគឺជាគម្រោងទីបីដែលរាជរដ្ឋាភិបាលតាមរយៈក្រសួងធនធានទឹកនិងឧតុនិយមបានសាងសង់កាត់ស្ទឹងសង្កែ ដើម្បីទាញយកទឹកដែលធ្លាប់តែធ្លាក់ចូលទៅបឹងទន្លេសាបទុកសម្រាប់ប្រើប្រាស់នៅតំបន់ដាំដុះសងខាងស្ទឹង ដែលគម្រោងទី១គឺទំនប់កង្ហតក្នុងស្រុកបាណន់ និងគម្រោងទី២.សេកសកនៅក្នុងស្រុករតនៈមណ្ឌលនិងមានគម្រោងទី៤មួយទៀតដែលកំពុងសិក្សានិងឈានទៅធ្វើការសាងសង់អាងទឹកមួយនៅស្ទឹងក្រញូងនៅក្បាលស្ទឹងសង្កែមានលទ្ធភាពស្តុកទឹកបានប្រមាណជា២០០ លានម៉ែត្រគូប៕
អត្ថបទ៖ណារី
សមាជិកព្រឹទ្ធសភា ចុះសួរសុខទុក្ខប្រជាពលរដ្ឋរស់នៅក្នុងបឹងទន្លេសាបឃុំផាតសណ្តាយ
រថយន្តព្រុស២គ្រឿង ពណ៌ដូចគ្នា ស្លាកលេខដូចគ្នា ផ្អើលសមត្ថកិច្ចឃាត់យកទៅប៉ុស្តិ៍សួរនាំ
មានមូលហេតុ និងអត្ថប្រយោជន៍ចំនួន៤ ដែលនាំឲ្យកម្ពុជាទទួលធ្វើជាម្ចាស់ផ្ទះនៃកិច្ចប្រជុំ កំពូលអាស៊ី-អឺរ៉ុប
អាជ្ញាធរនឹងសម្រេចបិទផ្សារដើមក្រឡាញ់ ដាក់ជាតំបន់ក្រហមបន្ទាប់ពីមានការផ្ទុះនៅជំងឺកូវីដ ១៩ ខ្លាំងធ្ងន់ធ្ងរ
តំណាងកម្ពុជានៅហ្សឺណែវ ប្រាប់គណៈប្រតិភូបារាំង និងអាមេរិកថា ការតស៊ូមតិ ដើម្បីសិទ្ធិមនុស្ស ចាំបាច់ត្រូវតែចាប់ផ្តើមពីប្រទេសខ្លួនឯងជាមុន
(មានសំឡេង) ខ្ញុំឃើញភ្ញៀវរត់ចេញប្រសាច ស្ថានការណ៍ក្លាយជាច្របូកច្របល់ ពួកយើងភាន់ភាំង…
មកស្គាល់សាលាកូនអ្នកមានទាំង ៥ នៅភ្នំពេញ មួយឆ្នាំបង់លុយរៀនខ្ទង់ម៉ឺនដុល្លារ ទើបទៅរួច
ដំណឹងដ៏រំភើប! កម្ពុជា នឹងទទួលបានវ៉ាក់សាំងកូវីដពី UNICEF
ដំណឹងល្អ! កម្ពុជានិងប្រទេសអាស៊ីអាគ្នេយ៍៥ទៀតនឹងទទួលបានវ៉ាក់សាំងកូវីដ
ឃាត់ខ្លួនជនដៃដល់ដែលបាញ់ប្រហារស្រ្តីម្នាក់នៅខេត្តសៀមរាប
-
ជីវិតកម្សាន្ដ៧ ថ្ងៃ មុនអ្នកគាំទ្រកម្ពុជាផ្ទុះការមិនពេញចិត្តឈុតមួយដូចប្រាសាទព្រះវិហារ ក្នុងបទចម្រៀងថ្មីរបស់ Lisa សមាជិកក្រុម Blackpink
-
ព័ត៌មានជាតិ១ សប្តាហ៍ មុនផ្លូវជាតិ ៣ ខ្សែនឹងបើកការដ្ឋានសាងសង់មុនគេនៅដើមឆ្នាំ២០២២
-
ជំនឿ១ សប្តាហ៍ មុនឈ្វេងយល់ពី កាយវិការ និងដំណើររឿង ព្រះពុទ្ធត្រាស់ដឹង និងទ្រង់ផ្ចាញ់មារ
-
ព័ត៌មានជាតិ៤ ថ្ងៃ មុនប្រៀបធៀបតម្លៃពន្ធនាំចូលរថយន្ត កម្ពុជាយកទាបជាងថៃ ឡាវ វៀតណាម ហ្វីលីពីន ឥណ្ឌូណេស៊ី
-
KPT+៤ ថ្ងៃ មុន៧ ចំណុចធំៗ ត្រូវដឹងពីរដ្ឋមន្ត្រីការបរទេស លោក វ៉ាង យី ដែលកំពុងបំពេញទស្សនកិច្ចនៅកម្ពុជាថ្ងៃនេះ
-
ព័ត៌មានអន្ដរជាតិ៦ ថ្ងៃ មុនមកដឹងទំហំទឹកប្រាក់សាងសង់ ពហុកីឡដ្ឋានជាតិមរតកតេជោ ដែលលោក វ៉ាង យី ត្រៀមសម្ពោធពេលមក កម្ពុជា
-
ចរាចរណ៍១ សប្តាហ៍ មុនបុរសជាម្ចាស់ម៉ូតូរបួសធ្ងន់ ខណៈរថយន្តខ្នាតធំ បុកពេញទំហឹង លើកំណាត់ផ្លូវជាតិលេខ៣៣
-
ជីវិតកម្សាន្ដ៧ ថ្ងៃ មុនផ្ទុះរឿងចម្រូងចម្រាសរវាង ម៉េង កែវពេជ្ជតា និងអ្នកគាំទ្រ បាន មុន្នីល័ក្ខ ដោយសារបទ ជំនោដើមខែ
