ព័ត៌មានជាតិ

ការិយាល័យអប់រំ យុវជន និងកីឡាស្រុកពួក ប្រកាសឲ្យបើកដំណើរការសាលាទាំង១៩ ដែលបានផ្អាកជាបណ្តោះអាសន្ន

បានផុស

៥ years មុន

នៅ

ថ្ងៃព្រហស្បតិ៍ ១១ មីនា ២០២១

ដោយ

សៀមរាប ៖ តាមសេចក្ដីជូនដំណឹងការិយាល័យអប់រំ យុវជន និងកីឡាស្រុកពួក ចុះថ្ងទី១១ ខែមីនា ឆ្នាំ២០២១នេះ បានបញ្ជាក់ថា ក្រោយការស្រាវជ្រាវ និងពិនិត្យសំណាកលើកទី១ ចំពោះអ្នកពាក់ព័ន្ធផ្ទាល់ និងប្រយោល ជាមួយស្ត្រី ដែលផ្ទុកជំងឺកូវីដ-១៩ លទ្ធផល គឺអវិជ្ជមាន កូវីដ -១៩ ទាំងអស់នោះ ហេតុនេះ ដើម្បីជៀសវាងផលប៉ះពាល់ដល់ ការសិក្សារបស់សិស្សានុសិស្ស និង មានការយល់ព្រមពីថ្នាក់ដឹកនាំផង ការិយាល័យអប់រំយុវជន និងកីឡាស្រុក សម្រេចបើកដំណើរការការសិក្សារបស់សាលាទាំង១៩ ជាធម្មតាវិញ ដោយអនុវត្តតាមវិធានការ ៣ការពារ និង ៣កុំ ឲ្យបានខ្ជាប់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក លី ប៊ុនណា ប្រធានមន្ទីរអប់រំយុវជន និងកីឡាខេត្ដសៀមរាប បានមានប្រសាសន៍ថា តាមសំណើរបស់ការិយាល័យអប់រំ យុវជន និងកីឡាស្រុកពួក និង តាមការស្រាវជ្រាវ និងពិនិត្យសំណាកលើកទី១ ចំពោះអ្នកពាក់ព័ន្ធផ្ទាល់ និងប្រយោល ជាមួយស្ត្រីដែលផ្ទុកជំងឺកូវីដ-១៩ លទ្ធផល គឺអវិជ្ជមាន កូវីដ -១៩ ទាំងអស់នេះ មន្ទីរយល់ព្រមតាមសំណើរបស់ការិយាល័យអប់រំស្រុកពួក ដើម្បីជៀសវាងផលប៉ះពាល់ដល់ការសិក្សារបស់សិស្សានុសិស្ស ប៉ុន្ដែត្រូវអនុវត្តតាមវិធានការ ៣ការពារ ៣កុំ ឲ្យបានខ្ជាប់ខ្លួន។

សូមជម្រាបថា កាលពីថ្ងៃទី០៩ ខែមីនា ឆ្នាំ២០២១នេះ សាលារៀនចំនួន១៩កន្លែង នៅក្នុងឃុំចំនួន៤ ក្នុងនោះមាន ៖ ឃុំខ្នាត ចំនួន០៦ សាលា , ឃុំពួក ចំនួន០៥ សាលា , ឃុំសំរោងយា ចំនួន០៣ សាលា និង ឃុំកែវពណ៌ ចំនួន ០៥ សាលា បានសម្រេចបិទមិនឲ្យសិស្សចូលរៀនជាបណ្ដោះអាសន្ន ក្រោយពេលស្ដ្រីម្នាក់ឆ្លងជំងឺកូវីដ១៩ មកពីខេត្ដព្រះសីហនុ ចូលក្នុងសហគមន៍នៅស្រុកពួកនោះ៕

ដោយ ៖ គឿនវេត