ព័ត៌មានជាតិ
ផ្លូវយុទ្ធសាស្រ្តពីរខ្សែនៅខេត្តស្ទឹងត្រែង កំពុងពិនិត្យសិក្សាលើកកម្ពស់ជាផ្លូវកៅស៊ូ
ផ្លូវយុទ្ធសាស្រ្តចំនួនពីរខ្សែនៅខេត្តស្ទឹងត្រែង ត្រូវបានមន្ទីរសាធារណការនិងដឹកជញ្ជូនខេត្តកំពុងដាក់សំណើដើម្បីលើកកម្រិតគុណភាពជាផ្លូវកៅស៊ូ ដោយប្រើប្រាស់ថវិកាអភិវឌ្ឍភូមិភាគឦសានរបស់រាជរដ្ឋាភិបាល។
លោក សរ គឹមណាត ប្រធានមន្ទីរសាធារណការនិងដឹកជញ្ជូនខេត្តស្ទឹងត្រែងបានឲ្យកម្ពុជាថ្មីដឹងថា ខណៈកំណាត់ផ្លូវជាតិលេខ ៧ ពីស្ពានសេកុងដល់ច្រកទ្វារអន្តរជាតិត្រពាំងក្រៀលខេត្តស្ទឹងត្រែង ដែលមានប្រវែង ៥៨ គីឡូម៉ែត្រ បានសាងសង់រួចរាល់ ១០០% នៅមានផ្លូវយុទ្ធសាស្ត្រចំនួនពីរទៀតស្ថិតនៅក្នុងគម្រោងស្ថាបនា ក្នុងនោះមានផ្លូវជាតិលេខ ៧៨C ពីដុងក្រឡទៅស្រុកសៀមប៉ាងដែលមានប្រវែង ៤៥ គីឡូម៉ែត្រ និងផ្លូវលេខ ៩២ ទៅទឹកធ្លាក់សុភមិត្រប្រវែង ២៧ គីឡូម៉ែត្រ។
កំណាត់ផ្លូវជាតិលេខ ៧ (រូបឯកសារ)
បើតាមលោក សរ គឹមណាត ផ្លូវយុទ្ធសាស្រ្តទាំងពីរខ្សែនេះ មន្ទីរគ្រោងលើកសំណើដើម្បីលើកកម្រិតជាផ្លូវកៅស៊ូដោយប្រើប្រាស់មូលនិធិអភិវឌ្ឍភូមិភាគឦសាន។ តាមរយៈគម្រោងផ្លូវនេះនៅពេលស្ថាបនារូចរាល់ នឹងរួមចំណែកជួយជំរុញដល់ការអភិវឌ្ឍសេដ្ឋកិច្ចខេត្តនៅភូមិភាគឦសាន និងលើកកម្ពស់ជីវភាពពលរដ្ឋនៅក្នុងមូលដ្ឋានឲ្យកាន់តែល្អប្រសើរឡើង។
ខេត្តស្ទឹងត្រែងមានចម្ងាយ ៤៥៥ គីឡូម៉ែត ពីរាជធានីភ្នំពេញ។ ខេត្តមានផ្លូវជាតិសំខាន់ៗឆ្លងកាត់ចំនួន ៣ ខ្សែ មានផ្លូវជាតិលេខ ៧ ពីព្រំប្រទល់ខេត្តក្រចេះដល់ច្រកទ្វារអន្តរជាតិត្រពាំងក្រៀលដែលមានប្រវែង ៨៦,៦ គីឡូម៉ែត្រ ផ្លូវជាតិលេខ ៩ ពីព្រំប្រទល់ខេត្តព្រះវិហារដល់ក្រុងស្ទឹងត្រែងប្រវែង ៧២,៩ គីឡូម៉ែត្រ និងផ្លូវជាតិលេខ ៧៨ ចាប់ពីអូរពង់មាន់ក្រុងស្ទឹងត្រែងដល់ស្ពានស្រែពក ខេត្តរតនគិរីមានប្រវែង ៦៥ គីឡូម៉ែត្រ។
កន្លងទៅកំណាត់ផ្លូវជាតិលេខ ៧ ចាប់ពីស្ពានសេកុងទៅច្រកទ្វារអន្តរជាតិត្រពាំងក្រៀល បានរងការខូចខាតជាច្រើនឆ្នាំ បង្កការលំបាកដល់ការធ្វើដំណើរ។
ដោយសារមើលឃើញពីសារសំខាន់ និងការខូចខាតនៃកំណាត់ផ្លូវជាតិដ៏មានសក្ដានុពលនេះ សម្តេចធិបតីនាយករដ្ឋមន្ត្រីបានទម្លាក់ថវិកាឲ្យកងវិស្វកម្មជួសជុលឡើងវិញ ដោយក្រាលកៅស៊ូពីរស្រទាប់ DBST និងពង្រីកទទឹងរហូតដល់ ១០ ម៉ែត្រ។
បើតាមប្រធានមន្ទីរសាធារណការនិងដឹកជញ្ជូនខេត្តស្ទឹងត្រែង កំណាត់ផ្លូវជាតិលេខ ៧ ដែលបានស្ថាបនារួចរាល់នេះ ដំបូងឡើយគ្រោងប្រើប្រាស់ថវិការបស់រដ្ឋាភិបាលចិន ដើម្បីលើកកម្រិតទៅជាបេតុងកៅស៊ូ (AC) ចាប់ពីព្រំប្រទល់ខេត្តក្រចេះរហូតដល់ច្រកត្រពាំងក្រៀលជាមួយឡាវ ប៉ុន្តែដោយមិនចង់រង់ចាំយូរ រដ្ឋាភិបាលបានទម្លាក់ថវិកាដើម្បីជួសជុលបណ្ដោះអាសន្ន ដើម្បីសម្រួលការធ្វើដំណើររបស់ពលរដ្ឋ។
លោក សរ គឹមណាត បានអះអាងថា ក្រោយលើកកម្ពស់គុណភាពបានល្អប្រសើរឡើងវិញ ឃើញថាចរាចរណ៍ដឹកទំនិញនិងការធ្វើដំណើរមានកំណើនជាង ៦០% ខណៈមុនការជួសជុលស្ថាបនាឡើងវិញដែលផ្លូវរងការខូចខាតជាច្រើនឆ្នាំស្ទើរតែគ្មានលំហូរអ្នកដំណើរទាល់តែសោះ៕
ស្មាត់មកពី អាស៊ី Ishikawa ជួយឱ្យក្លិបអ៊ីតាលី Perugia ឈ្នះជើងឯក CEV Champions League
លោក នេត្រ ភក្ត្រា ៖ ការដាក់ចេញផែនការបណ្តុះបណ្តាលធនធានមនុស្សជំនាញក្នុងវិស័យព័ត៌មាន ស្របតាមការវិវឌ្ឍនៃបច្ចេកវិទ្យា
រថយន្តបុកម៉ូតូសណ្តោង រួចទៅបុករថយន្តមួយទៀត បណ្តាលឱ្យស្លាប់២នាក់និងរបួសធ្ងន់ ស្រាល១១នាក់
ប្រធានសហព័ន្ធកីឡាបាញ់កាំភ្លើង កីឡាមួយនេះត្រូវការអត់ធ្មត់ខ្ពស់ ដៃហ្នឹង ភ្នែកច្បាស់
ស្នងការនគរបាលខេត្តសៀមរាប បញ្ជាឱ្យកម្លាំងចាត់វិធានការច្បាប់ចំពោះយានយន្តដែលដឹកសំពីងសំពោងលើសចំណុះ
ស្នងការរាជធានី ប្រកាសតែងតាំងលោកវរសេនីយ៍ទោ ប៉ាង សាវឿន ឲ្យគ្រប់គ្រងការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ
រថយន្តបុកម៉ូតូសណ្តោង រួចទៅបុករថយន្តមួយទៀត បណ្តាលឱ្យស្លាប់២នាក់និងរបួសធ្ងន់ ស្រាល១១នាក់
Update ៖ ករណីនារីម្នាក់ ធ្លាក់ពីលើអគារនៅខណ្ឌចំការមន
អាមេរិក បញ្ជូនដ្រូនឈ្លបយកការណ៍ទៅសមុទ្រខ្មៅជាថ្មី ក្រោយកិច្ចប្រជុំរុស្ស៊ី-អ៊ុយក្រែន គ្មានបានផល
អាជ្ញាធរចិនប្រកាសអាសន្នគ្រោះមហន្តរាយ ក្រោយភ្លៀងធ្លាក់ខ្លាំងឆក់យកជីវិតមនុស្ស៥នាក់
-
ចរាចរណ៍២ ថ្ងៃ agoស្នងការខេត្តប៉ៃលិន បំភ្លឺជុំវិញករណីគ្រោះថ្នាក់ចរាចណ៍បណ្តាលឱ្យស្លាប់ភាគីជិះម៉ូតូ
-
សន្តិសុខសង្គម៦ ម៉ោង agoស្នងការរាជធានី ប្រកាសតែងតាំងលោកវរសេនីយ៍ទោ ប៉ាង សាវឿន ឲ្យគ្រប់គ្រងការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ
-
ចរាចរណ៍៤ ថ្ងៃ agoUpdate៖ អ្នកបង្កគ្រោះថ្នាក់បុករះនៅមុខក្រសួងមហាផ្ទៃ ជានាយការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ នៃស្នងការដ្ឋាននគរបាលរាជធានីភ្នំពេញ
-
ចរាចរណ៍៤ ថ្ងៃ agoUpdate៖ អ្នកបើករថយន្ដបុករះនៅមុខក្រសួងមហាផ្ទៃ ស្ថិតក្រោមជាតិអាល់កុល 0,35mg/L
-
សន្តិសុខសង្គម៥ ថ្ងៃ agoឃាត់ខ្លួនប្រធានផ្សារទួលពង្រ និងបក្ខពួក ពាក់ព័ន្ធករណីដើរយកភាស៊ីពីអាជីវករលក់ដូរតាមរ៉ឺម៉កម៉ូតូ
-
ព័ត៌មានជាតិ១ សប្តាហ៍ agoរតនគិរី៖ ជនជាតិដើមភាគតិច ស្នើរដ្ឋាភិបាលសាងសង់ស្ពានឆ្លងកាត់ទន្លេសម្រួលដល់ការធ្វើដំណើរ
-
ព័ត៌មានជាតិ១ ថ្ងៃ agoមន្ត្រីសុខាភិបាល អំពាវនាវឱ្យពលរដ្ឋចាក់វ៉ាក់សាំង Pfizer ដើម្បីការពារវីរុសបំប្លែងថ្មី JN.1
-
កីឡា៣ ថ្ងៃ agoលោក អេ ភូថង ប្រាប់ថា មិនដឹងរឿងផ្ទាល់ខ្លួនរបស់ ធឿន ធារ៉ា ខណៈបែកធ្លាយវីដេអូជក់បារីអេឡិចត្រូនិក