សន្តិសុខសង្គម

ព្រហ្មទណ្ឌខេត្ត កំពុងស្រាវជ្រាវករណីប្រទះឃើញសពបុរសម្នាក់ នៅស្រុកពញាក្រែក

បានផុស

១ year មុន

នៅ

ថ្ងៃចន្ទ ៧ មេសា ២០២៥

ដោយ

សពបុរសម្នាក់ ត្រូវបានប្រទះឃើញនៅលើផ្លូវក្រាលក្រួសក្រហម ស្ថិតក្នុងភូមិត្រពាំងផ្លុងទី ២ ឃុំត្រពាំងផ្លុង ស្រុកពញាក្រែក ខេត្តត្បូងឃ្មុំ កាលពីព្រឹកថ្ងៃទី ០៦ ខែមេសា ឆ្នាំ ២០២៥ ម្សិលមិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សពជនរងគ្រោះមិនទាន់ស្គាល់អត្តសញ្ញាណ មានស្នាមរបួសត្រង់ក្បាលផ្នែកខាងឆ្វេង ស្លៀកខោខោវប៊យ ពណ៌ខៀវ ពាក់អាវសាច់ក្រណាត់ដៃខ្លីផ្កា ពណ៌ប្រផេះ មានកម្ពស់ ១.៧០ ម៉ែត្រ សម្បុរស្រអែម។ ចំណែកជនល្មើសមិនត្រូវបានស្គាល់អត្តសញ្ញាណនោះទេ មានគ្នាប្រមាណ ៣ ទៅ ៤ នាក់។

តាមដំណើររឿងនៅវេលាខាងលើ ប៉ុស្តិ៍នគរបាលរដ្ឋបាលត្រពាំងផ្លុង បានទទួលព័ត៌មានពីលោកមេភូមិត្រពាំងផ្លុងទី ២ ឃុំត្រពាំងផ្លុង រាយការណ៍មកថា មានប្រជាពលរដ្ឋប្រទះឃើញសាកសព មនុស្សប្រុស ១ នាក់ ជនជាតិខ្មែរ ស្លាប់នៅលើផ្លូវលំក្រាលក្រួសក្រហម ចំណុចស្ពានអន្លង់ផ្លុង ស្ថិតនៅភូមិត្រពាំងផ្លុង ២ ឃុំត្រពាំងផ្លុង ស្រុកពញាក្រែក ខេត្តត្បូងឃ្មុំ។

បន្ទាប់ពីពិនិត្យសាកសពរួច សមត្ថកិច្ចបានសន្និដ្ឋានថា ជាករណីឃាតកម្មនៅទីតាំងផ្សេងយកមកទម្លាក់ចោលនៅទីនេះ។ បច្ចុប្បន្ន សពជនរងគ្រោះ បានតម្កល់ទុកនៅកន្លែងរក្សាសព នៃមន្ទីរពេទ្យបង្អែកស្រុកពញាក្រែក ដើម្បីប្រកាសរកសាច់ញាតិ និងបំពេញសំណុំរឿងតាមនីតិវិធី៕

អត្ថបទ ៖ សាន វិឡែម