ព័ត៌មានជាតិ
បង្ក្រាបទីតាំងស្តុបធ្នង់នៅស្រុកអង្គរជុំ ខេត្តសៀមរាប ដែលលោតឆ័ត្រពីស្រុកអង្លង់វែង
កម្លាំងរដ្ឋបាលព្រៃឈើខេត្តសៀមរាប ចុះបង្ក្រាបករណីស្តុបឈើធ្នង់អារ (ប្រណិត) ល្មើសច្បាប់មួយកន្លែង និងរឹបអូសឈើបាន១គោយន្តកន្ត្រៃ។ តែករណីនេះត្រូវក្រុមឈ្មួញរំដោះឈើចេញអស់មួយចំនួន ដោយសារសមត្ថកិច្ចមកយឺត។
ប្រតិបត្តិការបង្ក្រាបនេះធ្វើឡើងនៅ១៤និង២០នាទី ថ្ងៃទី២០ ខែកុម្ភៈ ឆ្នាំ២០២១ ស្ថិតនៅភូមិដូនឯម ឃុំគោកដូង ស្រុកអង្គរជុំ ខេត្តសៀមរាប។
ប្រភពបានឱ្យដឹងថា កាលពីថ្ងៃទី១៩ ខែកុម្ភៈ ឆ្នាំ២០២១ មានអ្នកសារព័ត៌មានមួយក្រុមបានប្រទះឃើញទីតាំងស្តុបឈើធ្នង់អាររួចប្រមាណជាជិត៥ម៉ែត្រគូបដែលក្រុមឈ្មួញដឹកតាមរថយន្តកាមរី៩៥កែច្នៃ យកស្តុបទុកនៅទីតាំងខាងលើ រួចគេដឹកយកមកចែកចាយនៅស្រុកក្រឡាញ់ និងស្រុកពួក។
ប្រភពបន្តថា ក្រុមឈ្មួញជាច្រើននាក់បានសម្រុកដឹកឈើប្រណិតចេញតាមផ្លូវថ្មីពីស្រុកអន្លង់វែង ឆ្ពោះមកស្រុកវ៉ារិន រួចដឹកយកមកចែកចាយនៅស្រុកក្រឡាញ់ និងស្រុកពួក។ ប្រភពបន្ថែមថា បន្ទាប់ពីបានប្រទះឃើញការដឹកជញ្ជូនឈើ ក្រុមអ្នកកាសែតក៏បានរាយការណ៍ទៅកម្លាំងរដ្ឋបាលព្រៃឈើខេត្តសៀមរាប កាលពីថ្ងៃទី១៩ ខែកុម្ភៈ ឆ្នាំ២០២១ ក៏ត្រូវបានក្រុមឈ្មួញដឹកជញ្ជូនគេចអស់មួយចំនួនធំ។ ទើបនៅរសៀលថ្ងៃទី២០ ខែឆ្នាំដដែល ក៏ត្រូវបានកម្លាំងសង្កាត់រដ្ឋបាលព្រៃឈើពួកនិងសង្កាត់រដ្ឋបាលព្រៃឈើអង្គរជុំ ដឹកនាំដោយលោក ស៊ុំ ធន់សុវទ្ធរិទ្ធ នាយផ្នែករដ្ឋបាលព្រៃឈើក្រឡាញ់ បានចុះបង្រ្កាបទីតាំង សន្និធិ ឈើអារ ប្រណិត ធ្នង់ មួយកន្លែង ដែលគ្មានច្បាប់អនុញ្ញាតិស្ថិតនៅទីតាំងនោះតែម្តង។
បើតាមសមត្ថកិច្ចជំនាញរដ្ឋបាលព្រៃឈើខេត្តសៀមរាប បានឱ្យដឹងថា ឈើធ្នង់ដែលបង្ក្រាបបាននោះមានចំនួន១១២ដុំ ស្មើ០,៧២០ម៉ែត្រគូប ហើយត្រូវបានដឹកយកទៅរក្សាទុកនៅផ្នែករដ្ឋបាលព្រៃក្រឡាញ់ដែលមានទីតាំងនៅស្រុកពួក ដើម្បីរង់ចាំដោះស្រាយតាមផ្លុវច្បាប់។
គេសង្គេតឃើញថា សកម្មភាពដឹកជញ្ជូនឈើនៅក្នុងខេត្តសៀមរាប កំពុងមានភាពផុសផុលឡើងវិញគួរឲ្យព្រួយបារម្ម។ ដូច្នេះគេសង្ឃឹមថា ថ្នាក់ដឹកនាំខេត្តក៏ដូចជាថ្នាក់ដឹកនាំក្រសួងសាម៉ី នឹងមានវិធានការដើម្បីឱ្យព្រៃឈើនៅគង់វង្ស៕
អត្ថបទ៖ កុសល
សូមអានព័ត៌មានពាក់ពន្ធ៖ នគរបាលសេដ្ឋកិច្ចខេត្តសៀមរាប បង្ក្រាបរថយន្តសាំយ៉ុងដឹកឈើប្រគល់ឲ្យមេព្រៃថែរក្សាបន្ត
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ