ព័ត៌មានជាតិ
តើធ្លាប់មានបណ្ដឹង ករណីម្ចាស់បំណុល ឬជនជាតិចិនប្រើហិង្សាទារប្រាក់ នៅភ្នំពេញ ឬទេ?
ថ្មីៗនេះ តារាកំប្លែង ស្រេង សុកាន់ដា ហៅ ខ្ញុង បានចេញមុខសារភាព តាមរយៈការផ្សាយផ្ទាល់នៅលើទំព័រហ្វេសប៊ុក រៀបរាប់ពីរឿងជំពាក់លុយគេ រួមទាំងក្រុមចងការជនជាតិចិន លើអត្រាការប្រាក់ខ្ពស់ជាបន្តបន្ទាប់ជាង៣ឆ្នាំ រហូតបំណុលសរុបជាង ៥៧ម៉ឺនដុល្លារអាមេរិក ដោយសារខ្លាចម្ចាស់បំណុលបរិហាកេរ្តិ៍។ ជាមួយគ្នានេះ អ្នកនាង ខ្ញុង ក៏បានលើកឡើងថា ក៏មានអ្នកសិល្បៈមួយចំនួនទៀត ក៏ស្ថិតក្នុងស្ថានភាពដូចអ្នកនាងដែរ។
ទាក់ទងករណី កូនបំណុលប្ដឹងសុំអន្តរាគមន៍ ដោយសារម្ចាស់បំណុល ឬខាងក្រុមចងការជនជាតិចិន បានប្រើហិង្សាដើម្បីទារប្រាក់បំណុលវិញនោះ ត្រូវបានលោកវរសេនីយ៍ឯក សាន សុខសីហា ជំនួយការស្នងការ និងជាអ្នកនាំពាក្យ នៃស្នងការដ្ឋាននគរបាលរាជធានីភ្នំពេញ ប្រាប់ កម្ពុជាថ្មី នៅថ្ងៃទី២១ ខែតុលានេះថា សមត្ថកិច្ចមិនដែលឃើញមានករណីប្ដឹងបែបនេះទេ ហើយករណីម្ចាស់បំណុលប្រើហិង្សាតាមទារប្រាក់កូនបំណុលនោះ ក៏មិនមានកើតឡើងដែរ។
លោក សាន សុខសីហា មានប្រសាសន៍បន្តថា៖ “ដូចជាមិនដែលឃើញមានករណីហ្នឹង។ វាកម្រណាស់ ព្រោះឥឡូវប្រជាពលរដ្ឋភាគច្រើនឆ្លាតណាស់ គាត់ទៅរកធនាគារ មីក្រូហ្វាយណាន់ណាដែលមានអត្រាការប្រាក់ថោក ដើម្បីអីមួយនោះ ព្រោះសម័យនេះហើយ គាត់យល់ដឹងច្រើនលើបញ្ហាហ្នឹង គាត់មិនមែនចេះតែខ្ចីកន្លែងហ្នឹង [កន្លែងខុសច្បាប់] ដែលអត្រាការប្រាក់ខ្ពស់ខ្លាំង គឺប្រជាពលរដ្ឋឥឡូវគាត់យល់ដឹង គាត់មិនងាយទទួលឱ្យគេបោក ឬឱ្យគេស៊ីលើក្នុងកម្រិតខ្ពស់នោះទេ។ ម៉្យាងទៀតធនាគារនៅស្រុកយើងឥឡូវ មានភាពទូលំទូលាយណាស់ គេផ្សព្វផ្សាយការខ្ចីប្រាក់មួយៗមានអត្រាទាបមែនទែន”។
អ្នកនាំពាក្យ នៃស្នងការដ្ឋាននគរបាលរាជធានីភ្នំពេញ រូបនេះ បានអំពាវនាវប្រជាពលរដ្ឋមានការប្រុងប្រយ័ត្នចំពោះការខ្ចីប្រាក់ជាមួយបុគ្គលឯកជនក្រៅច្បាប់ ឬក្រុមដែលមានការប្រាក់ខ្ពស់លើសពីការកំណត់របស់ដោយច្បាប់ ពីក្រសួងសេដ្ឋកិច្ច ក្រសួងពាណិជ្ជកម្ម។ ទាក់ទងករណីនេះ លោក សាន សុខសីហា បានបញ្ជាក់ថា សមត្ថកិច្ចក៏នឹងសហការជួយដែរ ព្រោះការងារទាំងនេះក៏ត្រូវការជំនាញពាក់ព័ន្ធមួយចំនួនចូលរួមសហការគ្នា ដើម្បីជួយគ្នាទប់ស្កាត់លើបា តុភាពណាមួយកើតឡើង។
លោក សាន សុខសីហា មានប្រសាសន៍ថា៖ “ប្រសិនមានពាក្យបណ្ដឹងពីភាគីណាមួយ មានលក្ខណៈបែបម៉េច យើងហៅមកធ្វើការសាកសួរ ធ្វើកំណត់ហេតុ ហើយយើងអាចធ្វើនីតិវិធីបន្តដើម្បីបញ្ជូនការងារអស់ហ្នឹងទៅខាងច្បាប់វាយតម្លៃ និងសម្រេច ដោយផ្ដោតមានមាត្រាណាខ្លះ ដែលជាចំណុចខុស ឬត្រូវ”។
លោកវរសេនីយ៍ឯក សាន សុខសីហា បញ្ជាក់ថា កន្លងមកមិនមានករណីម្ចាស់បំណុលរុកគួនប្រើហិង្សាទារប្រាក់ពីកូនបំណុលទេ គឺអាចមានជាលក្ខណៈ ឆបោក ចេញសែកអត់លុយ ឬលក្ខណៈខ្ចីហើយមិនសង ដែលករណីទាំងនោះធ្លាប់មានការប្ដឹង៕
អត្ថបទ៖ ច័ន្ទ វីរៈ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង