ព័ត៌មានជាតិ
វីដេអូស្តែងៗ ឃាតកម្មស្លាប់ ០៣ នាក់យប់មិញ ជនល្មើសយកកាំភ្លើងបាញ់ស្លាប់បន្តបន្ទាប់
ឃាតកម្មដែលតាមសមត្ថកិច្ចកើតឡើងពីទំនាស់ពាក្យសម្តីតិចតួចរហូតបង្កជាហិង្សាដល់ស្លាប់។ បើតាមរូបភាពបង្ហាញចេញពីកាមេរ៉ា ក្នុងជម្លោះនោះមានការវាយតប់គ្នាទៅវិញទៅមក ពេលនោះជនល្មើសមកពីក្រោយដកកាំភ្លើងបាញ់ប្រហាររហូតដល់ស្លាប់។
ទស្សនាវីដេអូខាងក្រោម៖
ក្នុងហេតុការណ៍បាញ់ប្រហារក្នុងអំឡុងថ្ងៃសែនចូលឆ្នាំចិនកាលពីល្ងាចម្សិលមិញ កើតឡើងនៅចំណុចមុខហាងលក់ទូរស័ព្ទមួយស្ថិតនៅតាមបណ្ដោយផ្លូវបេតុង ក្នុងបុរីប៊ុនហួរ ភូមិព្រៃព្រីងខាងត្បូង សង្កាត់ចោមចៅទី២ ខណ្ឌពោធិ៍សែនជ័យ បានបង្កឲ្យជនរងគ្រោះ ០៣ នាក់ស្លាប់បន្តបន្ទាប់ ពេលបញ្ជូនទៅមន្ទីរពេទ្យ។
ជនរងគ្រោះដែលត្រូវខ្មាន់កាំភ្លើងបាញ់ប្រហារបណ្ដាលឲ្យស្លាប់ទាំង៣នាក់នោះមានឈ្មោះ ទី១ ឈ្មោះ ប៉ូ សូភី ភេទប្រុស អាយុ៤៥ឆ្នាំ មុខរបរលក់ដូរ រស់នៅភូមិម័រ សង្កាត់ដង្កោ ខណ្ឌដង្កោ ទី២ឈ្មោះ សុខ ស៊ីដេត ភេទប្រុស អាយុ៤០ឆ្នាំ មុខរបរលក់ទូរស័ព្ទ ស្នាក់នៅកន្លែងកើតហេតុ ចំណែកទី៣ឈ្មោះ សៀក លឹម ភេទប្រុសអាយុ២៥ឆ្នាំ។
តាមប្រភពព័ត៌មានពីស្ត្រីម្នាក់នៅក្បែរកន្លែងកើតហេតុ បានប្រាប់ឲ្យដឹងថា មុនកើតហេតុមានបុរសម្នាក់បើករថយន្តមកឈប់ចតមួយភ្លែតនៅមុខផ្ទះដើម្បីដាក់កូននៅក្បែរកន្លែងកើតហេតុ បន្ទាប់មកក៏មានបុរសម្នាក់ទៀត បើកម៉ូតូកង់បីឥណ្ឌាមកពីក្រោយរួចស៊ីផ្លេ ដាក់រថយន្តឲ្យអែប ខណៈផ្លូវកំពុងមានការកកស្ទះ រួចក៏មានជម្លោះពាក្យសម្ដីដាក់គ្នាមួយប្រាវ ហើយអ្នកបើកម៉ូតូកង់បីក៏បើកចេញទៅបាត់។
លុះមួយសន្ទុះក្រោយមក អ្នកបើកម៉ូតូកង់បី បានត្រឡប់វិញម្ដងទៀតជាមួយបក្ខពួក ជិះម៉ូតូជាច្រើនគ្រឿង និងកើតជម្លោះពាក្យសម្ដីបន្ថែមទៀត រួចអ្នករត់កង់បីនោះ បានស្ទុះយកកាំភ្លើង ពីបក្ខពួកបាញ់ប្រហារលើជនរងគ្រោះ៣នាក់ បណ្ដាលឲ្យស្លាប់នៅកន្លែងកើតហេតុម្នាក់ និង២នាក់ទៀតស្លាប់ពេលបញ្ជូនដល់មន្ទីរពេទ្យ។
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង