នយោបាយ

សម្ដេចតេជោ៖ អ្នកដែលជេរ ហ៊ុន សែន ខ្លាំងមិនមែនមានន័យថាជាអ្នកប្រឆាំង ហ៊ុន សែន ទេ

បានផុស

៣ នាទីutes មុន

នៅ

ថ្ងៃអង្គារ ៣ មិថុនា ២០២៥

ដោយ

ប្រធានព្រឹទ្ធសភា សម្ដេចតេជោ ហ៊ុន សែន បានលើកឡើងពីយុទ្ធសាស្ត្រនយោបាយមួយដែលឱ្យសមាជិកបក្សប្រជាជនចូលរួមជាមួយគណបក្សដទៃ ដែលសម្ដេចបញ្ជាក់ថាពួកគេគឺជាមនុស្សរបស់បក្សប្រជាជនតាំងពីយូរមកហើយ ក្នុងនោះសម្ដេចក៏រំលេចផងដែរថាអ្នកដែលជេរសម្ដេចខ្លាំងក៏មិនប្រាកដថាគេប្រឆាំងនឹងសម្ដេចដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងសមាជរដ្ឋសភា ព្រឹទ្ធសភា ថ្ងៃទី៣ ខែមិថុនា ឆ្នាំ២០២៥នេះ សម្ដេចតេជោ ហ៊ុន សែន បានលើកឡើងថា យុទ្ធសាស្ត្រតេជោត្រូវបានពង្រាយគ្រប់តួអង្គនៃមេដឹកនាំគណបក្សប្រជាជនហើយ។ ពេលខ្លះគណបក្សផ្សេងខ្វះមនុស្សបានជ្រើសរើសពីបក្សប្រជាជនទៅទេ ហើយក៏មានអតីតគណបក្សសង្គ្រោះជាតិផងដែរ។

សម្ដេចថា៖ «ខ្ញុំគ្រាន់តែជម្រាប។ កាលហ្នឹងខ្ញុំបានជម្រាបនៅចម្ការមនថា មិនមែនបងប្អូនហ្នឹងលក់ក្បាលលក់កន្ទុយអីទេ មកពីអស់លោកមកជ្រើសរើសសមាជិកគណបក្សប្រជាជនទៅចុះឈ្មោះ។ អ៊ីចឹងគេរុញទូកបណ្ដោយទឹកតែម្ដងទៅវាមិនស្រួល បើសិនមិនដាក់អ្នកហ្នឹងទេ ដាក់អ្នកផ្សេងវាមិនពិបាក? [..] អ្នកជេរ ហ៊ុន សែន ខ្លាំងមិនប្រាកដមនុស្សប្រឆាំង ហ៊ុន សែន ទេណា! ជួនកាលជេរ ហ៊ុន សែន ដើម្បីចូលទេ»។

សម្ដេចក៏បានរំឮកពីការឱ្យលោក ឡុង ប៊ុន្នី ទៅជាសមាជិកគណបក្សសង្គ្រោះជាតិផងដែរ ដោយថានេះជាការធ្វើបក្សនយោបាយ។

បើតាមសម្ដេចសម្ដេចតេជោ បច្ចុប្បន្នសម្ដេចក៏ទទួលដំណឹងថាគណបក្សឆន្ទៈខ្មែរ និងគណបក្សកម្លាំងជាតិ កំពុងតែរៀបចំរចនាសម្ព័ន្ធផ្ទៃក្នុងដើម្បីឈរឈ្មោះបោះឆ្នោត និងកំពុងតែខ្វះមនុស្សផងដែរ៕

អត្ថបទដោយ ហ៊ុន សិរីវឌ្ឍន៍

Related Topics:សម្ដេចតេជោ ហ៊ុន សែន