ព័ត៌មានជាតិ

បសុព្យាបាលខេត្តបាត់ដំបង បន្តចុះចាក់វ៉ាក់សាំងការពារជំងឺសត្វគោក្របី ដល់កសិករតាមបណ្តាស្រុក

បានផុស

៣ years មុន

នៅ

ថ្ងៃសៅរ៍ ២ កញ្ញា ២០២៣

ដោយ

មន្ទីរបសុព្យាបាលសត្វនៃខេត្តបាត់ដំបង បានបន្តចុះតាមបណ្តាស្រុកមួយចំនួនទៀតដើម្បីចាក់វ៉ាក់សាំងការពារលើសត្វ គោ ក្របី ជ្រូក និងសត្វបក្សីផ្សេងទៀតលើជំងឺ ៣ប្រភេទដែលក្នុងនោះមាន សារទឹក អុតក្តាម និងដុំពក។

រយះពេល ៨ ខែដើមឆ្នាំ ២០២៣ មន្ត្រីជំនាញបសុព្យាបាលសត្វខេត្តបាត់ដំបងបានចុះអនុវត្តបានចំនួន ១១ ស្រុករួចមកហើយក្នុងចំណោមទាំង ១៤ ស្រុកក្នុងខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីសុព្យាបាលសត្វខេត្តបាត់ដំបង ក៏បានអំពាវនាវដល់ប្រជាពលរដ្ឋដែលមានចិញ្ចឹមសត្វគោ ក្របី ជ្រូក ចូលរួមសហការជាមួយមន្ត្រី ដើម្បីនាំយកសត្វគោក្របីមកចាក់វ៉ាក់សាំងនៅក្នុងមូលដ្ឋានឲ្យបានគ្រប់ៗគ្នា ចៀសវាងឆ្លងរីករាលដាល។

បើយោងតាមរបាយការណ៍ស្តីពីវិស័យផលិតកម្ម និងបសុព្យាបាល ក្នុងរយះពេល ៨ ខែដើមឆ្នាំ២០២៣ មន្រ្តីជំនាញ បានចុះអនុវត្តបានចំនួន ១១ ស្រុកក្នុងចំណោម ១៤ ស្រុកនៃខេត្តបាត់ដំបងក្នុងនោះរួមមាន÷ ស្រុកបាណន់, ថ្មគោល,រតន:មណ្ឌល, សំឡូត, ភ្នំព្រឹក, សង្កែ, បវេល, សំពៅលូន, កំរៀង, គាស់ក្រឡ និងស្រុករុក្ខគីរី។

ក្នុងស្រុកទាំង ១១ មន្ត្រីជំនាញបានចាក់វ៉ាក់សាំងការពារជំងឺសារទឹកលើសត្វសរុបចំនួន ១.៤០១៤ ក្បាល, ជំងឺអុតក្តាម សរុបចំនួន ៦៨៦៦ ក្បាល, ជំងឺដុំពក សរុបចំនួន ១៧៥៣ក្បាល។ ដើមខែកញ្ញានេះនឹងបន្តចុះលើស្រុកចំនួន ០៣ទៀតគឺ ស្រុកមោងឫស្សី ឯកភ្នំ និងក្រុងបាត់ដំបង។

របាយការណ៍បន្តថា ស្រុកទាំង១១ បើគិតចំនួនសត្វសរុបដែលបានចាក់វ៉ាក់សាំងការពាររួចរាល់រួមមាន÷ សត្វគោសរុបចំនួន ១៩.២៨៨៣ ក្បាល សត្វក្របីចំនួន ២០៣៥ ក្បាល សត្វជ្រូកចំនួន ៨៤ ៨៦៨ ក្បាល និងសត្វបក្សីមានចំនួន ៣២ ៣៩៤៧៣ ក្បាល៕

អត្ថបទ៖ សៅ សារិទ្ធ

Related Topics:ខេត្តបាត់ដំបង