ព័ត៌មានអន្ដរជាតិ

កូនក្រមុំត្រូវឃាតកបាញ់សម្លាប់ក្នុងពិធីមង្គលការមួយនៅប្រទេសបារាំង

បានផុស

១ year មុន

នៅ

ថ្ងៃចន្ទ ២៣ មិថុនា ២០២៥

ដោយ

សោកនាដកម្មបានកើតឡើងលើពិធីមង្គលការមួយនៅក្នុងសហគមន៍ Goult ក្នុងតំបន់ Provence ភាគអាគ្នេយ៍ប្រទេសបារាំង ដោយខ្មាន់កាំភ្លើងពាក់ស្រោមមុខជាច្រើននាក់ បើកការបាញ់ប្រហារកាលពីព្រឹកថ្ងៃអាទិត្យ សម្លាប់កូនក្រមុំអាយុ ២៧ ឆ្នាំ និងមនុស្សជាច្រើននាក់ទៀតរងរបួស។ នេះបើយោងតាមការចេញផ្សាយរបស់សារព័ត៌មាន BBC នៅថ្ងៃទី២៣ខែមិថុនានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កូនកំលោះអាយុ ២៥ឆ្នាំ និងកូនក្មេងអាយុ ១៣ ឆ្នាំម្នាក់បានរងរបួសយ៉ាងធ្ងន់ធ្ងរ ហើយខ្មាន់កាំភ្លើងម្នាក់ក៏ត្រូវបានសម្លាប់នៅក្នុងការបាញ់ប្រហារផងដែរ ខណៈនៅពេលនោះមានមនុស្ស ២៨នាក់នៅក្នុងពិធីមង្គលការ។

ប៉ូលិសគិតថា ការវាយប្រហារនេះអាចទាក់ទងនឹងបញ្ហាគ្រឿងញៀន។ ចំណែកអ្នកវាយប្រហារផ្សេងទៀតបានរត់គេចខ្លួនដោយថ្មើរជើង ហើយប៉ូលិសកំពុងតាមរកពួកគេនៅឡើយ។

អាជ្ញាធរ និងប្រជាជនក្នុងតំបន់មានការតក់ស្លុត និងព្រួយបារម្ភថា ការបាញ់ប្រហារនេះអាចធ្វើឲ្យសហគមន៍ដ៏ស្ងប់ស្ងាត់មានប្រជាជនប្រហែល ១,០០០ នាក់ នេះខូចឈ្មោះ។ នៅពេលនេះប៉ូលិសបានចាប់ផ្តើមការស៊ើបអង្កេតដោយហៅករណីនេះថាជាករណីឃាតកម្ម និងប៉ុនប៉ងមនុស្សឃាត៕