សន្តិសុខសង្គម

ពលករខ្មែរ ២២ នាក់ លបឆ្លងដែនខុសច្បាប់ ត្រូវសមត្ថកិច្ចចាប់ខ្លួន

បានផុស

៤ years មុន

នៅ

ថ្ងៃអាទិត្យ ៣០ មករា ២០២២

ដោយ

ពលករខ្មែរ ២២ នាក់ ត្រូវសមត្ថកិច្ចថៃឃាត់ខ្លួន ខណៈដែលពួកគេកំពុងលបឆ្លងដែនខុសច្បាប់ចូលទៅរកការងារធ្វើក្នុងទឹកដីថៃ។ ការឃាត់ខ្លួនពលករទាំងអស់នេះ គឺនៅវេលាម៉ោង ១០ ព្រឹក ថ្ងៃទី ២៩ ខែមករា ឆ្នាំ ២០២២ ដោយកម្លាំងតម្រួតព្រំដែនទី១ សហការជាមួយកម្លាំងអធិការដ្ឋានស្រុកអារញ្ញប្រាថេត បានឃាត់ខ្លួននៅចំណុច ភូមិ២ ឃុំថាប់ព្រិក ស្រុកអារញ្ញប្រាថេត ខេត្តស្រះកែវ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

របាយការណ៍បានអះអាងថា នៅពេលនោះគឺមានពលករខ្មែរចំនួន ២២ នាក់ (ស្រី៦នាក់) បានឆ្លងដែនខុសច្បាប់ដើរកាត់តាមចម្ការរបស់អ្នកភូមិថៃ ដោយមានការសង្ស័យទើបសមត្ថកិច្ចសាកសួរ គឺពលករទាំងអស់គ្មានច្បាប់អនុញ្ញាតឲ្យលធ្វើការក្នុងប្រទេសថៃឡើយ។

តាមចម្លើយសារភាព គឺពលករខ្មែរទាំងអស់ ចេញមកពី ខេត្តបាត់ដំបង សៀមរាប បន្ទាយមានជ័យ និងខេត្តកំពង់ធំ និងមានបំណងចូលទៅធ្វើការនៅខេត្តឆ:ឈើងសៅ ឈុនបុរី ប្រាជីនបុរី រ:យ៉ង ប៉ាធុំថានី និងក្រុងបាងកក។ បច្ចុប្បន្នពលករខ្មែរទាំង ២២ នាក់ ត្រូវបានសមត្ថកិច្ចបញ្ជូនទៅកាន់ស្នងការខេត្តស្រះកែវហើយ ដើម្បីអនុវត្តតាមនីតិវិធី ៕