ព័ត៌មានអន្ដរជាតិ

ជនលួចវាយទាហានខ្មែរហើយរត់ ជាប់គុកតែ១៥ថ្ងៃ និងពិន័យប្រាក់តិចតួចប៉ុណ្ណោះ

បានផុស

១២ ខែ មុន

នៅ

ថ្ងៃអង្គារ ២២ កក្កដា ២០២៥

ដោយ

ជនកំសាក Sommai Srisukranan ដែលបានលួចវាយទាហានកម្ពុជានៅឯប្រាសាទតាមាន់ធំ កាលពីថ្ងៃអាទិត្យទី១៣ ខែកក្កដាឆ្នាំ២០២៥ ពេលនេះត្រូវតុលាការថៃកាត់ទោសឲ្យជាប់ពន្ធនាគារ១ខែ និងពិន័យប្រាក់៥ពាន់បាត(១៥៥ដុល្លារអាមេរិក) ប៉ុន្តែសម្រាលទោសមកត្រឹម១៥ ថ្ងៃវិញហើយពិន័យប្រាក់២.៥០០បាត (៧៧ដុល្លារ) បន្ទាបពីជននេះបានសារភាពកំហុសឆ្គង។

**មេធាវីការពារក្ដីនិងជនកំសាក (រូបភាព៖Nation )**

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមកាសែត Nationtv កាលពីថ្ងៃទី ២១ ខែ កក្កដា ឆ្នាំ ២០២៥ អតីតអនុរក្ស រួមជាមួយនឹងមេធាវីផ្ទាល់ខ្លួន Wira Yut Sirirueangprapa បានធ្វើដំណើរទៅស្តាប់សាលក្រមនៅតុលាការខេត្ត Surin ។ បន្ទាប់ពីព្រះរាជអាជ្ញាបានបញ្ជូនសំណុំរឿងចោទប្រកាន់ ដែលបានដាល់ទាហានខ្មែរនៅប្រាសាទតាមឿងធំ ស្រុកផាន់ដុងរ៉ាក់ ខេត្តសុរិន្ទ កាលពីថ្ងៃទី១៩ ខែកក្កដា។

មេធាវីរបស់ជនកំសាកថៃ បានបង្ហាញព័ត៌មានដល់អ្នកសារព័ត៌មានថា ថ្ងៃនេះព្រះរាជអាជ្ញាបានចោទប្រកាន់ Sommai ក្រោមបទចោទបង្ករបួសស្នាមលើរាងកាយដល់អ្នកដ៏ទៃ មិនបានបង្កគ្រោះថ្នាក់ដល់រាងកាយ ឬចិត្តទេ ហើយតុលាការបានកាត់ទោស ដាក់ពន្ធនាគារ ១ ខែ និងពិន័យជាប្រាក់ ៥ ពាន់បាត។

ប៉ុន្តែនៅក្នុងតុលាការ ជនលួចវាយទាហានកម្ពុជាហើយរត់នេះបានសារភាពទោសកំហុស ដូច្នេះ តុលាការបានកាត់បន្ថយទោសពាក់កណ្តាលមកនៅក្នុងពន្ធនាគារត្រឹមតែ ១៥ ថ្ងៃ និងពិន័យជាប្រាក់ ២.៥០០ បាត ហើយទោសដាក់ពន្ធនាគារត្រូវព្យួររយៈពេល១ឆ្នាំ។ ក្រោយពីនេះក៏ត្រូវហាមមិនឲ្យប្រព្រឹត្តបទល្មើសដដែលរយៈពេល១ឆ្នាំដែរ។

ថ្វីបើយ៉ាងនេះក្ដី ជនជាបចោទថៃរូបនេះនៅតែក្រអើតក្រទម ហើយអួតក្ដែងៗនៅចំពោះមុខក្រុមអ្នកសារព័ត៌មានថា ខ្លួនមានអារម្មណ៍ធូរស្រាល ដោយសារតុលាការបានធ្វើការសម្រេចដែលស្របតាមច្បាប់ថៃ «បើខ្ញុំខុស ខ្ញុំត្រូវតែទទួលស្គាល់ ហើយយ៉ាងហោចណាស់ខ្ញុំមិនបានរត់ចេញទេ។ ខ្ញុំនៅតែនៅទីនេះ ហើយខ្ញុំគោរពច្បាប់ ព្រមទាំងទទួលយកការស្តីបន្ទោសទាំងអស់ បន្ទាប់ពីនេះខ្ញុំនឹងមិនទៅវាយនរណាម្នាក់ម្តងទៀតទេ»។

ទន្ទឹមនឹងនោះ បុរសថៃដ៏កំសាកនៅតែប្រកាសថា នឹងធ្វើដំណើរទៅតំបន់ប្រាសាទតាមឿងធំជាថ្មីម្ដងទៀត ព្រោះជឿជាក់ថា ប្រាសាទតាមឿនធំ គឺជាតំបន់របស់ប្រទេសថៃពិតៗ។ ជាងនេះទៅទៀត ជនដដែលថែមទាំងប្រាប់មេបញ្ជាការភូមិ២ថា បើមានង្គ្រាមខ្លួននឹងចូលរួមប្រយុទ្ធ បើទោះមានវ័យជរាដល់ទៅ៦០ប្លាយ និងត្រូវតុលាការកំពុងព្យួរទោស១ឆ្នាំក្ដី ៕