កីឡា

អ៊ូច ធារិទ្ធ សម្ដែងការសប្បាយចិត្តជាខ្លាំងនៅពេលឃើញកីឡាករចេះជួយគ្នាពេលមានរបួស

បានផុស

២ នាទីutes មុន

នៅ

ថ្ងៃពុធ ២៣ កក្កដា ២០២៥

ដោយ

អ្នកលេងគុនខ្មែរ អ៊ូច ធារិទ្ធ សម្ដែងការសប្បាយរីករាយជាខ្លាំងនៅពេលដែលកីឡាករប្រដាល់គ្នាឯង សោម វិឆ័យ ចេះជួយគ្នានៅពេលមានរបួសក្នុងការប្រកួតនានាដូចជារូបខ្លួនបាក់ក្ដោងច្រមុះបែបនេះ។

អ៊ូច ធារិទ្ធ និង សោម វិឆ័យ

កីឡាករ អ៊ូច ធារិទ្ធ បានធ្វើវីដេអូជាមួយកីឡាករ សោម វិឆ័យ បង្ហាញភាពរីករាយជាខ្លាំងនៅពេលកីឡាកររួមអាជីពមួយនេះបានជួយឧបត្ថម្ភថវិកាជួយដល់ការព្យាបាលរបួសបាក់ក្ដោងច្រមុះអំឡុងពេលប្រកួតដណ្ដើមខ្សែក្រវាត់ ISKA ថ្មីៗនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ អ៊ូច ធារិទ្ធ

អ៊ូច ធារិទ្ធ បន្ថែមទៀតថា គ្មានអ្វីសប្បាយចិត្តជាងអ្នកប្រដាល់ដូចគ្នាចេះជួយឧបត្ថម្ភគ្នាបែបនេះទេ។ អ្នកប្រដាល់រូបនេះក៏ថ្លែងអំណរគុណដល់កីឡាករ សោម វិឆ័យ ដែលឧបត្ថម្ភថវិកាជួយដល់ការព្យាបាលរបួសបាក់ក្ដោងច្រមុះនៅពេលនេះ។

កីឡាករ អ៊ូច ធារិទ្ធ

បញ្ជាក់ដែរថា កីឡាករ អ៊ូច ធារិទ្ធ បានចាញ់ពិន្ទុវគ្គផ្ដាច់ព្រ័ត្រដណ្ដើមខ្សែក្រវាត់ ISKA ជាមួយកីឡាករ គោរមៈ ច័ន្ទរាជ្យ កាលពីថ្ងៃអាទិត្យ ទី២០ ខែកក្កដា ឆ្នាំ២០២៥។ រូបគេមានរបួសបាក់ក្ដោងច្រមុះនេះក្នុងការប្រកួតចុងក្រោយនេះតែម្ដង។ បច្ចុប្បន្ននេះ ធារិទ្ធ ក៏បានទទួលថវិកាឧបត្ថម្ភនានាពីសប្បុរសជន កីឡាករផង និងការចេញថ្លៃព្យាបាលពីលោក សំណប់ ទាំងស្រុងផងដែរ៕

អត្ថបទដោយ៖ នួន ស៊ីណា

Related Topics:កីឡាប្រដាល់គុនខ្មែរ