ព័ត៌មានជាតិ

ប្រធានសភាអរគុណសាធារណរដ្ឋឆែកដែលបានបង្វែរបំណុលទៅជាជំនួយដល់កម្ពុជា

បានផុស

១ នាទីute មុន

នៅ

ថ្ងៃចន្ទ ៧ កក្កដា ២០២៥

ដោយ

ប្រធានសភាកម្ពុជា សម្ដេចសភាធិបតី ឃួន សុដារី បានថ្លែងអំណរគុណដល់សាធារណរដ្ឋឆែកបានបានសម្រេចលុបបំណុល និងបង្វែបំណុលពីអតីតកាលរបស់កម្ពុជាមកជាជំនួយសង្គមជួយដល់ពលរដ្ឋខ្មែរ។ សម្ដេចចង់ឃើញប្រទេសម្ចាស់បំណុលផ្សេងទៀតយកគំរូតាមសាធារណរដ្ឋឆែកផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងជំនួបជាមួយឯកអគ្គរដ្ឋទូតសាធារណរដ្ឋឆែកប្រចាំកម្ពុជាលោក ម៉ាទីន វ៉ាវរ៉ា (Martin Vávra) នៅវិមានសភាជាតិព្រឹកថ្ងៃទី៧ ខែកក្កដា ឆ្នាំ២០២៥ សម្ដេចប្រធានសភា មានប្រសាសន៍ថា «ឆែកជាមិត្តល្អរបស់កម្ពុជា» ដែលបានផ្ដល់ជំនួយគាំទ្រដល់កម្ពុជាជាច្រើនតាំងពីពេលដែលកម្ពុជាបានរំដោះពីរបបប្រល័យពូជសាសន៍ខ្មែរក្រហមមកម្លេះ។ ហើយការបង្វែរបំណុលពីអតីតកាលដែលកម្ពុជាជំពាក់ទៅជាជំនួយដល់កម្ពុជាគឺជារួមចំណែកយ៉ាងសំខាន់ពីប្រទេសនេះដល់ការអភិវឌ្ឍកម្ពុជា។

នាយខុទ្ទកាល័យសម្ដេចប្រធានរដ្ឋសភា លោក កែវ ពិសិដ្ឋ បានប្រាប់ក្រុមអ្នកយកព័ត៌មានថា៖ «នេះជាគំរូមួយដ៏សំខាន់ដែលសម្ដេចក៏បានលើកទឹកចិត្តដល់ប្រទេសនានាផងដែរដែលកម្ពុជាធ្លាប់ជួបបំណុលជាពិសេសក្នុងរយៈពេលកម្ពុជាធ្លាប់ជួបនូវសង្គ្រាមវិបត្តិសេដ្ឋកិច្ចតាំងពីមុនសម័យ ពល ប៉ុត ដែលប្រាក់កម្ចីទាំងនោះគឺយកទៅដើម្បីធ្វើសង្គ្រាមប៉ុណ្ណោះ»។

ក្នុងឱកាសនោះលោក ម៉ាទីន វ៉ាវរ៉ា បានលើកឡើងថាទំនាក់ទំនងកម្ពុជា-សាធារណរដ្ឋឆែកបច្ចុប្បន្នគឺជាទំនាក់ទំនងនៃជំនួយដែលលោកបានបញ្ជាក់ថានឹងបន្តជួយដល់កម្ពុជា៥ឆ្នាំទៅមុខទៀតដើម្បីឱ្យកម្ពុជាសម្រេចបានជាប្រទេសមានប្រាក់ចំណូលមធ្យមកម្រិតខ្ពស់។

លោកបន្ថែមថាតាមផែនការរបស់ឆែកក្រោយកម្ពុជាសម្រេចគោលដៅឆ្នាំ២០៣០ ប្រទេសនេះនឹងបង្កើនទំនាក់ទំនងទៅជាទំនាក់ទំនងសេដ្ឋកិច្ចជាមួយកម្ពុជាវិញដែលលោកថានឹងពង្រឹងលើការវិនិយោគពីឆែក ការអភិវឌ្ឍន៍ធនធានមនុស្ស និងការអប់រំជាដើម។

កម្ពុជាបានជំពាក់បំណុលឆែកប្រមាណជា៣លានដុល្លារដែលបានខ្ចីកាលពីឆ្នាំ១៩៨០ ដែលស្មើនឹងប្រមាណជិត១២លានដុល្លារពេលបច្ចុប្បន្ន។ កាលពីខែធ្នូ ឆ្នាំ២០១២ រដ្ឋាភិបាលនៃប្រទេសឆេកបានសម្រេចលុបចោលបំណុលនេះទាំងអស់ដោយបង្វែរទៅជាជំនួយអភិវឌ្ឍន៍កម្ពុជាវិញ៕

អត្ថបទដោយ ហ៊ុន សិរីវឌ្ឍន៍

Related Topics:សម្ដេច ឃួន សុដារី កម្ពុជា-សាធារណរដ្ឋឆែក

ព័ត៌មានអន្ដរជាតិ៣ ថ្ងៃ ago

Google នឹងមិនប្តូរផែនទីនៅលើកម្មវិធី Maps តាមសំណើរបស់ថៃ ឡើយ

សេចក្ដីជូនដំណឹង៣ ថ្ងៃ ago

អ្នកឧកញ៉ា ឡេង ណាវ៉ាត្រា ចាត់ក្រុមការងារសហព័ន្ធយុវជនបូជាការពារយុត្តិធម៌ ទាំងយប់ចុះជួបវីរកងទ័ពកម្ពុជាដ៏អង់អាចក្លាហាន ដេញកងទ័ពថៃឈ្លានពាន ចេញនៅចំណុចភ្នំខ្មោច