ព័ត៌មានជាតិ
លោក យន្ត មីន ៖ អ្នកជំនាន់ក្រោយ មិនត្រូវបំភ្លេចឡើយនូវគុណបំណាច់ របស់គណបក្សប្រជាជនកម្ពុជា
គ្រប់យុវជនជាអ្នកជំនាន់ក្រោយ មិនត្រូវបំភ្លេចឡើយនូវគុណបំណាច់ របស់គណបក្សប្រជាជនកម្ពុជា ដែលពុះពារតស៊ូគ្រប់បែបយ៉ាង ដើម្បីកសាងអភិវឌ្ឍន៍ប្រទេសជាតិមកដល់សព្វថ្ងៃនេះ។ នេះជាការគូសបញ្ជាក់របស់លោក យន្ត មីន សមាជិកគណៈកម្មាធិការកណ្តាល និងជាអនុប្រធានក្រុមការងារគណបក្សប្រជាជនកម្ពុជា ចុះមូលដ្ឋានខេត្តកោះកុង។
តំណាងសម្តេចពិជ័យសេនា ទៀ បាញ់ ប្រធានក្រុមការងារគណបក្សប្រជាជនកម្ពុជា ចុះមូលដ្ឋានខេត្តកោះកុង លោក យន្ត មីន លើកឡើងក្នុងអង្គមីទ្ទីងអបអរសាទរខួបអនុស្សាវរីយ៍លើកទី ៧១ ថ្ងៃបង្កើតគណបក្សប្រជាជនកម្ពុជា យ៉ាងដូច្នេះថា មានតែគណបក្សប្រជាជនកម្ពុជាមួយតែគត់ ដែលបូជាជីវិតស្រោចស្រង់ប្រជាពលរដ្ឋពីរបបប្រល័យពូជសាសន៍ ប៉ុល ពត រហូតដល់មានការអភិវឌ្ឍដូចសព្វថ្ងៃ។
លោក យន្ត មីន បន្ថែមទៀតនៅថ្ងៃទី ២៨ ខែមិថុនា ថា យុវជនសព្វថ្ងៃ និងយុវជនជំនាន់ក្រោយៗ គប្បីត្រូវចងចាំ មិនត្រូវបានបំភ្លេចនូវគុណបំណាច់ស្នាដៃ ថ្នាក់ដឹកនាំគណបក្សប្រជាជនកម្ពុជា ដែលដឹកនាំដោយសម្តេចតេជោ ហ៊ុន សែន នាយករដ្ឋមន្រ្តីជាស្ថាបនិកជាន់ខ្ពស់។ គណបក្សប្រជាជនកម្ពុជា ក្រោយរំដោះអាយុជីវិតប្រជាពលរដ្ឋពីទុក្ខវេទនា គឺបានពុះពារអភិវឌ្ឍន៍មាតុភូមិន្ទឲ្យរុងរឿងរីកចម្រើនអំឡុងពេល ៧១ឆ្នាំមកនេះ។
ក្នុងនាមជាសមាជិកគណៈកម្មាធិការកណ្តាល គណបក្សប្រជាជនកម្ពុជា លោក យន្ត មីន ក៏ដាស់តឿនដល់យុវជនគ្រប់ជំនាន់ទាំងអស់ បន្តខិតខំថែរក្សាប្រពៃណីគុណសម្បត្តិ របស់គណបក្សប្រជាជនកម្ពុជាឲ្យគង់វង្សទៅអនាគត គ្រា ៧១ឆ្នាំនេះ ថ្នាក់ដឹកនាំគណបក្សបានប្រឹងប្រែងតស៊ូអភិវឌ្ឍន៍កសាង នូវហេដ្ឋារចនាសម្ព័ន្ធជាច្រើនរាប់មិនអស់ ដើម្បីសន្តិភាព សុខុដុមរមនាកម្ម និងកំណើនសេដ្ឋកិច្ចសង្គមបម្រើដល់ប្រយោជន៍ប្រជាពលរដ្ឋទាំងមូល។
ដោយឡែក លោកស្រី មិថុនា ភូថង ប្រធានគណៈកម្មាធិការគណបក្សប្រជាជនកម្ពុជាខេត្តកោះកុង ថ្លែងពន្យល់ដែរថា គណបក្សប្រជាជនកម្ពុជា គឺជារបស់ប្រជាជន និងដើម្បីប្រជាជន ហើយដាច់ខាតមិនឲ្យរបបខ្មៅងងឹត ប៉ុល ពត វិលវិញឡើយ ទោះបីជាតម្លៃណាក៏ដោយ។ សព្វថ្ងៃ ប្រទេសជាតិ មានសន្តិភាព ស្ថេរភាពនយោបាយ សាមគ្គីភាពផ្ទៃក្នុង និងអភិវឌ្ឍន៍ជឿនលឿនអស់ពេល ៤៣ឆ្នាំនេះ។
បើតាមលោកស្រី មិថុនា ភូថង ថ្នាក់ដឹកនាំគណបក្ស បាននិងកំពុងពង្រីករចនាសម្ព័ន្ធដ៏រឹងមាំ និងធនធានមនុស្សប្រកបដោយសមត្ថកភាព សីលធម៌ និងគុណធម៌ បម្រើដល់គោលនយោបាយអភិវឌ្ឍន៍សង្គមជាតិបន្តបាញ់ឆ្ពោះដល់ឆ្នាំ ២០៣០ ទទួលបានប្រាក់ចំណូលមធ្យមកម្រិតខ្ពស់។
យុវជន សៀង កក្កដា និងកញ្ញា ស្រី ស្រស់ ជាសមាជិកយុវជនគណបក្សប្រជាជនកម្ពុជា ដែលចូលរួមមីទ្ទីងថ្ងៃខួបកំណើត ៧១ឆ្នាំ នៃគណបក្សប្រជាជនកម្ពុជា បានបង្ហាញរីករាយ និងយល់ឃើញថា រាល់សកម្មភាពអភិវឌ្ឍន៍ប្រទេសជាតិបច្ចុប្បន្ន ជាសក្ខីភាពនៃសច្ចៈភាពដែលបានមកពីដឹកនាំ របស់សម្តេចតេជោនាយករដ្ឋមន្រ្តី ពុំមានគណបក្សដ៏ទៃផ្សេងណាមួយ មកប្រកួតប្រជែងបាន។
ក្នុងនាមពួកគេជាយុវជនជំនាន់ក្រោយ សូមតាំងចិត្តដើរតាមមាគ៌ារបស់ឥស្សរជនជំនាន់មុន របស់គណបក្សប្រជាជនកម្ពុជា តាមរយៈការសិក្សាស្រាវជ្រាវយល់ដឹងពីប្រវត្តិសាស្រ្ត បង្កើនចំណេះជំនាញសមត្ថភាព និងចែករំលែកបទពិសោធន៍នានា ទៅកាន់ក្រុមយុវជនដ៏ទៃទៀតបានជ្រួលជ្រាប ពីសកម្មភាពគុណបំណាច់ របស់គណបក្សមិនអាចបាត់បង់ ឬបំភ្លេចបាន។
យុវជនខេត្តកោះកុង បន្តថែរក្សាការពារនូវសមិទ្ធិផល និងស្នាដៃនានារបស់គណបក្សប្រជាជនកម្ពុជា បានបន្សល់ទុក ហើយស្មោះត្រង់ជានិច្ចនូវគោលនយោបាយចាត់តាំង ក្នុងជួរគណបក្ស។ ជាពិសេសគាំទ្រពេញទំហឹងនូវបេក្ខភាពលោក ហ៊ុន ម៉ាណែត ជានាយករដ្ឋមន្រ្តីបន្តវេនទៅថ្ងៃអនាគត៕
អត្តបទ៖ សិរីវឌ្ឍនៈ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង