ព័ត៌មានជាតិ
ផ្លូវបេតុងជាច្រើនខ្សែ នៅក្នុងក្រុងកំពត ត្រូវបានស្ថាបនាជាបន្តបន្ទាប់
អភិបាលក្រុងកំពត បានប្រាប់ឲ្យដឹងថា ការអភិវឌ្ឍហេដ្ឋារចនាសម្ព័ន្ធ ក្នុងក្រុងកំពតនឹងត្រូវអនុវត្តជាបន្តបន្ទាប់ ជាពិសេស គឺការជួសជុលកែលម្អផ្លូវថ្នល់ និងលូបង្ហូរទឹក តាមភូមិសាស្ត្រក្នុងសង្កាត់នីមួយៗ នៃក្រុងកំពត ខេត្តកំពត។
លោក លាង រឿនសុធី អភិបាលក្រុងកំពត មានប្រសាសន៍ប្រាប់ភ្នាក់ងារកម្ពុជាថ្មី នៅថ្ងៃទី ២៧ ខែមករានេះថា ក្នុងឆ្នាំ ២០២១កន្លងមក រដ្ឋបាលក្រុងកំពត បានស្ថាបនា និងជួសជុលពីផ្លូវក្រួសក្រហម ទៅជាផ្លូវបេតុងបានចំនួន ៤ខ្សែ រួមមាន៖ ផ្លូវបេតុងថ្មី ក្នុងសង្កាត់ក្រាំងអំពិលប្រវែង ៣,៣០៧ម៉ែត្រ និងលូ ១,៤០០ម៉ែត្រ, សង្កាត់កំពង់កណ្តាល ផ្លូវបេតុងថ្មីប្រវែង ៣៦៥ម៉ែត្រ, សង្កាត់កំពង់បាយ ផ្លូវបេតុងថ្មីប្រវែង ៣៩២ម៉ែត្រ, និងសង្កាត់ត្រើយកោះ ផ្លូវបេតុងថ្មីប្រវែង ៤៥០ម៉ែត្រ សរុប ៤,៥១៤ម៉ែត្រ។
លោកអភិបាលក្រុង បានបន្តថា ចំពោះផ្លូវបេតុង ដែលកំពុងជួសជុលនៅដើមឆ្នាំ ២០២២នេះ ស្ថិតត្រង់ចំណុចផ្សាររុយ ក្នុងសង្កាត់ក្រាំងអំពិល ក្រុងកំពត មានប្រវែង ២៦០ម៉ែត្រ។ ដោយឡែកគម្រោងជួសជុលផ្លូវចាស់ ទៅជាផ្លូវក្រាលបេតុងថ្មី មានប្រវែងសរុប ២,៦២០ម៉ែត្រទៀត រដ្ឋបាលក្រុងកំពត នឹងគ្រោងជួសជុលជាបន្តបន្ទាប់។
លោក លាង រឿនសុធី អភិបាលក្រុងកំពត បានបញ្ជាក់បន្ថែមថា គម្រោងអាទិភាពដែលនឹងត្រូវអនុវត្ត មានចំនួន ៧ គម្រោងទៀតនោះ សុទ្ធតែត្រូវជួសជុលជាផ្លូវបេតុង និងមានរៀបចំប្រព័ន្ធលូយ៉ាងត្រឹមត្រូវ ទៅតាមស្តង់ដា ដូចជា៖ ផ្លូវខាងកើតពហុកីឡដ្ឋាន (តារាងបាល់) មានប្រវែង ១៥០ម៉ែត្រ, ផ្លូវបេតុងមិត្តភាព ប្រវែង ២៧០ម៉ែត្រ, ផ្លូវបេតុងខាងក្រោយក្រុមហ៊ុន ស៊ុយហ្ស៊ុយគី ប្រវែង ៨៥០ម៉ែត្រ, ផ្លូវខាងជើងសង្កាត់ក្រាំងអំពិល (ចាស់) ប្រវែង ៣៥០ម៉ែត្រ, ផ្លូវតភ្ជាប់ស្រីម៉ៅ ប្រវែង៤៥០ម៉ែត្រ, ផ្លូវចំណុចអនុវិទ្យាល័យ ក្នុងសង្កាត់ត្រើយកោះ ប្រវែង ១៥០ម៉ែត្រ និងផ្លូវក្នុងសង្កាត់អណ្តូងខ្មែរ ប្រវែង ៤០០ម៉ែត្រ។ ចំពោះហេដ្ឋារចនាសម្ព័នផ្លូវទាំង ៧គម្រោងនេះ រដ្ឋបាលក្រុងនឹងចាប់ផ្តើមអនុវត្តជាបន្តបន្ទាប់ តាមការគ្រោងទុក៕
អត្ថបទ៖ សេង ណារិទ្ធ
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល