សន្តិសុខសង្គម

អាជ្ញាធរច្បារអំពៅ ២ ចុះរុះរើរោង៣ ដែលលបសង់លើច្រាំងទន្លេដីរបស់រដ្ឋ

បានផុស

២ years មុន

នៅ

ថ្ងៃអង្គារ ១៤ ធ្នូ ២០២១

ដោយ

រោងសង់ពីឈើចំនួន ៣ ដែលលួចសាងសង់លើដីច្រាំងទន្លេរបស់រដ្ឋ ត្រូវបានកម្លាំងចម្រុះរបស់សាលាសង្កាត់ច្បារអំពៅទី ២ ចុះរុះរើជាបន្ទាន់ ព្រោះជាដីហាមឃាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រសាសន៍លោក យ៉ិន វុធ ចៅសង្កាត់ច្បារអំពៅបានឲ្យដឹងថា ការចុះរុះរើលើដីច្រាំងទន្លេរបស់រដ្ឋនេះ គឺស្ថិតក្នុងភូមិដើមចាន់ ១ សង្កាត់ច្បារអំពៅទី ២ ខណ្ឌច្បារអំពៅ រាជធានីភ្នំពេញកាលពីវេលាម៉ោង ១៥ រសៀលថ្ងៃទី ១៤ ខែធ្នូនេះតែម្តង។ លោកចៅសង្កាត់បានបញ្ជាក់ទៀតថា ដីខាងលើនេះ ជាដីច្រាំងទន្លេដែលគ្រប់គ្រងដោយសាលារាជធានីភ្នំពេញហើយប្រជាពលរដ្ឋដែលមកលបលួចសាងសង់នេះគឺជាជនឆ្លៀតពេល ខណៈដែលដីច្រាំងទន្លេកំពុងធ្វើការស្ថាបនាច្រាំងរឹងមាំហើយបែរជាពួកគាត់លបលួចសាងសង់ខុសច្បាប់បែបនេះ។

លោក យ៉ិន វុធ ចៅសង្កាត់ច្បារអំពៅទី ២ បានធ្វើការក្រើនរំលឹកដល់បងប្អូនប្រជាពលរដ្ឋត្រូវបញ្ឈប់សកម្មភាពលបលួចសាងសង់រោង ឬផ្ទះលើដីច្រាំងទន្លេ(របស់រដ្ឋ)បន្តទៀត ហើយបើនៅតែចចេស និងខាតបង់លុយកាក់ដែលខិតខំទិញឈើមកធ្វើការសាងសង់ ព្រោះអាជ្ញាធរមិនលើកលែងឡើយ៕

អត្ថបទ៖ នរា