Connect with us

ព័ត៌មានជាតិ

ធនាគារ ABA ប្រាប់ពីមូលហេតុជាប់គាំង Mobile App?

បានផុស

នៅ

ខណៈដែលអ្នកប្រើប្រាស់កំពុងមានចម្ងល់ ដោយសារមិនអាចចូលប្រើប្រាស់ប្រព័ន្ធ Mobile App ABA របស់ខ្លួននៅលើទូរសព្ទដៃបាន ពេលនេះក្រុមហ៊ុនធនាគារ ABA បានបញ្ជាក់ប្រាប់កម្ពុជាថ្មី អំពីមូលហេតុហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភ្នាក់ងាររបស់ធនាគារ ABA បានប្រាប់កម្ពុជាថ្មីថា ទាក់ទងជាមួយបញ្ហាជាប់គាំង Mobile App ក្រុមហ៊ុនកំពុងធ្វើការ Updating ដូច្នេះអតិថិជនមិនអាចចូលប្រើប្រាស់បានទេ។

«ខ្ញុំសូមបញ្ជាក់ថា ទាក់ទងជាមួយ App មិនមានបញ្ហាអីទេ ក៏មិនមានជាការ Hack អីដែរ…ព្រោះថា បញ្ហានេះគឺខាងយើងធ្វើការកែតម្រូវជាមួយ App ដើម្បីឲ្យមានភាពងាយស្រួលក្នុងការប្រើប្រាស់ជាងមុនជូនអតិថិជនរបស់យើង»។

តាមរយៈកម្ពុជាថ្មី ធនាគារ ABA សូមការអធ្យាស្រ័យដល់អតិថិជនចំពោះការជាប់គាំងនេះ។

ចំណែកនៅលើទំព័រផេកហ្វេសប៊ុករបស់ធនាគារ ABA បានជូនដំណឹងដែរថា« ឥឡូវនេះ ប្រព័ន្ធស្ថិតក្នុងការកែសម្រួលបញ្ហាបច្ចេកទេស ហើយយើងខ្ញុំកំពុងព្យាយាមដោះស្រាយឲ្យបានឆាប់តាមដែលអាចធ្វើទៅបាន។ យើងសូមអភ័យទោសចំពោះភាពរអាក់រអួលដែលបានកើតឡើង ហើយយើងខ្ញុំនឹងជូនដំណឹងពីបច្ចុប្បន្នភាពនៅពេលក្រោយ»។

ធនាគារ ABA បានបញ្ជាក់ថា នៅម៉ោង ២រសៀលនេះ អតិថិជននឹងអាចប្រើប្រាស់ Mobile App ជាធម្មតាវិញបានក្រោយក្រុមហ៊ុនធ្វើការ Updateរួច។

សូមបញ្ជាក់ថា បញ្ហាជាប់គាំងមិនអាចចូលប្រើប្រាស់ Mobile App របស់ ABAបាននេះ កើតឡើងតាំងពីព្រឹកថ្ងៃទី ២៥ ខែ វិច្ឆិកា៕

អត្ថបទ៖ ទួន សុផល

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម