ទូកងខេត្តក្រចេះ ទទួលបានចំណាត់ថ្នាក់​ផែន​លេខ​ ១ រហូតដល់ ១១ ទូក ក្នុង​ព្រះរាជពិធីបុណ្យអុំទូកឆ្នាំនេះ

ទូកងខេត្តក្រចេះសរុបចំនួន ២០ ទូក មកពីតាមបណ្តាវត្តអារាម ក្នុងក្រុង/ស្រុក បានចូលរួមការ​ប្រកួត​ក្នុង​ព្រះរាជពិធីបុណ្យអុំទូក បណ្តែតប្រទីត និងសំពះព្រះខែ អកអំបុក នៅឯរាជធានីភ្នំពេញ។

បើតាមរដ្ឋ​បាលខេត្តក្រចេះ ក្នុងការ​ចូលរួម​ការ​ប្រកួតក្នុង​ព្រះរាជពិធីបុណ្យអុំទូក បណ្តែតប្រទីត និងសំពះព្រះខែ អកអំបុក ​រយៈពេល ៣ ថ្ងៃ ​ទូកងខេត្តក្រចេះចំនួន ២០ ទូក ទទួលបានលទ្ធផល ចំណាត់ថ្នាក់ផែនលេខ ១ ចំនួន ១១ ទូក, ចំណាត់​ថ្នាក់ផែនលេខ ២ ចំនួន ៤ ទូក , ចំណាត់ថ្នាក់ផែនលេខ ៣ ចំនួន ៤ ទូក និងចំណាត់ថ្នាក់ផែនលេខ ៤ ចំនួន ១ ទូក។

ក្នុង​ព្រះរាជពិធីបុណ្យអុំទូក បណ្តែតប្រទីត និងសំពះព្រះខែ អកអំបុក នៅឯរាជធានីភ្នំពេញ សម្រាប់ខេត្តក្រចេះ បាន​បញ្ជូន​ទូកងសរុបចំនួន ២០ ទូក ក្នុងនោះមានទូកខ្នាតពិសេសចំនួន ៥ ទូក និងទូកខ្នាងអន្តរជាតិចំនួន ១៥ ទូក៕

អត្ថបទ៖ ប្រុញ វិធិន