សន្តិសុខសង្គម

អគ្គិភ័យឆេះផ្ទះពលរដ្ឋមួយខ្នង នៅស្រុកគងពិសី ដោយមិនទាន់ដឹងមូលហេតុ

បានផុស

១ year មុន

នៅ

ថ្ងៃចន្ទ ២០ កុម្ភៈ ២០២៣

ដោយ

អគ្គិភ័យបានឆាបឆេះផ្ទះប្រជាពលរដ្ឋមួយខ្នងដោយមិនទាន់ដឹងមូលហេតុ ខណៈម្ចាស់លង់លក់ក្នុងដំណេក បង្កឲ្យមានការភ្ញាក់ផ្អើល ប៉ុន្តែមិនបណ្ដាលឲ្យមានគ្រោះថ្នាក់ដល់មនុស្សឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបានកើតឡើងកាលពីវេលាម៉ោង ៩ និង ៤០ នាទីយប់ ថ្ងៃទី ១៩ ខែកុម្ភៈ ឆ្នាំ ២០២៣ នៅក្នុងភូមិត្រពាំងធ្លក ឃុំស្នំក្រពើ ស្រុកគងពិសី ខេត្តកំពង់ស្ពឺ។

នគរបាលស្រុកគងពិសី បានឲ្យដឹងថា ផ្ទះប្រជាពលរដ្ឋដែលអគ្គិភ័យឆាបឆេះនោះមានទំហំ ៦ ម៉ែត្រ គុណនឹង ៨ ម៉ែត្រ ធ្វើអំពីឈើ សសរបេតុង ដំបូលប្រក់ក្បឿង។ ម្ចាស់មានឈ្មោះ ប្រាក់ វ៉ុន ភេទប្រុស អាយុ ៥៩ ឆ្នាំ រស់នៅក្នុងភូមិត្រពាំងធ្លក ឃុំស្នំក្រពើ ស្រុកគងពិសី។

នគរបាលបន្តទៀតថា នៅក្នុងហេតុការណ៍នោះបណ្ដាលឲ្យរងការខូចខាតសម្ភារៈរួមមាន ៖សំលៀកបំពាក់ ទូ គ្រែ ពូក ទ្រព្យសម្បត្តិផ្សេងៗខូចខាតទាំងស្រុងតែម្ដង។ ចំពោះមូលហេតុដែលអគ្គិភ័យឆាបឆេះផ្ទះមិនទាន់ដឹងនៅឡើយទេ សមត្ថកិច្ចកំពុងធ្វើការស្រាវជ្រាវបន្តទៀត។

សមត្ថកិច្ច បានធ្វើការអន្តរាគមន៍ភ្លាមៗ ដោយប្រើប្រាស់រថយន្តពន្លត់អគ្គិភ័យ ០១ គ្រឿង បាញ់អស់ទឹក ០៣ ឡាន ដើម្បីទប់ស្កាត់មិនឲ្យឆ្លងឆេះរាលដាលដល់ផ្ទះពលរដ្ឋជិតខាងទៀត៕

អត្ថបទ ៖ ភួង រដ្ឋា