ព័ត៌មានជាតិ
ផ្ទុះកូវីដក្នុងរោងការពីរកន្លែង សង្ស័យមានអ្នកពាក់ព័ន្ធរាប់ពាន់នាក់
ពិធីមង្គលការពីរកន្លែង បានផ្ទុះករណីឆ្លងកូវីដ អាចពាក់ព័ន្ធរាប់ពាន់នាក់ទាំងប្រយោល និងផ្ទាល់។
ពិធីមង្គលការមួយនៅខេត្តព្រៃវែងកាលពីថ្ងៃ ១៧ កុម្ភៈ ២០២១ ពាក់ព័ន្ធស្រ្តីម្នាក់ដែលបានឆ្លងកូវីដ ១៩ ដែលបានមកចូលរួម។
ស្រ្តីរូបនោះមានតួនាទីជាមន្រ្តីនគរបាល មានវ័យ ៣៥ ឆ្នាំ ត្រូវបានប្រកាសមានវិជ្ជមានកូវីដ១៩ នៅថ្ងៃទី២១ ខែកុម្ភៈ ឆ្នាំ២០២១។ កាលពីថ្ងៃ ១៧ កុម្ភៈ ២០២១ ស្រ្តីរងគ្រោះបានទៅចូលរួមពិធីមង្គលការមួយស្ថិតក្នុងភូមិទួលសង្កែទទឹង ឃុំជាច ស្រុកកំចាយមារ ខេត្តព្រៃវែង ដោយមានមនុស្សរាប់រយនាក់ចូលរួម រួមទាំងគ្រូបង្រៀនផងដែរ។
ក្នុងពិធីមង្គលការមានភ្ញៀវចូលរួមជាង ៨០០ នាក់។
តាមការបញ្ជាក់ពីអាជ្ញាធរខេត្តព្រៃវែង អ្នកភូមិដែលពាក់ព័ន្ធស្រ្តីឆ្លងកូវីដដែលចូលរួមពិធីមង្គលការមកដល់ពេលនេះលទ្ធផលអវិជ្ជមានទាំងអស់។
លោក ចាន់ ថា អភិបាលរងខេត្តព្រៃវែងបានបញ្ជាក់ថា ការស្រាវជ្រាវរកឃើញអ្នកពាក់ព័ន្ធចំនួន ៨៦ នាក់ បញ្ជូនទៅធ្វើចត្តាឡីស័ក និងតេស្តរកកូវីដ១៩។ ពួកគេទាំងអស់សុទ្ធតែមានសុខភាពល្អ មិនទាន់បញ្ហាអីគួរឲ្យព្រួយបារម្ភទេ។
ដោយឡែកកាលពីម្សិលមិញនេះ អាជ្ញាធរខេត្តកំពង់ចាមក៏ប្រកាសមានបុរសជនជាតិខ្មែរ រស់នៅសង្កាត់ទួលសង្កែ ខណ្ឌឬស្សីកែវ រាជធានីភ្នំពេញ មានផ្ទុកជំងឺកូវីដ១៩ បានចូលរួមពិធីមង្គលការក្មួយ នៅភូមិកោះតូច ឃុំពាមជីកង ស្រុកកងមាស ខេត្តកំពង់ចាម។
បុរសរងគ្រោះបានទៅចូលរួមមង្គលការក្មួយនៅថ្ងៃ ២១ កុម្ភៈ ឆ្នាំ២០២១ និងតេស្តវិជ្ជមាននៅថ្ងៃ ២៦ កុម្ភៈ។
រដ្ឋបាលខេត្តកំពង់ចាមបានចុះស្រាវជ្រាវ កំណត់មុខសញ្ញាពាក់ព័ន្ធនឹងព្រិត្តិការណ៍នេះរួមមាន៖
១. ឪពុក-ម្តាយកូនក្រមុំ ដែលបានវិលត្រឡប់ទៅរាជធានីភ្នំពេញនេះ មានលំនៅស្នាក់នៅម្តុំក្រោយមន្ទីរពេទ្យកាល់ម៉ែត។
២. ឪពុក-ម្តាយកូនកំលោះបានវិលត្រឡប់ទៅស្រុកវិញ នៅភូមិត្រពាំងល្បើក ឃុំក្រាំងស្បូវ ស្រុកឈូក ខេត្តកំពត។
៣. កូនកំលោះក្រមុំ និងអ្នកកំដរបានត្រឡប់ទៅភ្នំពេញវិញ។
៤. អ្នករួមតុជាមួយផ្ទាល់៖ មានក្រុមអ្នកសំអាងការ និងអ្នកថតរូប រស់នៅភូមិព្រៃទទឹង និងភូមិវាលស្បូវ ឃុំឬស្សីស្រុក ស្រុកស្រីសន្ធរ ព្រមទាំងប្រជាពលរដ្ឋ ២ នាក់ផ្សេងទៀត រស់នៅភូមិដំណាក់ជ្រៃ ឃុំពាមជីកង ស្រុកកងមាស។
៥. ចុងភៅអ្នកលើកម្ហូប មេចុងភៅ រស់នៅភូមិត្រើយបឹង ឃុំឬស្សីស្រុក ស្រុកស្រីសន្ធរ។
រដ្ឋបាលខេត្តកំពង់ចាម បានអំពាវនាវដល់អ្នកដែលបានចូលរួមក្នុងមង្គលការ និងអ្នកពាក់ព័ន្ធនៅស្រុកកងមាស ទៅពិនិត្យសុខភាព និងយកសំណាក នៅទីតាំងដែលមន្ទីរពេទ្យសុខាភិបាល ខេត្តបានរៀបចំ នៅភូមិកោះតូច ឃុំពាមជីកង ស្រុកកងមាស។
ចំពោះស្រុកស្រីសន្ធរ នៅមណ្ឌលសុខភាពស្វាយខ្សាច់ភ្នំ នៅភូមិស្វាយកណ្តាល ឃុំស្វាយខ្សាច់ភ្នំ ស្រុកស្រីសន្ធរ។ ដោយឡែកចំពោះបងប្អូនមិនស្ថិតនៅស្រុកទាំងពីរខាងលើ សូមទៅពិនិត្យសុខភាព និងយកសំណាកនៅតាមមណ្ឌលសុខភាព នៅជិតកន្លែងបងប្អូនស្នាក់នៅ ឬរាយការណ៍ទៅអាជ្ញាធរមូលដ្ឋានជាបន្ទាន់៕
អត្ថបទ៖ ប៊ុណ្ណារ៉ា
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១០ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)