Connect with us

ព័ត៌មានជាតិ

កម្ពុជា ផលិតមាសបានជាង ២តោនហើយ

បានផុស

នៅ

គិតមកដល់ពេលនេះ មានរយៈពេល ៨ខែ កម្ពុជា ផលិតមាសបានជាង ២តោនហើយ។ នេះគិតតែមួយរណ្តៅនៅខេត្តមណ្ឌលគិរីប៉ុណ្ណោះ ពោលគឺនៅកន្លែងផ្សេងៗទៀត។ នេះជាប្រសាសន៍របស់សម្តេចតេជោ ហ៊ុន សែន នាយករដ្ឋមន្រ្តីកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចតេជោ ហ៊ុន សែន បានមានប្រសាសន៍ដូច្នេះថា «ទោះបីប្រទេសកម្ពុជាផលិតប្រេងមិនបាន តែអាចផលិតបានមាសទៅវិញ យើងប្រើពេលមកដល់ពេលនេះ រយៈពេល៨ខែ យើងផលិតបានមាសជាង ២តោនមាសដែរ ដែលនេះគិតតែលើរណ្តៅមួយកន្លែងប៉ុណ្ណោះក្នុងខេត្តមណ្ឌលគិរី ដោយមិនទាន់គិតនៅកន្លែងផ្សេងទៀត»។

សម្តេចតេជោ ថ្លែងបែបនេះ នៅក្នុងឱកាសអញ្ជើញជួបសំណេះសំណាលជាមួយប្រជាពលរដ្ឋខ្មែររស់នៅសហរដ្ឋអាមេរិក និងកាណាដា ប្រមាណជាង ២ពាន់នាក់ នៅរដ្ឋធានីវ៉ាស៊ីនតោន នៅថ្ងៃទី១២ ខែឧសភា ឆ្នាំ២០២២។

ពាក់ព័ន្ធនឹងការផលិតមាសនេះ សម្តេចតេជោ ធ្លាប់បានលើកឡើងថា កម្ពុជាបានផលិតមាសកាន់តែច្រើនទៅៗ ដោយសារប៉ូលសេដ្ឋកិច្ចនៅទិសឦសាន្ត គឺជាកសិឧស្សាហកម្ម និងសម្បូរដោយធនធានរ៉ែ។ លើសពីនេះទៀត សម្តេច បានសង្កត់ធ្ងន់ថា កម្ពុជា នៅមិនទាន់ស្រាវជ្រាវអស់នៅឡើយ ដូចជា រ៉ែបុកស៊ីត រ៉ែធ្យូថ្ម និងមានកន្លែងផលិតមាសដទៃទៀត ដែលមិនទាន់បានប្រើប្រាស់នោះទេ។

បើតាមសម្ដេចតេជោ ហ៊ុន សែន រ៉ែមាសដែលក្រុមហ៊ុនធ្វើអាជីវកម្ម នឹងផ្តល់ផលប្រយោជន៍ ជាចំណូលដុលជាមធ្យមប្រមាណ ១៨៥លានដុល្លារ ក្នុងមួយឆ្នាំ ដែលក្នុងនោះ ចំណូលថវិកាជាតិពីសួយសារ និងសារពើពន្ធផ្សេងៗ ជាមធ្យមប្រមាណ ៤០លានដុល្លារ ក្នុងមួយឆ្នាំ។ ថវិកាទាំងនេះ នឹងត្រូវយកមកប្រើប្រាស់ក្នុងចរន្តថវិកាជាតិ ដើម្បីអភិវឌ្ឍសេដ្ឋកិច្ច និងសង្គម។

សូមបញ្ជាក់ថា ក្រុមហ៊ុន រ៉ឺនេសង់ មីនើរ៉ល (ខេមបូឌា) លីមីធីត គឺជាក្រុមហ៊ុនមួយ របស់អូស្ត្រាលី ដែលទទួលបានអាជ្ញាប័ណ្ណរុករករ៉ែមាស ពីក្រសួងរ៉ែ និងថាមពល អាចផលិតមាសបាន ប្រមាណ ៣តោន ក្នុងមួយឆ្នាំ សម្រាប់រយៈពេល ៨ឆ្នាំដំបូង។ ក្រុមហ៊ុននេះ កំពុងដំណើរការអភិវឌ្ឍរ៉ែមាស ស្ថិតនៅក្នុងតំបន់អូខ្វាវ ក្នុងស្រុកកែវសីមា ខេត្តមណ្ឌលគិរី។ រោងចក្រចម្រាញ់រ៉េមាសនេះ បានសម្ពោធដាក់ឲ្យដំណើរការជាផ្លូវ កាលពីថ្ងៃទី ២១ខែមិថុនា ឆ្នាំ ២០២១។ ផលិតផលដុំមាស ដែលចម្រាញ់បានពីការដ្ឋានអាជីវកម្មរ៉ែមាសអូរខ្វាវ នឹងយកទៅបន្សុទ្ធបន្ថែមនៅរោងចក្របន្សុទ្ធមាស ដែលមានទីតាំងនៅប្រទេសអូស្រ្តាលី ដើម្បីផលិតបាន​ជាមាស​ទឹក៩៩%(មាសទឹក ៩៩% ជាមាសទឹក១០ ដោយសារជាទូទៅមាសទឹក១០ ភាគច្រើនស្ទើរទឹក ទើបគេនិយាយថា មាសទឹក ៩៩%)។ នេះបើតាមការបញ្ជាក់របស់លោក អ៊ឹង ឌីប៉ូឡា អគ្គនាយក នៃអគ្គនាយកដ្ឋានធនធានរ៉ែ ប្រាប់កម្ពុជាថ្មី នាពេលកន្លងមក៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ២២ នាទី មុន

ឈុតផឹកតែពីចានទម្រពែងរបស់តួ Gangubai បង្ហាញពីវប្បធម៌ដ៏ជូរចត់មួយរបស់ឥណ្ឌា

ព័ត៌មានជាតិ១ ម៉ោង មុន

ឧ​ត្ត​ម​សេនីយ៍ រ័ត្ន ស្រ៊ាង ដាក់​បញ្ជា​ឲ្យ​នាយទាហាន​ក្រោម​ឳ​វាទ ខិតខំ​ការពារ​សន្តិសុខ សុវត្ថិភាព និង​រក្សា​សណ្តាប់ធ្នាប់ ក្នុងអំឡុង​ឃោសនា​នេះ

ព័ត៌មានជាតិ២ ម៉ោង មុន

មន្ទីរ​សាធារណការ រាជធានី​ភ្នំពេញ ជួសជុល​ផ្លូវ​ ជង្ហុក​សំបុកមាន់ នៅ​មហាវិថី​កម្ពុជា​ក្រោម ដើម្បី​សម្រួល​ចរាចរណ៍​ជូន​ប្រជាពលរដ្ឋ​

ព័ត៌មានជាតិ២ ម៉ោង មុន

សន្សំថវិកា និងប្រយុទ្ធប្រឆាំង ការប្រែប្រួលអាកាសធាតុ ដោយការចូលរួមប្រើប្រាស់ថាមពលប្រកបដោយទំនួលខុសត្រូវ តាមរយៈយុទ្ធនាការ ខ្ញុំសន្សំ ឬ iSave

ព័ត៌មានជាតិ២ ម៉ោង មុន

កូរ៉េជួយ​បណ្តុះបណ្តាល​សមត្ថភាព​ធនធានមនុស្ស​លើវិស័យការទូត

Sokha Hotels

ព័ត៌មានពេញនិយម