Connect with us

ព័ត៌មានជាតិ

ក្រសួងអប់រំ ណែនាំដល់សាលារដ្ឋ និងឯកជននៅភ្នំពេញ ត្រូវត្រួតពិនិត្យសុខភាពសិស្ស គ្រូ និងបុគ្គលិកសិក្សាជាប្រចាំ

បានផុស

នៅ

ក្រសួងអប់រំ យុវជន និងកីឡា បានណែនាំឱ្យគ្រឹះស្ថានសិក្សាសាធារណៈ និងឯកជន នៅរាជធានីភ្នំពេញត្រូវត្រួតពិនិត្យសុខភាព និងអាការៈរបស់គ្រូបង្រៀនបុគ្គលិកអប់រំ និងសិស្សានុសិស្ស ឱ្យបានជាប្រចាំដើម្បីទប់ស្កាត់ការឆ្លងរាលដាលជំងឺកូវីដ១៩ ពិសេស ជំងឺកូវីដ១៩បំប្លែងខ្លួនថ្មីប្រភេទអូមីក្រុង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចេញសេចក្តីណែនាំ ស្តីពីការពង្រឹងវិធានការសុវត្ថិភាពសុខភាព នៅតាមគ្រឹះស្ថានសិក្សាសាធារណៈនិងឯកជន នៅរាជធានីភ្នំពេញនេះ បានធ្វើឡើងបន្ទាប់ពីថ្មីៗនេះ មានសាលាឯកជនមួយមានសិស្ស និងគ្រូបានឆ្លងជំងឺកូវីដ១៩ ក្នុងនោះ មានសិស្សម្នាក់ឆ្លងជំងឺកូវីដ១៩បម្លែងខ្លួនថ្មីប្រភេទអូមីក្រុង។

លោកបណ្ឌិតសភាចារ្យ ហង់ ជួនណារ៉ុន រដ្ឋមន្ត្រីក្រសួង អប់រំ យុវជន និងកីឡា បានមានប្រសាសន៍ក្នុងសេចក្តីជួនដំណឹងចុះថ្ងៃទី១៩ ខែមករាថា ដើម្បីចូលរួមទប់ស្កាត់ការរាតត្បាតយ៉ាងឆាប់រហ័សនៃវីរុសបំប្លែងខ្លួនប្រភេទដែលតា ឬអូមីក្រុង នៅក្នុងគ្រឹះស្ថានសិក្សាសាធារណៈ និងឯកជន ក្រសួងអប់រំ យុវជន និងកីឡាសូមធ្វើការណែនាំដល់មន្ទីរអប់រំ យុវជននិងកីឡារាជធានីភ្នំពេញ ការិយាល័យអប់រំ យុវជន និងកីឡានៃរដ្ឋបាលខណ្ឌ និងគ្រឹះស្ថានសិក្សាសាធារណៈនិងឯកជនត្រូវពង្រឹងការអនុវត្តវិធានការសុខាភិបាល ការពាក់ម៉ាស់ការពារឱ្យបានខ្ជាប់ខ្ជួននិងការគម្លាតឱ្យបានម៉ឹងម៉ាត់។

លោករដ្ឋមន្ត្រី បានបន្តថាលើសពីនេះត្រូវត្រួតពិនិត្យសុខភាព និងអាការៈ របស់គ្រូបង្រៀន បុគ្គលិកអប់រំ និងសិស្សានុសិស្ស ឱ្យបានជាប្រចាំ។ ក្នុងករណីមានកម្តៅលើសពី៣៧,៥អង្សាសេឬមានរោគសញ្ញាដូចជាក្អក ហៀរសំបោរ ឈឺបំពង់ក ពិបាកដកដង្ហើម ត្រូវណែនាំឱ្យទៅរកសេវាសុខាភិបាលសមស្រប និងអនុញ្ញាតឱ្យឈប់សម្រាករហូតបានធូរស្រាលសុខភាពជាប្រក្រតី ទើបត្រឡប់មកបំពេញភារកិច្ច និងបន្តការសិក្សាដោយផ្ទាល់នៅគ្រឹះស្ថានសិក្សាវិញ។

លោករដ្ឋមន្ត្រីបានណែនាំទៀតថាជាមួយគ្នានេះដែរត្រូវអនុវត្តការបង្រៀន និងរៀនតាមបង្តុំដោយដាក់សិស្សមិនលើសពី ២០ នាក់និងផ្លាស់វេន ចំពោះគ្រឹះស្ថានសិក្សាដែល មានចំណុះសិស្សច្រើន រួមជាមួយនឹងការបង្រៀននិងរៀនតាមអនឡាញ។ លោករដ្ឋមន្ត្រី បានណែនាំដល់មន្ទីរអប់រំ យុវជន និងកីឡារាជធានីភ្នំពេញ ត្រូវផ្សព្វផ្សាយឱ្យបានទូលំទូលាយ ដល់គ្រប់ការិយាល័យអប់រំ យុវជន និងកីឡានៃរដ្ឋបាលខណ្ឌ និងគ្រប់គ្រឹះស្ថានសិក្សាសាធារណៈនិងឯកជនដើម្បីចូលរួមអនុវត្តឱ្យមានប្រសិទ្ធភាពខ្ពស់៕

អត្ថបទ ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៩ ម៉ោង មុន

​ជនរងគ្រោះ​ ៤ នាក់​ត្រូវឆ្កែ​ចចកខាំ​ ពេទ្យតម្រូវ​ឱ្យចាក់ថ្នាំ ៥​ ម្ជុល តាមការណាត់​

ព័ត៌មានជាតិ៩ ម៉ោង មុន

សមាគម​អ្នក​សារ​ព័​ត៌មាន​កម្ពុជា​ចិន បើក​វេទិកា​តុមូល​ស្ដីពី « បន្ទប់​វេជ្ជសាស្ត្រ​និង​សុខភាព​សាធារណៈ​»

ជីវិតកម្សាន្ដ១០ ម៉ោង មុន

ប្រវត្តិស្នេហារបស់ Johnny Depp និងអតីតភរិយា មុនមានរឿងក្ដីក្ដាំ

សន្តិសុខសង្គម១២ ម៉ោង មុន

ជនសង្ស័យ​២​នាក់​ ជិះ​ម៉ូតូ​បាញ់​កញ្ចក់​រថយន្ដ​យក​ទ្រព្យសម្បត្តិ​នៅមុខ​ហាង​លក់​គ្រឿងអគ្គិសនី​សេង​ម៉ាំង

សេចក្ដីជូនដំណឹង១២ ម៉ោង មុន

សេចក្តី​ជូនដំណឹង​ស្តីពី​ការ​អញ្ជើញ​ចូល​រួមដេញថ្លៃ​ការ​ផ្គត់ផ្គង់​ទំនិញ​របស់មន្ទីរ​សុខាភិបាល​នៃ​រដ្ឋបាល​ខេត្តបាត់ដំបង

Sokha Hotels

ព័ត៌មានពេញនិយម