កំណត់​ថ្ងៃ​​​ធ្វើ​អត្តសញ្ញាណប័ណ្ណ សៀវភៅ​ស្នាក់នៅ​ សៀវភៅ​គ្រួសារ​ ដល់​ថ្ងៃ​មក​យក​
Connect with us
Helistar Cambodia - Helicopter Charter Services

ព័ត៌មានជាតិ

កំណត់​ថ្ងៃ​​​ធ្វើ​អត្តសញ្ញាណប័ណ្ណ សៀវភៅ​ស្នាក់នៅ​ សៀវភៅ​គ្រួសារ​ ដល់​ថ្ងៃ​មក​យក​

បានផុស

នៅ

ភ្នំពេញ ៖  លោកវរសេនីយ៍ឯក សាន សុខសីហា អ្នកនាំពាក្យនៃស្នងការដ្ឋាននគរបាល រាជធានីភ្នំពេញ​បាន​លើក​ឡើង​ពី​ការ​ផ្តល់​សេវា​ធ្វើ​អត្តសញ្ញាណកម្ម​ ដល់​​ប្រជាពលរដ្ឋ​ឲ្យ​បានល្អប្រសើរ ឆាប់រហ័ស ទាន់ពេលវេលា។

ក្រោម​កា​រយកចិត្តទុកដាក់បង្កើ​ន​ប្រសិទ្ធភាព​ការងារ​​ ជាក់ស្តែង​បើ​តា​មមន្រ្តី​អ្នក​នាំពាក្យ​ស្នងការដ្ឋាននគរបាលរាជធានីភ្នំពេញ ការ​ធ្វើអត្តសញ្ញាណប័ណ្ណសញ្ជាតិខ្មែរថ្មី គឺ​ត្រឹមតែ ៣០ថ្ងៃដោយគិតត្រឹមតែថ្ងៃធ្វើការ គឺបងប្អូនប្រជាពលរដ្ឋអាចមកទទួលយកទៅប្រើប្រាស់បានហើយ។

ចំណែកការធ្វើសៀវភៅគ្រួសារត្រឹមរយះពេល ១០ថ្ងៃ និង សៀវភៅស្នាក់នៅ ធ្វើត្រឹមតែរយះពេល ៥ថ្ងៃ ដោយគោរពតាមគោលការច្បាប់ ។

បើ​តាមលោកវរសេនីយ៍ឯក សាន សុខសីហា អ្នកនាំពាក្យនៃស្នងការដ្ឋាននគរបាលរាជធានីភ្នំពេញ ​នៅតែមានមន្ត្រីមួយចំនួនតូច​ នៅតែអនុវត្តការងារមិនទាន់បានល្អដូចជា ករណីមន្ត្រីប៉ុស្តិ៍មួយចំនួនបានទទួលយកឯកសារពីប្រជាពលរដ្ឋមកបំពេញបែបបទ​ បែរជាទុកចោលអស់រយ:ពេលជាច្រេីនខែ​ ឆ្នាំ ដោយមិនបានធ្វេីជូនប្រជាពលរដ្ឋ​នោះទេ​។

លោកបញ្ជាក់ថា ភ្លាមៗបន្ទាប់ពីទទួលបានខំមិនពីប្រជាពលរដ្ឋលេីករណីយឺតយាវទាំងនេះ​ ក្រុមការងារព័ត៌មាន​ និងប្រតិកម្មរហ័ស នៃស្នងការដ្ឋាននគរបាលរាជធានីភ្នំពេញ​ បានទាក់ទងទៅមន្ត្រីពាក់ព័ន្ធ​ ដេីម្បីដោះស្រាយ​និងធ្វេីភ្លាមៗ​ជូនប្រជាពលរដ្ឋ​ ដោយត្រឹមតែមួយថ្ងៃបានរៀបចំធ្វេីសៀវភៅគ្រួសារ​ និងប្រគល់ជូនគាត់ភ្លាមៗផងដែ​រ​។

ដើម្បីកែតម្រូវនូវសកម្មភាពមិនប្រក្រតីនេះ ស្នងការនគរបាលរាជធានីភ្នំពេញ បានប្រកាស​ដាក់​លេខ​ងាយស្រួល​ដល់ពលរដ្ឋ ទាក់ទងទៅកាន់ក្រុមការងារព័ត៌មាន​ និងប្រតិកម្មរហ័ស​​ពេល​មាន​ភាពយឺតយ៉ាវ​តាមរយះទូរស័ព្ទលេខ : 069 516 999 ក្នុងការដោះស្រាយជូនតាមនីតិវិធី។

បើ​តាមអ្នក​នាំពាក្យ​ស្នងការ​រាជធានី​ភ្នំពេញ ចំពោះមន្ត្រីដែលបម្រេីប្រជាពលរដ្ឋមិនបានល្អ អាចហៅមកធ្វេីការណែនាំ ឬក៏ដាក់ពន័យ។

លោកឧត្តមសេនីយ៍ឯក​ ស​ ថេត​ អគ្គស្នងការរង​នគរបាលជាតិ និងជាស្នងការ នៃស្នងការដ្ឋាននគរបាលរាជធានីភ្នំពេញ បានក្រើន​រំលឹក​ដល់​មន្ត្រីទាំងអស់ ត្រូវធ្វេីការដោយយកចិត្តទុកដាក់ និងទទួលខុសត្រូវខ្ពស់ កុំរង់ចាំប្រជាពលរដ្ឋរាយការណ៍មក ទេីបចាប់ផ្តេីមធ្វេីការ៕

អត្ថបទ៖ រ៉ាវុទ្ធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១ នាទី មុន

វ៉ាក់​សាំង​ Valneva​ បង្កើត​អង់​ទីគ័រ​​ដល់​​​៩៥%​ ខ្លាំង​ជាង ​AstraZeneca ទៀត

ព័ត៌មានជាតិ៧ ម៉ោង មុន

កម្ពុជា​ទទួល​ដែក​រ៉ៃ​ និង កំណល់​បេតុង​ផ្លូវ​រថភ្លើង​ ដែល​ជា​ជំនួយឥតសំណង​របស់​រាជរដ្ឋាភិបាល​ថៃ​ជាង​៤ ម៉ឺន​តោន

ព័ត៌មានជាតិ៨ ម៉ោង មុន

រយៈ​៩​ខែ​ឆ្នាំ​២០២១ មាន​ជនរងគ្រោះ​ដោយសារ​មីន​ស្លាប់ ១០​នាក់​,​របួស​១៨​នាក់​និង​ពិការ​ចំនួន​៦​នាក់

ព័ត៌មានជាតិ៩ ម៉ោង មុន

ប្រគល់​រថយន្ត ២២៩​គ្រឿង ជូន​ម្ចាស់​វិញ​ដោយ​យោង​តាម​អនុសាសន៍​ណែនាំ​ដ៏​ខ្ពង់ខ្ពស់​របស់​សម្តេច​តេ​ជោ ហ៊ុន សែន

ព័ត៌មានជាតិ៩ ម៉ោង មុន

ក្រសួង​សេដ្ឋកិច្ច​បាន​ចុះ​ហត្ថលេខា​ជាមួយ​វិទ្យាស្ថាន​នគរូបនីយកម្ម​និង​ឌី​សាញ​ស៊ិន​ជិន​រៀបចំ​ផែនការមេ​អភិវឌ្ឍន៍​ខេត្ត​ព្រះសីហនុ

Sokha Hotels

ព័ត៌មានពេញនិយម

Helistar Cambodia - Helicopter Charter Services