ព័ត៌មានជាតិ

លោកយាយ លោកតា ដែលមានជីវភាពលំបាកខ្វះខាតចំនួន១២គ្រួសារ ទទួលបានអំណោយដ៏ថ្លៃថ្លាពីលោក ហ៊ុន ម៉ាណែត

បានផុស

៤ years មុន

នៅ

ថ្ងៃចន្ទ ២៧ កញ្ញា ២០២១

ដោយ

នៅរសៀលថ្ងៃទី២៧ ខែកញ្ញា ឆ្នាំ២០២១ ក្នុងថ្ងៃកាន់បិណ្ឌទី៦ នាឱកាសបុណ្យកាន់បិណ្ឌ និងភ្ជុំបិណ្ឌ ឧត្ដមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានអញ្ជើញលោកយាយ លោកតា ដែលមានជីវភាពលំបាក ខ្វះខាតនៅជុំវិញ នៃទីបញ្ជាការតំបន់ប្រតិបត្តិការសឹករងកំពង់ធំ ដែលនៅភូមិថ្នល់បែកខាងលិច និងភូមិថ្នល់បែកខាងកើត ក្នុងឃុំត្រពាំងឫស្សី ស្រុកកំពង់ស្វាយ ខេត្តកំពង់ធំ ដើម្បីឧបត្ថម្ភជូនគាត់នូវគ្រឿងឧបភោគបរិភោគ និងថវិកាមួយចំនួន ដែលជាអំណោយដ៏ថ្លៃថ្លារបស់លោកឧត្តមសេនីយ៍ ហ៊ុន ម៉ាណែត និងលោកស្រី ពេជ ចន្ទមុន្នី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឧត្ដមសេនីយ៍ទោ សោម ស៊ុន ក៏បានសំណូមពរដល់លោកយាយ លោកតា និងអំពាវនាវដល់ប្រជាពលរដ្ឋ យើងទាំងអស់គ្នាមេត្តាអនុវត្តន៍ឲ្យបានម៉ឺងម៉ាត់បំផុត នូវសេចក្ដីសម្រេចរបស់រាជរដ្ឋាភិបាលស្តីពីការផ្អាកការ រៀបចំបុណ្យកាន់បិណ្ឌនិងភ្ជុំបិណ្ឌ ដើម្បីទប់ស្កាត់ការឆ្លងរាលដាលជំងឺកូវីដ-១៩ និងសំណូមពរដល់ប្រជាពលរដ្ឋទាំងអស់ មេត្តាយោគយល់ដល់ការលំបាករបស់រាជរដ្ឋាភិបាល ក្នុងការផ្អាកការរៀបចំពិធីបុណ្យកាន់បិណ្ឌ និងភ្ជុំបិណ្ឌនេះ គឺក្នុងគោលបំណងដើម្បីការពារអាយុជីវិត របស់ប្រជាជនយើង កុំឱ្យមានការឆ្លងរាលដាល និងការទទួលមរណៈភាពដោយសារជំងឺកូវីដ-១៩នេះ។

សូមជម្រាបថា អំណោយដ៏ថ្លៃថ្លារបស់លោក ហ៊ុន ម៉ាណែត និងលោកស្រី ពេជ ចន្ទមុន្នី ដែលបានឧបត្ថម្ភជូន លោកយាយ លោកតា នៅពេលនេះ ដោយក្នុងមួយគ្រួសារ ទទួលបានអង្ករ គ្រឿងឧបភោគបរិភោគ និងថវិកាមួយចំនួន៕

ដោយ ៖ កោះកែវ