ព័ត៌មានជាតិ
ខេត្តបាត់ដំបងប្រារព្ធពិធីដង្ហែពានរង្វាន់រំដួល៣ទង ជាលើកទី៣
នេះគឺជាលើកទី៣ហើយ ដែលខេត្តបាត់ដំបង មានកិត្តិយសទទួលបាននូវពានរង្វាន់ផ្ការំដួល៣ទង ដែលសំដៅទៅលើទីក្រុងស្អាត និងបដិសណ្ឋាកិច្ចល្អ ព្រមទាំងមានការរៀបចំស្អាតជាងគេនៅថ្ងៃបុណ្យចូលឆ្នាំសកលផងដែរ។
នៅព្រឹកថ្ងៃទី៣ ខែមីនា ឆ្នាំ២០២៣ នេះ រដ្ឋបាលខេត្តបាត់ដំបង បានរៀបចំពិធីដង្ហែនូវពានរង្វាន់ជ័យលាភីផ្ការំដួល៣ទង ដោយបានប្រារព្ធធ្វើឡើងនៅខាងមុខបរិវេណសាលាខេត្តតែម្តង ព្រមទាំងមានការអញ្ជើញចូលរួមពីមន្ត្រីរាជការ កងកម្លាំងប្រដាប់អាវុធ ប្រជាពលរដ្ឋ ក្រោមអធិបតីភាពលោក សុខ លូ អភិបាល នៃគណអភិបាលខេត្តបាត់ដំបង។
នៅក្នុងឱកាសនោះផងដែរ លោក អ៊ុច អ៊ុំភីនីហ្សារ៉ា ប្រធានមន្ទីរទេសចរខេត្ត បានឡើងអានរបាយការណ៍ ដែលបង្ហាញពីសក្តានុពល របស់តំបន់ទេសចរណ៍នានា ដ៏ច្រើនសន្ធឹកសន្ធាប់ដែលជាវិស័យមួយក្នុងការទាក់ទាញភ្ញៀវទេសចរជាតិ និងអន្តរជាតិ អោយចូលមកកំសាន្ត ក្នុងឱកាសពិធីបុណ្យនានា រហូតធ្វើឱ្យខេត្តបាត់ដំបង ទទួលបាននូវពានរង្វាន់ផ្ការំដួល៣ទង ជាលើកទី៣ សម្រាប់ទីក្រុងស្អាត និងបដិសណ្ឋាកិច្ចល្អ និងមានការរៀបចំស្អាតលើសគេក្នុងថ្ងៃបុណ្យឆ្លងឆ្នាំសកល ដែលពានរង្វាន់ទាំង២នេះ លោក សុខ លូ បានឡើងទទួលផ្ទាល់ពីសម្តេចអគ្គមហាសេនាបតី តេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។
បន្ទាប់ពីលោកអភិបាលខេត្តឡើងមានប្រសាសន៍ថ្លែងអណរគុណយ៉ាងជ្រាលជ្រៅដល់ប្រជាពលរដ្ឋក្នុងខេត្តទាំងអស់ ដែលបានចូលរួមការសំអាតបរិស្ថានតាមលំនៅឋានរៀងៗខ្លួន ដើម្បីឱ្យខេត្តបាត់ដំបង ក្លាយជាខេត្តមួយទទួលបាននូវជ័យលាភីដ៏ត្រចះត្រចង់បែបនេះ រួចមក ក្រុមឆៃយុាំក៏បានបន្លឺសម្លេងឡើង ដើម្បីចេញដំណើរទក្សិណជុំវិញក្រុងបាត់ដំបង ក្នុងការដឹកនាំដង្ហែក្បួនផ្ការំដួល៣ទងនេះ៕
អត្ថបទ÷ សោ និយមរ័ត្ន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?