ពុទ្ធិកសាកលវិទ្យាល័យព្រះសីហនុរាជ ប្រកាសផ្តល់អាហារូបករណ៍ថ្នាក់បណ្ឌិតលើឯកទេសសិក្សាជាច្រើន

ពុទ្ធិកសាកលវិទ្យាល័យព្រះសីហនុរាជ បានប្រកាសពីការផ្តល់អាហារូបករណ៍ថ្នាក់បណ្ឌិតលើឯកទេសសិក្សាជាច្រើនមុខ មាន៥០% និង២០%។

អាហារូបករណ៍ ៥០% នឹងផ្តល់លើឯកទេស បាលី និងទស្សនវិជ្ជាពុទ្ធសាសនា។ ចំណែក ២០% ផ្តល់លើឯកទេស សំស្រ្កឹត ទស្សនវិជ្ជា អក្សរសិល្ប៍ ភាសាវិទ្យា នីតិសាស្ត្រ រដ្ឋបាលសាធារណៈ វិទ្យាសាស្ត្រអប់រំ និងឯកទេសគ្រប់គ្រងអប់រំ។ អាហារូបករណ៍នេះ ឈប់ទទួលពាក្យនៅថ្ងៃទី១៥ ខែឧសភា ឆ្នាំ២០២៥។ ចំពោះថ្ងៃសិក្សា គឺថ្ងៃសៅរ៍ និងអាទិត្យ ដែលសិក្សារយៈពេល ៣ឆ្នាំ ទៅ៥ឆ្នាំ។

លក្ខខណ្ឌនៃការជ្រើសរើស ព្រះសង្ឃ សិស្ស និស្សិត ត្រូវភ្ជាប់មកជាមួយនឹងសញ្ញាបត្រជាន់ខ្ពស់ ឬមានតម្លៃស្មើ ត្រូវនឹងឯកទេសថ្នាក់បណ្ឌិតដែលខ្លួនត្រូវសិក្សា។ ត្រូវភ្ជាប់មកជាមួយនិក្ខេបបទថតចម្លងផ្នែកខាងដើម និងគន្ថនិទ្ទេស។ បន្ថែមពីនេះ អ្នកសិក្សា ត្រូវភ្ជាប់មកជាមួយនឹងប្រធានបទស្រាវជ្រាវថ្នាក់បណ្ឌិតផងដែរ។ ហេតុនេះ ប្រសិនជា សិស្ស និស្សិត ព្រះសង្ឃ មានចំណាប់អារម្មណ៍ អាចចុះឈ្មោះចូលរៀននៅពុទ្ធិកសាកលវិទ្យាល័យព្រះសីហនុរាជ រៀងរាល់ម៉ោងសិក្សា៕