ព័ត៌មានជាតិ
គម្រោងសាងសង់ព្រលានយន្តហោះថ្មីនៅស្ទឹងត្រែងបង្ហាញពន្លឺកាន់តែច្បាស់
គម្រោងសាងសង់ព្រលានយន្តហោះឡើងវិញនៅក្នុងខេត្តស្ទឹងត្រែង កាន់តែបង្ហាញពន្លឺកាន់ច្បាស់ ខណៈអាជ្ញាធរខេត្តស្ទឹងត្រែង បានអះអាងថាខ្លួនបានត្រៀមដីចំនួន ៥០០ ហិករួចហើយ ដើម្បីសាងសង់ព្រលានថ្មីនេះ។
អភិបាលរងខេត្តស្ទឹងត្រែង លោក ដួង ពៅ បានថ្លែងថា ក្រសួងទេសចរណ៍ និងអាកាសចរណ៍ស៊ីវិល កំពុងសិក្សាជាមួយធនាគារអភិវឌ្ឍន៍អាស៊ី (ADB) ដោយបានកំណត់រួចហើយនូវផ្ទៃដី ដូចជាផលប៉ះពាល់ក្នុងការពង្រីកព្រលានយន្តហោះខេត្តស្ទឹងត្រែង ហើយក៏បានត្រៀមទីតាំងថ្មីផងដែរ ក្នុងករណីទីតាំងចាស់មានលក្ខណៈតូចចង្អៀត។
នៅក្នុងសន្និសីទសារព័ត៌មានស្ដីពី វឌ្ឍនភាពមូលដ្ឋាន ឃុំ សង្កាត់ និងទិសដៅការងារបន្តរបស់ខេត្តស្ទឹងត្រែង នៅទីស្ដីការគណៈរដ្ឋមន្ត្រី នៅថ្ងៃព្រហស្បតិ៍ទី ២១ ខែមករានេះ លោក អភិបាលរងខេត្តលើកឡើងថា “ក្នុងគោលដៅរយៈពេល០៥ ឆ្នាំខាងមុខទៀតនេះ ក្រសួងទេសចរណ៍ ក៏ដូចជាអាកាសចរស៊ីវិល បាននិងកំពុងសិក្សាជាមួយធនាគារអភិវឌ្ឍន៍អាស៊ី (ADB) ដោយបានកំណត់រួចហើយ ទាំងផ្ទៃដី ក៏ដូចជាផលប៉ះពាល់ក្នុងការពង្រីកព្រលានយន្តហោះនេះ”។
លោកបញ្ជាក់យ៉ាងនេះថា “យើងបានដោះស្រាយមួយជំហានរួចហើយជាមួយប្រជាពលរដ្ឋ ទាក់ទងបញ្ហាទីតាំងព្រលានយន្តហោះនេះ តែទោះបីជាមិនទាន់ដំណើរការក៏ដោយ។ ចំពោះវិស័យទេសចរណ៍នេះ រាជរដ្ឋាភិបាលកម្ពុជាបានអនុញ្ញាតឲ្យក្រសួងទេសចរណ៍ និងអាជ្ញាធរអាកាសចរណ៍ស៊ីវិលកម្ពុជាសិក្សារួចហើយ និងបានរៀបចំផែនទីគោលមួយសម្រាប់ពង្រីកព្រលានយន្តហោះចាស់ដែលមានរួចហើយ”។
បើតាមលោក ដួង ពៅ បន្ទាប់ពីខេត្តមណ្ឌលគីរី ប្រហែលជាខេត្តស្ទឹងត្រែងនេះហើយ ដែលទទួលបានព្រលានយន្តហោះថ្មីនេះ។
លោកថា ខេត្តបានត្រៀមទីតាំងថ្មីសម្រាប់ធ្វើព្រលានយន្តហោះនេះផងដែរ ក្នុងករណីដែលយើងគិតថា ព្រលានយន្តហោះចាស់នេះ មានទីតាំងតូចពេក មិនអំណោយផលដល់ការចុះចតនៃយន្តហោះធុនធំ ដូចជាយន្តហោះដឹកទំនិញ ឬយន្តហោះជាយុទ្ធសាស្ត្រជាដើម។
លោកអះអាងថា អនាគតពិតជាមានព្រលានយន្តហោះនេះ ប៉ុន្តែយើងមិនទាន់ដឹងថា មាននៅពេលណាហើយ នឹងចាប់ផ្ដើមអភិវឌ្ឍនៅពេលណាមួយ ហើយទំហំបានកំណត់រួចហើយ គឺចំនួន៥០០ហិកតា។
ខេត្តស្ទឹងត្រែង ស្ថិតនៅភាគឦសាននៃប្រទេស មានចម្ងាយ៤៥៥គីឡូម៉ែត្រពីរាជធានីភ្នំពេញ មានព្រំប្រទល់ខាងជើងជាប់ខេត្តចាំប៉ាសាក់ និងខេត្តអត្តពឺនៃប្រទេសឡាវ ខាងកើតជាប់ខេត្តរតនគិរី ខាងត្បូងជាប់ខេត្តក្រចេះ និងខេត្តមណ្ឌលគិរី ខាងលិចជាប់នឹងខេត្តព្រះវិហារ និងខេត្តកំពង់ធំ៕
អត្ថបទ៖កោះកែវ
-
ជីវិតកម្សាន្ដ៤ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៦ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ១៣ ម៉ោង ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ជីវិតកម្សាន្ដ១៨ ម៉ោង ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ព័ត៌មានជាតិ៥ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ១៤ ម៉ោង ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ៥ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៥ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល