ព័ត៌មានជាតិ
ត្រួសៗស្វែងយល់ពីអាហារូបករណ៍តាមសាកលវិទ្យាល័យនានាឆ្នាំ ២០២២- ២០២៣
ឆ្នាំសិក្សាថ្មី ២០២២-២០២៣នេះ សាកលវិទ្យាល័យនៅរាជធានីភ្នំពេញក៏ដូចជាតាមបណ្ដាខេត្តនានា បានផ្ដល់អាហារូបករណ៍ដល់សិស្សសិក្សាលើជំនាញផ្សេងៗ។ ថ្ងៃនេះ «កម្ពុជាថ្មី» នឹងនាំព័ត៌មានពីអាហារូបករណ៍ដែលផ្តល់ដោយសាកលវិទ្យាល័យផ្សេងៗដល់សិស្សនិស្សិតសម្រាប់ឆ្នាំសិក្សាថ្មីនេះ។
១. អាហារូបករណ៍ក្រសួងការងារ និងបណ្ដុះបណ្ដាលវិជ្ជាជីវៈ
សម្រាប់ឆ្នាំសិក្សាថ្មី ២០២២-២០២៣ ក្រសួងការងារ និងបណ្ដុះបណ្ដាលវិជ្ជាជីវៈ បានផ្ដល់អាហារូបករណ៍ដល់សិស្សជាង ២ម៉ឺនកន្លែង(២៤ ២៣៨) តាមគ្រឹះស្ថានសិក្សាបច្ចេកទេសចំនួន ៤២កន្លែង នៅក្នុងរាជធានីភ្នំពេញ និងនៅតាមបណ្ដាខេត្តនានា។
២. អាហារូបករណ៍នៅបណ្ឌិត្យសភានគរបាលកម្ពុជា
នៅបណ្ឌិតសភានគរបាលកម្ពុជា ក៏បានប្រកាសជ្រើសរើសសិស្សអាហារូបករណ៍ចំនួន ២០០កន្លែង សិក្សារយៈពេល ៤ឆ្នាំ ក្លាយទៅជានាយនគរបាលបន្តវេនក្នុងក្រមខណ្ឌមន្ត្រីនគរបាលកម្ពុជានៃក្រសួងមហាផ្ទៃ។ ការជ្រើសរើសនេះនឹងផុតទទួលពាក្យនៅថ្ងៃទី ២៧ ខែមករា ឆ្នាំ២០២៣ ខាងមុខនេះ។
៣. អាហារូបករណ៍នៅវិទ្យាស្ថានបច្ចេកវិទ្យាកម្ពុជា(តិចណូ)
វិទ្យាស្ថានបច្ចេកវិទ្យាកម្ពុជា ឬគេច្រើនហៅថាសាលាតិចណូ នៅក្នុងឆ្នាំសិក្សាថ្មីក៏ប្រកាសផ្ដល់អាហារូបករណ៍ដល់សិស្ស ជាង ៥០០កន្លែង ហើយការទទួលពាក្យនឹងបន្តរហូតដល់ថ្ងៃទី ១៤ ខែកុម្ភៈ ឆ្នាំ២០២៣។
៤. អាហារូបករណ៍ទេពកោសល្យឌីជីថលតេជោ
តាមរយៈក្រសួងប្រៃសណីយ៍ និងទូរគមនាគមន៍ នៅក្នុងឆ្នាំសិក្សាថ្មីនេះ អាហារូបករណ៍ទេពកោសល្យឌីជីថលតេជោ នឹងផ្ដល់អាហារូបករណ៍ ៥០០កន្លែងដល់សិស្សឆ្នើម ដើម្បីបង្កើនសមត្ថភាពធនធានមនុស្សជំនាញបច្ចេកវិទ្យាឌីជីថល។ ការចុះឈ្មោះប្រឡងចាប់ពីថ្ងៃជូនដំណឹងរហូតដល់ថ្ងៃទី ២៧ ខែមករា ឆ្នាំ២០២៣នេះ។
៥. អាហារូបករណ៍ នៅវិទ្យាស្ថានតេជោ សែន សាធារណការ និងដឹកជញ្ជូន
វិទ្យាស្ថានតេជោ សែន សាធារណការ និងដឹកជញ្ជូន ក្រៅពីផ្តល់អាហារូបករណ៍ ៥០%សម្រាប់សិស្សស្រី និងផ្តល់អាហារូបករណ៍ ១០០ % ចំនួន ៥០កន្លែងសម្រាប់សិស្សប្រឡងដែលបានពិន្ទុខ្ពស់ជាងគេសម្រាប់ចូលរៀននៅឆ្នាំសិក្សាថ្មី ។ កាលបរិច្ឆេទផុតកំណត់ទទួលពាក្យនៅថ្ងៃទី ០១ ខែកុម្ភៈ ឆ្នាំ២០២៣។
៦. អាហារូបករណ៍ នៅសាកលវិទ្យាល័យកម្ពុជា
នៅសាកលវិទ្យាល័យកម្ពុជា បានផ្ដល់អាហារូបករណ៍ឱ្យសិស្សបានចូលសិក្សារហូតដល់ ១៥០០កន្លែង ទៅតាមមុខជំនាញជាច្រើន ហើយពាក្យសុំចូលរៀនអាហារូបករណ៍នឹងផុតកំណត់នៅថ្ងៃទី២៩ ខែមករា ឆ្នាំ២០២៣។
៧. អាហារូបករណ៍នៅ AUPP
អាហារូបករណ៍ប្រមាណជាង ៣០០កន្លែងសាកលវិទ្យាល័យអាមេរិកកាំងកម្ពុជា បានសម្រេចផ្តល់ឱ្យសិស្សក្នុងឆ្នាំសិក្សាថ្មីនេះ។
៨. អាហារូបករណ៍នៅពុទ្ធិកសាកលវិទ្យាល័យព្រះសីហមុនីរាជា
ពុទ្ធិកសាកលវិទ្យាល័យព្រះសីហមុនីរាជា ក៏មានផ្តល់អាហារូបករណ៍ ១០០% សិក្សារយៈពេល ៤ឆ្នាំទៅលើការសិក្សាឯកទេសជំនាញទាំង ៧ រួមមាន៖ នីតិសាស្ត្រ, វិទ្យាសាស្ត្រអប់រំ, ទស្សនវិទ្យា, គ្រប់គ្រងទូទៅ, អក្សរសាស្ត្រអង់គ្លេស, ព័ត៌មានវិទ្យា, អក្សរសាស្ត្រខ្មែរ ហើយកាលបរិច្ឆេទឈប់ទទួលពាក្យនៅថ្ងៃទី២៨ ខែកុម្ភៈ ឆ្នាំ២០២៣។
៩. អាហារូបករណ៍សាកលវិទ្យាល័យអាស៊ីអឺរ៉ុប
ឆ្នាំសិក្សាថ្មី ២០២២-២០២៣ សាកលវិទ្យាល័យអាស៊ីអឺរ៉ុបក៏មានផ្តល់អាហារូបករណ៍ដល់សិស្សតាមរយៈនិទ្ទេសពិន្ទុ និងតាមរយៈការប្រឡងសរុបជាង ១៥០កន្លែង។ កាលបរិច្ឆេទឈប់ទទួលពាក្យនៅថ្ងៃទី៣១ ខែមីនា ឆ្នាំ២០២៣៕
ដោយ៖ ឌិន ថារី
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ