ព័ត៌មានជាតិ

ក្រសួងរ៉ែទទួលយកសំណើពលរដ្ឋដែលស្នើសុំកិនសំណល់រ៉ែមាសលើដីក្នុងខេត្តមណ្ឌលគិរីទៅពិភាក្សា

បានផុស

៣ ម៉ោង មុន

នៅ

ថ្ងៃអង្គារ ១៣ ឧសភា ២០២៥

ដោយ

អគ្គនាយកធនធានរ៉ែ នៃក្រសួងរ៉ែនិងថាមពល លោក អ៉ឹង ឌីប៉ូឡា ថាបានលោកបានទទួលយកសំណើរបស់ពលរដ្ឋជិត២០០នាក់ នៅឃុំចុងផ្លាស ស្រុកកែវសីមា ខេត្តមណ្ឌលគិរី ដែលស្នើសុំកិនកាកសំណល់រ៉ែមាសលើៗលក្ខណ:គ្រួសារបែបប្រពៃណី ដើម្បីយកទៅឆ្លងយោបល់ថ្នាក់ដឹកនាំក្រសួងហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការទទួលយកសំណើរនេះគឺបន្ទាប់ពីមានការចុះទៅពិនិត្យ វាយតម្លៃការស្ដារអណ្ដូងរ៉ែខុសច្បាប់របស់ពលរដ្ឋកាលពីថ្ងៃទី១២ ខែឧសភា ឆ្នាំ២០២៥។

លោក អ៉ឹង ឌីប៉ូឡា បានលើកឡើងថា «ការធ្វើអាជីវកម្មរ៉ែមាសទៅបានលុះត្រាតែមានលិខិតអនុញ្ញាត និងអាជ្ញាបណ្ណត្រឹមត្រូវទើបអាចធ្វើអាជីវកម្មបាន» ទោះជាយ៉ាងណាអគ្គនាយកដ្ឋាននឹងទទួលយកសំណើពលរដ្ឋ១៥០គ្រួសារ ដែលស្នើសុំកិនកាកសំណល់រ៉ែមាសលើដីលក្ខណៈគ្រួសារយកទៅពិភាក្សា ឆ្លងយោបល់ថ្នាក់ដឹកនាំក្រសួងសិន។

លោកថាជាបឋមលោកស្នើឱ្យមេឃុំស្រង់យកទិន្នន័យពលរដ្ឋដែលមានលំនៅដ្ឋាន និងប្លង់ដីពិតប្រាកដប៉ុណ្ណោះដើម្បីឲ្យក្រុមការងារលើកនៅក្នុងអង្គប្រជុំនិងឆ្លងយោបល់ទៅថ្នាក់ដឹកនាំក្រសួង ដើម្បីរកដំណោះស្រាយជូនប្រជាពលរដ្ឋក្នុងមូលដ្ឋាន។

កាលពីចុងឆ្នាំ២០២៤ អាជ្ញាធរបានចុះបង្ក្រាបទីតាំងអាជីវកម្មរ៉ែមាសខុសច្បាប់ក្នុងតំបន់មេសំ ឃុំចុងផ្លាស់ ស្រុកកែវសីមាខេត្តមណ្ឌលគិរីបានចំនួន ៥៦ទីតាំង និងរកឃើញអណ្តូងរ៉ែចំនួន៣៣កន្លែង ខណៈអគ្គនាយកដ្ឋានធនធានរ៉ែបានបញ្ជាក់ថាការធ្វើអាជីវកម្មរ៉ែមាសខុសច្បាប់នៅតំបន់នេះគឺតែងតែកើតមានឥតឈប់ឈរទោះបីបានចុះបង្ក្រាបញឹកញាប់ និងបានបិទទីតាំងអាជីវកម្មជាច្រើនហើយក៏ដោយ៕