ព័ត៌មានជាតិ
AICHR បើកកិច្ចប្រជុំលើកទី ៣៥ ដើម្បីពិនិត្យ និងអនុម័តលើឯកសារមួយចំនួន
គណៈកម្មាធិការសិទ្ធិមនុស្សកម្ពុជា ក្នុងនាមជាប្រធានគណៈកម្មការអន្តររដ្ឋាភិបាលអាស៊ាន ទទួលបន្ទុកសិទ្ធិមនុស្ស (អាយឆា-AICHR) ឆ្នាំ ២០២២ បានរៀបចំកិច្ចប្រជុំលើកទី ៣ រយៈពេល ៣ថ្ងៃ ចាប់ពីថ្ងៃទី ២១-២៣ ខែមិថុនា ឆ្នាំ ២០២២ តាមប្រព័ន្ធវីដេអូ។
កិច្ចប្រជុំនេះ ដឹកនាំដោយលោក កែវ រ៉េមី រដ្ឋមន្ត្រីប្រតិភូអមនាយករដ្ឋមន្ត្រី ប្រធានគណៈកម្មាធិការសិទ្ធិមនុស្សកម្ពុជា ជាតំណាងកម្ពុជាប្រចាំអាយឆា និងជាប្រធានអាយឆាឆ្នាំ ២០២២ ដោយមានការចូលរួមពីតំណាង អាយឆានៃប្រទេសសមាជិកអាស៊ានទាំងអស់ និងលេខាធិការដ្ឋានអាស៊ាន។
លោក ជិន ម៉ាលីន អ្នកនាំពាក្យគណៈកម្មាធិការសិទ្ធិមនុស្សកម្ពុជា បានថ្លែងប្រាប់អ្នកសារព័ត៌មានថា កិច្ចប្រជុំលើកទី ៣៥នេះ នឹងពិនិត្យ ពិភាក្សា និងអាចអនុម័តទៅលើឯកសារជាច្រើន រួមមាន៖ ដូចជា របាយការណ៍ កំណត់ហេតុនៃកិច្ចប្រជុំ និងសកម្មភាពនានា ដែលបានរៀបចំធ្វើនាពេលកន្លងមក, វឌ្ឍនភាព នៃកម្មវិធីនានា ដែលមិនទាន់បានអនុវត្ត និងរបាយការណ៍ នៃកម្មវិធីដែលបានអនុវត្តរួចហើយ, ឯកសារទស្សនទាន ស្ដីពី កម្មវិធី សកម្មភាពអាទិភាពរបស់អាយឆា ដែលគ្រោងនឹងអនុវត្តក្នុង ឆ្នាំ ២០២២ ជាពិសេសឯកសារសំខាន់ចំនួន ៣ ដែលត្រៀមសម្រាប់កិច្ចជំនួបប្រចាំឆ្នាំ ជាមួយរដ្ឋមន្ត្រី ការបរទេសអាស៊ាន នាដើមខែសីហា ឆ្នាំ ២០២២ ខាងមុខ៖
ទី១. របាយការណ៍ឆ្នាំ២០២២របស់អាយឆា ទី២. សេចក្តីថ្លែងការណ៍របស់ប្រធានអាយឆាទៅកាន់រដ្ឋមន្ត្រីការបរទេសអាស៊ាន និងទី៣. កម្មវិធី សកម្មភាពអាទិភាពរបស់អាយឆាឆ្នាំ២០២៣។
បើតាមលោក ជិន ម៉ាលីន ក្រៅពីនេះ នៅក្នុងកិច្ចប្រជុំលើកទី ៣៥ ក៏នឹងមានកិច្ចជំនួបដាច់ដោយឡែកចំនួន ២ រវាង អាយឆាជាមួយគណៈកម្មាធិការ តំណាងអចិន្ត្រៃយ៍ប្រចាំអាស៊ាន (CPR) និងជាមួយវេទិកា នៃស្ថានប័នសិទ្ធិមនុស្សជាតិអាស៊ាន (SEANF) រួមទាំងការពិភាក្សាទៅ លើបញ្ហាផ្សេងៗមួយចំនួនទៀត៕
អត្ថបទ៖ កោះកែវ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម២១ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ