ព័ត៌មានជាតិ
សមត្ថកិច្ចចម្រុះជាង ៥០នាក់ ជួយជួសជុលផ្ទះប្រជាពលរដ្ឋរងគ្រោះខ្យល់កន្ត្រាក់ជាង ១០០ខ្នង
នៅថ្ងៃទី២៣ ខែមេសា ឆ្នាំ២០២៣នេះ សមត្ថកិច្ចចម្រុះ ជាង ៥០នាក់ ជួយរុះរើ និងជួសជុលផ្ទះប្រជាពលរដ្ឋរងគ្រោះ ដោយសារភ្លៀង និងខ្យល់កន្ត្រាក់ ក្នុងភូមិអភិវឌ្ឍន៍ ឃុំអន្លង់វែង ស្រុកអន្លង់វែង ខេត្តឧត្ដមរមានជ័យ។
បើតាម លោក ងួន ធីរិទ្ធ អភិបាល នៃគណៈអភិបាលស្រុកស្រុកអន្លង់វែង បានឱ្យ កម្ពុជាថ្មី ដឹងនៅរសៀលថ្ងៃនេះថា ប្រជាពលរដ្ឋរងការរលំខូចខាតផ្ទះសំបែងសរុបចំនួន ១០៤ខ្នងផ្ទះ ដោយមកដល់ពេលនេះ កងកម្លាំងបានជួយជួសជុលរួចរាល់ចំនួន ៤ខ្នងផ្ទះ ហើយនឹងបន្តជួសជុលនៅថ្ងៃបន្ទាប់ទៀត។
សមត្ថកិច្ចដែលចុះជួយ ក្នុងនោះមាន កម្លាំងមូលដ្ឋាន កងរាជអាវុធហត្ថ ស្រុកអន្លង់វែង ខេត្តឧត្ដរមានជ័យ ចំនួន ១០នាក់ ដឹកនាំដោយ លោកវរសេនីយ៍ត្រី តឹក សារឿន មេបញ្ជាការ (អ-ហ) ស្រុកអន្លង់វែង ចុះសហការជាមួយ កម្លាំងអធិការនគរបាលស្រុកអន្លង់វែង ចំនួន ២៥នាក់ កម្លាំងយុវជនឃុំអន្លង់វែង ចំនួន ០៩នាក់ កម្លាំងប្រជាការពារភូមិចំនួន ១០នាក់ ដឹកនាំរួមដោយ លោក ងួន ធីរិទ្ធ អភិបាល នៃគណៈអភិបាលស្រុកស្រុកអន្លង់វែង ចុះជួយរុះរើ និងជួសជុលផ្ទះប្រជាពលរដ្ឋ ដែលទទួលរងគ្រោះដោយភ្លៀងលាយឡំ ខ្យល់កន្រ្តាក់ កាលពីវេលាម៉ោង ១៦ និង៣០នាទី ថ្ងៃទី២២ ខែមេសា ឆ្នាំ២០២៣។
បច្ចុប្បន្ន ប្រជាពលរដ្ឋទាំងនោះ កំពុងសង់លំនៅស្នាក់នៅបណ្ដោះអាសន្នក្បែរនោះសិន និងរង់ចាំទទួលជំនួយពីអាជ្ញាធរខេត្ត និងសប្បុរសជននានា៕
អត្ថបទ៖ ចាន់ ធី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង