ព័ត៌មានជាតិ
តើស្ថានទូតកម្ពុជា នៅអ៊ុយក្រែន មានស្ថានភាពដូចម្ដេច?
ឆ្លើយតបទៅនឹងសំណួរសួរថា “តើស្ថានទូតកម្ពុជា នៅអ៊ុយក្រែន មានស្ថានភាពដូចម្ដេច?” លោក ជុំ សុន្ទរី អ្នកនាំពាក្យក្រសួងការបរទេស និងសហប្រតិបត្តិការអន្តរជាតិកម្ពុជា បានមានប្រសាសន៍ប្រាប់ “កម្ពុជាថ្មី” នៅថ្ងៃនេះថា ព្រះរាជាណាចក្រកម្ពុជាពុំមានស្ថានទូតនៅប្រទេសអ៊ុយក្រែនទេ ចំណែកប្រជាពលរដ្ឋ ក៏ដូចជានិស្សិតខ្មែរនៅទីនោះ លោកនៅមិនមានព័ត៌មាននៅឡើយទេ ដោយលោកកំពុងរង់ចាំការបញ្ជាក់ពីស្ថានទូតកម្ពុជា ប្រចាំនៅរុស្ស៊ី។
គួររំលឹកថា រុស្ស៊ី បានចាប់ផ្តើមវាយប្រហារពេញទំហឹងចូលទៅកាន់ប្រទេសអ៊ុយក្រែន កាលពីថ្ងៃព្រហស្បតិ៍ ហើយទីក្រុងគៀវ បានរាយការណ៍ថា មានមនុស្សស្លាប់ជាង ១០០នាក់ និងរបួសជាង ៤០០នាក់។ ការប្រយុទ្ធគ្នាដ៏ខ្លាំងថែមទៀត បានកើតឡើងនៅព្រឹកថ្ងៃសុក្រនេះ នៅក្នុងទីក្រុង Sumy ភាគឦសាន នៃប្រទេសអ៊ុយក្រែន។ កាំជ្រួច និងការបាញ់ផ្លោងរបស់រុស្ស៊ី បានស្រោចលើបណ្តាទីក្រុងរបស់អ៊ុយក្រែន ក្រោយពីប្រធានាធិបតី ពូទីន ចេញបញ្ជាឱ្យបើកប្រតិបត្តិការសឹកពិសេសចូលអ៊ុយក្រែន ហើយមកដល់ពេលនេះ កម្លាំងយោធារុស្ស៊ី បានបន្តរុលចូលជ្រៅទៅក្នុងប្រទេសអ៊ុយក្រែន ធ្វើឱ្យសមរភូមិស្លាប់រស់នេះបានឈានដល់ជាយទីក្រុងគៀវហើយ។
ស្របពេលការវាយសំរុករបស់រុស្ស៊ីនេះ ប្រធានាធិបតីអ៊ុយក្រែន លោក Volodymyr Zelensky បានចេញមកច្រានចោលព័ត៌មានថា លោកបានភៀសខ្លួនចេញពីប្រទេស។ លោកបញ្ជាក់ថា លោក និងគ្រួសារកំពុងស្ថិតនៅក្នុងរដ្ឋធានី នៃប្រទេសអ៊ុយក្រែននៅឡើយ តែលោកមិនទម្លាយពីទីកន្លែងជាក់លាក់នោះទេ ប៉ុន្តែរដ្ឋាភិបាលអាម៉េរិកឯណេះវិញបាននិយាយថា ខ្លួនដឹងទីកន្លែងស្នាក់នៅរបស់លោកប្រធានាធិបតី Volodymyr Zelensky និងបានទាក់ទងជាប់ជាប្រចាំ។ ជាមួយគ្នានោះ លោក វ៉ូឡូឌីមៀ ហ្សេលែនស្គី បានប្តេជ្ញានៅថ្ងៃសុក្រនេះថា លោកនឹងបន្តស្នាក់នៅក្នុងទីក្រុងកៀវ (Kyiv) ទោះបីជាដឹងថា កងទ័ពរុស្ស៊ីកំពុងសំដៅមកកាន់រដ្ឋធានីនេះ ហើយកងទ័ពអ៊ុយក្រែនកំពុងព្យាយាមទប់ទល់ យ៉ាងក្តៅគគុកក្តី។ នេះបើតាមការចេញផ្សាយដោយ ទីភ្នាក់ងារសារព័ត៌មាន Reuters នាព្រឹកថ្ងៃសុក្រ ទី២៥ ខែកុម្ភៈ ឆ្នាំ២០២២។
ទីក្រុងធំៗជាច្រើនរបស់អ៊ុយក្រែន រួមទាំងរដ្ឋធានីកៀវផងដែរ បានរងការវាយប្រហារដោយគ្រាប់មីស៊ីល និងការបាញ់ផ្លោងយ៉ាងដំណំ បន្ទាប់ពីប្រធានាធិបតីរុស្ស៊ីលោក វ៉្លាឌីមៀ ពូទីន បានចេញបញ្ជាឱ្យកងទ័ពរបស់លោក បើកការវាយលុកអ៊ុយក្រែន កាលពីពេលព្រឹកព្រហាមថ្ងៃព្រហស្បតិ៍ម្សិលមិញនេះ។
បើតាមរបាយការណ៍បឋមពីអាជ្ញាធរអ៊ុយក្រែន ប្រជាជនយ៉ាងហោចណាស់ ១០០ ០០០ នាក់បានរត់ភៀសខ្លួនចេញពីលំនៅឋាន ខណៈមួយចំនួនបានសំងំស្នាក់នៅ តាមផ្លូវរថភ្លើងក្រោមដី។
ចំពោះមុខស្ថានការណ៍ដ៏តានតឹងបំផុតនេះ លោក Volodymyr Zelensky បានថ្លែងប្រាប់ប្រជាជាតិលោក និងពិភពលោកទាំងមូល តាមរយៈសារជាវីដេអូនៅថ្ងៃសុក្រនេះថា សត្រូវបានចាត់ទុកលោក គឺជាគោលដៅទីមួយ ហើយគ្រួសាររបស់លោក គឺជាគោលដៅទី២ ហើយរុស្ស៊ី ចង់កម្ទេចប្រព័ន្ធនយោបាយអ៊ុយក្រែន។ លោកនឹងស្នាក់នៅក្នុងរដ្ឋធានីនេះ។ ជាមួយគ្នានោះ លោក Volodymyr Zelenskyy បានអំពាវនាវដល់មេដឹកនាំប្រទេសលោក ខាងលិចមានវិធានការបន្ថែមទៀត ដើម្បីទប់ស្កាត់ការឈ្លានពានរបស់រុស្សី៕
អត្ថបទ៖ កោះកែវ
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ