Connect with us

ព័ត៌មានជាតិ

ពោតល័ក្ខណ៍ប្រចាំភូមិសាមឃួយ ស្រុកសេសាន នឹងដាក់បញ្ចូលជាភូមិមួយផលិតផលមួយ

បានផុស

នៅ

ពោតលក្ខ័ណ៍ប្រចាំភូមិសាមឃួយត្រូវបានអាជ្ញាធរស្រុកសេសាន ខេត្តស្ទឹងត្រែង ចាត់ទុកថា ​កសិករដាំពោត​ព៌ណស្វាយ (ហៅថាពោតល័ក្ខណ៍) ទៅតាមបច្ចេកទេសកសិកម្មទទួលផលបានល្អ ពិត​ជា​ធ្វើឱ្យសម្រេចគោលដៅថ្មីមួយទៀត សម្រាប់គណៈ​កម្មការថ្នាក់ស្រុក ដាក់បញ្ចូល​ទៅក្នុង​ផែនការបង្កើត ធ្វើជាភូមិមួយមានផលិតផលមួយប្រចាំភូមិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សុវណ្ណ ពិសេដ្ឋ អភិបាលស្រុកបានបញ្ជាក់ថា៖ ដំណាំកសិកម្មមួយប្រភេទនេះ ពិតជា​មានសក្តានុពលទាក់ទាញទីផ្សារ និងមានកេរ្តិ៍ឈ្មោះល្អ ដែលកើតចេញពីការ​ឧស្សាហ៍​ព្យាយាម ​និងភាពច្នៃប្រឌិត ហើយបានធ្វើជាគំរូមួយ សម្រាប់បង្ហាញទៅដល់កសិករផ្សេងៗទៀតឱ្យនាំ​គ្នាប្រឹងប្រែងរួមគ្នាដាំដុះយកផលពីវិស័យកសិកម្ម។ 

លោកបញ្ជាក់ថា៖ គុណប្រយោជន៍នេះសូមឱ្យប្រជាកសិករយើង ដែលមានដី​នៅជិត​ប្រភព​ទឹកសូមកែប្រែស្ថានភាពដីទំនេរមកដាំបន្លែ ឬពោតព្រោះវាផ្តល់ប្រាក់ចំណូល​សម្រាប់ជួយ​លើកស្ទួយជីវភាពរស់នៅ លោកក៏សំណូមពរឱ្យកសិករផ្សេងទៀតមករៀនសូត្រពីកន្លែង​ប្អូន​ស្រី និងអ្នកមីងដែលគាត់ដាំពោតនេះ ដើម្បីចែករំលែកបទពិសោធន៍គ្នា និងដាំបណ្ដាក់គ្នា ដើម្បីឱ្យប្រជាពលរដ្ឋ ឬភ្ញៀវទេសចរដែលឆ្លងកាត់ទិញបានគ្រប់រដូវកាល ទី២ទៀតសូម​ប្រយ័ត្ន​ប្រយ៉ែងក្នុងការប្រើប្រាស់ជី សូមឱ្យប្រើជីកំប៉ុស ជីធម្មជាតិឬ ជីលាមកសត្វ ដើម្បី​កែច្នៃ​របស់របរទាំងអស់នោះ យើងដាំដុះបានជា​ពោតមានរសជាតិឆ្ងាញ់ មិនប៉ះ​ពាល់​សុខភាព។

កញ្ញា វាសនា វីឡា កំពុងប្រមូលផលពោត នៅភូមិសាមឃួយ ឃុំសាមឃួយបានទទួលស្គាល់​ថា៖​ ពោតល័ក្ខណ៍ពិតជាមានភាពទាក់ទាញអតិថិជនឱ្យចង់ទិញ ព្រោះវាមានព៌ណសម្បុរល្អរសជាតិក៏ឆ្ងាញ់មិនចាញ់ពោតផ្សេងៗទៀតនោះទេ។

កញ្ញាបន្តថា៖ បច្ចុប្បន្នពោតមួយប្រភេទនេះប្រជាពលរដ្ឋក៏ដូចភ្ញៀវទេចរចូលចិត្តបរិភោគ ព្រោះមានការបញ្ជាទិញច្រើន ក្នុង​មួយថ្ងៃលក់បានចាប់ពី២រយទៅ៣រយផ្លែ ហើយការដាំនេះមានរយៈពេលពីរខែ ១០ ថ្ងៃ អ្នកភូមិ និងអ្នកខេត្តគាត់ចូលចិត្តហូប ហើយស្នើឲ្យដាំឲ្យច្រើន និងបង្កើនការដាំដុះបន្ថែម ដើម្បីបានផលច្រើនព្រោះយើងដាំលក់ បេះមួយថ្ងៃ ២០០ ទៅ ៣០០ផ្លែ ហើយលក់ក្នុងមួយផ្លែមួយ ១.០០០ រៀល អត់ទាន់ស្ងោរ ក៏តម្លៃ ១.០០០ ដូចគ្នា គេថាតម្លៃហ្នឹងអាចទទួលយកបាន។

លោក ទុំ នីរ៉ូ ប្រធានមន្ទីរកសិកម្មរុក្ខាប្រមាញ់ និងនេសាទខេត្តស្ទឹងត្រែងបានគាំទ្រដល់ការអនុវត្តជាក់ស្តែងនេះ ព្រោះកសិករយើងមានចំណេះដឹងល្អ ហើយអាចចែករំលែកបទពិសោធន៍ទៅគ្រួសារផ្សេងទៀតបាន ដើម្បីរួមគ្នាដាំដុះដំណាំគ្រប់ប្រភេទ សម្រាប់លក់ដូរនៅតាមមូលដ្ឋានបង្កើនជីវភាពរស់នៅប្រចាំថ្ងៃ។

សូមបញ្ជាក់ថា៖ ដំណាំពោតបច្ចុប្បន្នកសិករនៅចំណុចខេក្នុងភូមិខាំផាន់ សង្កាត់សាមគ្គី ប្រមាណជាង៣០គ្រួសារកំពុងដាំពោតស វិលជុំទទួលបានលទ្ធផលល្អជាងគេ ហើយកសិករនៅឃុំសាមឃួយបានដាំពោតពណ៌ស្វាយ ហៅ​ពោត​ល័ក្ខណ៍​មានរយៈពេល២ឆ្នាំមកហើយ ដើម្បីប្រកួតប្រជែងទីផ្សារ និងធ្វើឱ្យសម្រេចផែនការរបស់គណៈកម្មាធិការថ្នាក់ខេត្តឈានទៅបង្កើតភូមិមួយផលិតផលមួយ៕

អត្ថបទ៖ ងិនលីម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៦ ថ្ងៃ មុន

ចាប់បានឃាតករំលោភសម្លាប់ស្ត្រីពោះធំ ៥ ខែ ប្លន់យកម៉ូតូ និងទូរស័ព្ទ រួចដុតសាកសពចោលក្នុងព្រៃ នៅខេត្តកណ្ដាល

ព័ត៌មានជាតិ៧ ថ្ងៃ មុន

ទោះរមណីយដ្ឋានអន្លង់ផ្សោតព្រះរំកិលលែងមានសត្វផ្សោត តែភ្ញៀវទេសចរអាចទៅទស្សនាឆ្អឹងផ្សោតបាន

ជីវិតកម្សាន្ដ៥ ថ្ងៃ មុន

សណ្ឋាគារ Novotel បង្ហាញខ្លួនលើកដំបូងនៅកម្ពុជា ចាប់បើកដំណើរការនៅថ្ងៃទី៩ ខែកុម្ភៈ ឆ្នាំ២០២៤​ ខាងមុខ លើឆ្នេរឯករាជ្យ ក្រុងព្រះសីហនុ

កីឡា១ ថ្ងៃ មុន

អនុប្រធានគុនខ្មែរប្រកាសធ្វើសន្និសីទឆាប់ៗពីជំនួប ធន់ រិទ្ធី-សៃយុគ

ចរាចរណ៍២ ម៉ោង មុន

ព័ត៌មានបឋម៖ រថយន្ត​ Alphard ក្រឡាប់ផ្ងារជើងលើផ្លូវល្បឿនលឿនរងរបួស និងស្លាប់ច្រើននាក់

Sokha Hotels

ព័ត៌មានពេញនិយម