ព័ត៌មានជាតិ
សម្ដេចតេជោសម្រេចធ្វើអត្តសញ្ញាណប័ណ្ណឱ្យពលរដ្ឋខ្មែរនៅក្រៅប្រទេស
មានប្រសាសន៍នៅក្នុងពិធីសំណេះសំណាលជាមួយប្រជាពលរដ្ឋខ្មែររស់នៅសហរដ្ឋអាមេរិក និងកាណាដា ប្រមាណជាង២ពាន់នាក់ នៅទីក្រុងវ៉ាស៊ីនតោន សម្ដេចតេជោ ហ៊ុន សែន បានប្រាប់ឲ្យក្រសួងជំនាញពីរសហការគ្នាធ្វើអត្តសញ្ញាណប័ណ្ណសញ្ជាតិខ្មែរ ជូនប្រជាពលរដ្ឋខ្មែរ ដែលកំពុងរស់នៅក្រៅប្រទេស។
សម្តេចក៏បានអំពាវនាវឲ្យប្រជាពលរដ្ឋខ្មែរ ដែលនៅក្រៅប្រទេសទាំងអស់ មកចូលរួមបោះឆ្នោតនៅក្នុងប្រទេសកម្ពុជា ពីព្រោះច្បាប់ឆ្នោតរបស់កម្ពុជាមិនអនុញ្ញាតឲ្យមានការបោះឆ្នោតពីក្រៅប្រទេសនោះទេ។
សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានមានប្រសាសន៍យ៉ាងនេះថា “មានរឿងមួយដែលគួរឱ្យចាប់អារម្មណ៍ ហើយត្រូវតែដោះស្រាយរវាងក្រសួងការបរទេស និងក្រសួងមហាផ្ទៃ គឺបងប្អូនប្រជាពលរដ្ឋ ដែលមកក្រៅប្រទេសនេះមិនមានសញ្ជាតិខ្មែរទេ ពីព្រោះពួកគាត់មកតាំងពីតូច ហើយអត់មានឈ្មោះនៅក្នុងស្រុក ដូច្នេះត្រូវធ្វើយ៉ាងម៉េចឲ្យពួកគាត់មានអត្តសញ្ញាណប័ណ្ណសញ្ជាតិខ្មែរ”។
បើតាមសម្ដេចតេជោ ហ៊ុន សែន មានប្រជាពលរដ្ឋខ្មែរមួយចំនួន នៅពេលមកស្រុកកំណើតវិញ ចង់ទិញដី ទិញផ្ទះ ពួកគាត់មិនមានអត្តសញ្ញាណបណ្ណសញ្ជាតិខ្មែរ។ បើបែបនេះពួកគាត់មិនអាចទិញបានទេ សម្តេចតេជោអះអាងថា មកដល់ពេលនេះ មានប្រជាពលរដ្ឋខ្មែរមិនតិចទេដែលត្រឡប់មកកម្ពុជាវិញ ហើយត្រូវទិញដី ទិញផ្ទះ។
ដោយឡែកទាក់ទងទៅនឹងការទាមទារសិទ្ធិបោះឆ្នោតពីក្រៅប្រទេស សម្ដេចតេជោ ហ៊ុន សែន បានបញ្ជាក់ថា សូមកុំចាញ់បោកគេ សូម្បីនៅសហរដ្ឋអាមេរិកធ្វើមិនបានផង។ សម្តេចបញ្ជាក់ថា “ក្នុងពេលជាមួយគ្នានេះ សូមបងប្អូនកុំអោយគេបោកបាន នោះគឺការទាមទារសិទ្ធិបោះឆ្នោត បើបងប្អូនចង់បោះឆ្នោតអាចបោះបាន ប៉ុន្តែត្រូវទៅបោះនៅឯក្នុងប្រទេស នេះជាច្បាប់បោះឆ្នោតរបស់កម្ពុជា ដែលមិនតម្រូវឲ្យមានការបោះឆ្នោតតាមប្រៃសណីយ៍ទេ ហើយបញ្ហានេះ សុំកុំអោយគេបោកបាន ដោយយកបញ្ហានៅសហរដ្ឋអាមេរិក មកនិយាយតែម្ដង”។
ទាក់ទងបញ្ហានេះ សម្តេចតេជោបានលើកឡើងពីជម្លោះរវាង Donald Trump និង Joe Biden ដែលផ្តើមឡើងដោយសារសន្លឹកឆ្នោតតាមតាមប្រៃសណីយ៏នេះ។ សម្តេចថា បើតាមការបោះឆ្នោតជាក់ស្ដែង គឺ Donald Trump ជាអ្នកឈ្នះ ប៉ុន្តែនៅពេលបូកសន្លឹកឆ្នោតពីតាមបណ្ដាប្រៃសណីយ៍ផ្សេងៗធ្វើឱ្យ Joe Biden ឈ្នះវិញ។ ដែលនេះហើយ បង្កឲ្យមានការតវ៉ា។
ដោយឡែកចំពោះប្រទេសកម្ពុជាមានមេបោកប្រាស់មួយចំនួនបានទៅបោកប្រាស់ប្រជាពលរដ្ឋថា បើគេឈ្នះនឹងឱ្យប្រជាពលរដ្ឋខ្មែរនៅក្រៅប្រទេសមានសិទ្ធិបោះឆ្នោតពីក្រៅប្រទេស។ សម្តេចថា មិនអាចធ្វើបានទេ បើសូម្បីទៅនៅអាមេរិកធ្វើមិនបានផង។ បើតាមសម្តេចតេជោ ការបោះឆ្នោតធ្វើឡើងដោយផ្ទាល់ផង នៅមានគេចោទប្រកាន់ថា លួចបន្លំសន្លឹកឆ្នោត ចុះទម្រាំបោះតាមប្រៃសណីយ៍ទៀតនោះ តើការចោទប្រកាន់នេះដល់កម្រិតណាទៅ៕
អត្ថបទ៖កោះកែវ
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៥ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ