ព័ត៌មានជាតិ
ការអនុវត្តសាលក្រមជម្លោះដីស្រែអំបិល រវាងម្ដាយ និងកូនស្រីបង្កើត និងមនុស្ស ៣នាក់ទៀត ត្រូវបានលើកពេល
តុលាការខេត្តកំពត កាលពីថ្ងៃទី ១៦ ខែវិច្ឆិកា ឆ្នាំ ២០២២ មានគម្រោងចុះទៅអនុវត្តសាលក្រម ពាក់ព័ន្ធនឹងសំណុំរឿងជម្លោះដីស្រែអំបិល រវាងម្ដាយ និងកូនស្រីបង្កើត និងមនុស្ស ៣នាក់ផ្សេងទៀត បន្ទាប់ពីតុលាការបានកាត់ក្ដីឲ្យស្ត្រី ឈ្មោះ ឈុន ហឹង ជាម្ដាយឈ្នះក្ដី។
កាលពីថ្ងៃម្សិលមិញ នៅទីតាំងដីជម្លោះគេសង្កេតឃើញ មានប្រជាពលរដ្ឋជាច្រើននាក់ បានចូលរួមធ្វើជាសាក្សី ក្នុងការចុះអនុវត្តសាលក្រមនេះ។ ក៏ប៉ុន្តែ ក្រឡាបញ្ជីម្នាក់ បានសម្រេចមិនទាន់អនុវត្តដោយធ្វើកំណត់ហេតុថា អាជ្ញាធរមិនបានអញ្ជើញមកចូលរួម ក្នុងការអនុវត្តប្រកាសសាលក្រមនេះ ហើយបានពន្យាពេលនៅលើកក្រោយវិញ។
សូមជម្រាបថា ជម្លោះដីស្រែអំបិល រវាងម្ដាយ និងកូនស្រីបង្កើត និងមនុស្ស ៣នាក់ផ្សេងទៀត រហូតប្ដឹងដល់តុលាការនោះ ស្ថិតនៅក្នុងភូមិកំពង់សំរោង ឃុំកំពង់សំរោង ស្រុកទឹកឈូ ខេត្តកំពត។ កាលពីពេលកន្លងទៅ តុលាការខេត្តកំពត បានកាត់ក្ដីឲ្យម្ដាយឈ្មោះ ឈុន ហឹង អាយុ ៨៥ឆ្នាំ រស់នៅក្នុងសង្កាត់កំពង់កណ្ដាល ក្រុងកំពត ឈ្នះក្ដីលើកូនស្រី ឈ្មោះ ហោ សឺយ និងមនុស្ស ៣នាក់ផ្សេងទៀត ដែលមានដីនៅជាប់ព្រំប្រទល់ជាប់គ្នា។
ស្ត្រីឈ្មោះ ហោ សឺយ ដែលជាកូនស្រី បាននិយាយឲ្យដឹងថា ដីរបស់ខ្លួនបានទិញហ៊ុនគ្នា ជាមួយឈ្មោះ សុន កេងចំនួន ១៨ហិកតា និងជាមួយ ឈ្មោះ ថោង មុំ, ឈ្មោះ អេល មីន ជាង ៦ហិកតា ព្រមទាំងដីម្ដាយបង្កើតជាង ៥ហិកតា។ ប៉ុន្តែពេលតុលាការ បានចេញសាលក្រមសម្រេចកាត់ដីឲ្យឈ្មោះ ឈុន ហឹង ចំនួន៣១ហិកតា។
រឿងរ៉ាវចំនួនដីស្រែអំបិល ដែលតុលាការបានកាត់ទៅឲ្យម្ដាយដ៏ច្រើនលើសលប់នោះ ត្រូវបានកូនស្រីបង្កើត និងជាម្ចាស់ដី ៣នាក់ទៀត បង្ហាញការមិនសប្បាយចិត្តឡើយ និងបានដាក់ពាក្យបណ្ដឹងទៅសាលាឧទ្ធរណ៍ បន្តទៀត។ ចំណែកឯភាគីឈ្មោះ ឈុន ហ៊ឹង ក៏បាននិយាយដោយខ្លីថា ដីស្រែអំបិលនោះ គាត់ជាម្ដាយបានកាន់កាប់ជាយូរឆ្នាំណាស់មកហើយ។ ប៉ុន្តែម្នាក់ៗ សុទ្ធតែមានការលោភលន់៕
អត្ថបទ៖ សឹង រ៉ាត់
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង